Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຄົບຄະນະບໍລິຫານງານພັກເມືອງ ຄັ້ງທີ II ສະໄໝທີ VII.

1 min read

ໃນຕອນເຊົ້າວັນທີ 23 ມັງກອນ 2020 ນີ້, ຢູ່ທີ່ສະໂມສອນເມືອງຊະນະຄາມ ແຂວງວຽງຈັນ, ໄດ້ຈັດກອງປະຊຸມຄົບຄະນະບໍລິຫານງານພັກເມືອງຄັ້ງທີ II ສະໄໝທີ VII ຂື້ນ,

ໂດຍການໃຫ້ກຽດເຂົ້າເປັນປະທານຮ່ວມຂອງ ສະຫາຍ ວິນັດ ສີສຸວົງ ກໍາມະການປະຈໍາພັກແຂວງ ປະທານກວດກາພັກແຂວງວຽງຈັນ, ສະຫາຍ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ, ມີບັນດາສະຫາຍໃນຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ເລ ຂາໜ່ວຍພັກ, ຫົວໜ້າຫ້ອງການ ແລະ ຮອງຫົວໜ້າຫ້ອງການອ້ອມຂ້າງເມືອງ ເຂົ້າຮ່ວມທັງໝົດ 78 ສະຫາຍ, ຍິງ 8 ສະຫາຍ.

ໂດຍປະຕິບັດຕາມ ກົດລະບຽບຂອງພັກປະຊາຊົນປະຕິວັດລາວສະໄໝທີ X, ໝວດທີ IV ມາດຕາ 23, ວ່າດ້ວຍ: ກອງປະຊຸມສາມັນຄົບຄະນະບໍລິຫານງານພັກສະໄໝສາມັນ 3 ເດືອນໃດເປີດກອງປະຊຸມ 1 ເທື່ອ ແລະ ປະຕິບັດຕາມການຕົກລົງເຫັນດີເປັນເອກະພາບຂອງຄະນະປະຈໍາພັກເມືອງ ໃນຄັ້ງວັນທີ 20 ມັງກອນ 2020.

 


ກອງປະຊຸມໄດ້ຮັບຟັງ ການຜ່ານມະຕິຕົກລົງຂອງຄະນະປະຈໍາພັກແຂວງ, ວ່າດ້ວຍ: ການຮັບຮອງເອົາຄະນະບໍລິ ຫານງານພັກເມືອງຊະນະຄາມ ສະໄໝທີ VII ແລະ ມະຕິວ່າດ້ວຍການແບ່ງຄວາມຮັບຜິດຊອບໃຫ້ຄະນະບໍລິຫານງານພັກເມືອງໃນແຕ່ລະຂົງເຂດວຽກງານ ແລະ ແຕ່ລະກຸ່ມບ້ານເຊິ່ງມີລາຍລະອຽດຄື: ສະຫາຍ ສະໝານວິເສດຍະພົງສ໌ ເລຂາຄະນະບໍລິຫານງານພັກເມືອງ, ເຈົ້າເມືອງ ຮັບຜິດ ຊອບຊີ້ນໍາ-ນໍາພາວຽກງານຮອບດ້ານ, ສະຫາຍ ແກ້ວ ພິມມະວົງ ຮອງເລຂາຄະນະບໍລິຫານງານພັກເມືອງ ຊ່ວຍວຽກເລຂາຄະນະບໍລິຫານງານພັກເມືອງ ຮັບຜິດຊອບວຽກງານການເມືອງ-ແນວຄິດ, ວຽກງານພັກ-ພະນັກງານ ແລະ ຊີ້ນໍາກຸ່ມບ້ານຄົກເຂົ້າດໍ;

ສະຫາຍ ດອນ ລາດຊະວົງ ຮອງເລຂາຄະນະບໍລິຫານງານພັກເມືອງ ປະທານກວດກາພັກເມືອງ ຊີ້ນໍາກຸ່ມບ້ານນາພຽງ; ສະຫາຍ ພັທ ພອນໄຊ ສັກບັນດິດ ກໍາມະການປະຈໍາພັກເມືອງ ຫົວໜ້າກອງບັນຊາການທະຫານເມືອງ ຊີ້ນໍາວຽກງານປ້ອງກັນຊາດ- ປ້ອງກັນຄວາມສະຫງົບ ແລະ ຊີ້ນໍາກຸ່ມບ້ານປາກພາງ; ສະຫາຍ ບຸນຊ່ວງ ວັນສີ ກໍາມະການປະຈໍາພັກເມືອງ ຮອງເຈົ້າເມືອງ ຊີ້ນໍາວຽກງານເສດຖະກິດ, ວັດທະນະທໍາ-ສັງຄົມ ແລະ ຊີ້ນໍາກຸ່ມບ້ານແສນຈະເລີນ;

ສະຫາຍ ນາງ ໄກ້ສອນ ອ່ອນລັງສີ ກໍາມະການປະຈໍາພັກເມືອງ ຫົວໜ້າຄະນະໂຄສະນາ-ອົບຮົມເມືອງ ຊີ້ນໍາກຸ່ມບ້ານເທດສະບານ; ສະຫາຍ ຍອດ ບຸດສະບູນ ກໍາມະການປະຈໍາພັກເມືອງ ປະທານແນວລາວສ້າງຊາດເມືອງ ຊີ້ນໍາກຸ່ມບ້ານໂນນສະຫວັນ ແລະ ບ້ານນໍ້າກວນ;

ສະຫາຍແສງຈັນ ໄຊຜາສຸກ ກໍາມະການພັກເມືອງ ຫົວໜ້າຫ້ອງວ່າການເມືອງ ຮັບຜິດ ຊອບເປັນຫົວໜ້າກຸ່ມບ້ານນາພຽງ; ສະຫາຍ ຈັນເພັງ ສຸວັນນະຈັກຄໍາ ກໍາມະການພັກເມືອງ ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ຮັບຜິດຊອບກຸ່ມບ້ານໂນນສະຫວັນ;

ສະຫາຍ ທອງເພັດ ຜຸຍຍາວົງ ກໍາມະການພັກເມືອງ ປະທານສານປະຊາຊົນເຂດ 3 ແຂວງວຽງຈັນ ຮັບຜິດຊອບເປັນຫົວໜ້າກຸ່ມບ້ານປາກພາງ, ສະຫາຍ ສີນວນ ຈັນດາຫານ ກໍາມະການພັກເມືອງ ຫົວໜ້າຫ້ອງການຍຸຕິທໍາເມືອງ ເປັນຮອງຫົວໜ້າກຸ່ມບ້ານໂນນສະຫວັນ; ສະຫາຍ ຈັບ ຊະນະເລີດ ກໍາມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ ຮັບຜິດຊອບເປັນຫົວໜ້າກຸ່ມບ້ານຄົກເຂົ້າດໍ;

 

ສະຫາຍ ບຸນພັນ ສີປະມວນ ກໍາມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ ຮັບຜິດຊອບເປັນຫົວໜ້າກຸ່ມບ້ານເທດສະບານ; ສະຫາຍ ໂພຄໍາ ແສງລະດີ ກໍາມະການພັກເມືອງ ຮອງຫົວໜ້າຫ້ອງການສາທາລະນະສຸກເມືອງ ຮັບຜິດ ຊອບເປັນຮອງຫົວໜ້າກຸ່ມບ້ານແສນຈະເລີນ; ສະຫາຍ ພອນເພັດ ອຸດົມມີໄຊ ກໍາມະການພັກເມືອງ ຫົວໜ້າຫ້ອງການພະລັງ ງານ-ບໍ່ແຮ່ເມືອງ ຮັບຜິດຊອບເປັນຫົວໜ້າກຸ່ມບ້ານຄົກເຂົ້າດໍ;

ສະຫາຍ ພັທ ບົວຂາວ ກູດແກ້ວ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງ ຮັບຜິດຊອບເປັນຮອງຫົວໜ້າກຸ່ມບ້ານເທດສະບານ; ສະຫາຍ ສຸກສະຫວັນ ສິງອາໄພ ກໍາມະການພັກເມືອງ ປະທານສະຫະພັນກໍາມະບານເມືອງ ຮັບຜິດຊອບເປັນຮອງຫົວໜ້າກຸ່ມບ້ານແສນຈະເລີນ; ສະຫາຍ ນາງ ໄກສອນ ທິບທໍາມະວົງ ກໍາມະການພັກເມືອງ ປະທານສະຫະພັນແມ່ຍິງເມືອງ ຮັບຜິດຊອບເປັນຮອງຫົວໜ້າກຸ່ມບ້ານປາກພາງ; ສະຫາຍ ບົວໄລ ລາຊະພົນ ກໍາມະການພັກເມືອງ ຫົວໜ້າຄະນະຈັດຕັ້ງເມືອງ ຮັບຜິດຊອບເປັນຮອງຫົວໜ້າກຸ່ມບ້ານນໍ້າກວນ;

ສະຫາຍ ນາງ ທົດສະຫວັດ ສົງພະຈັນ ກໍາມະການພັກເມືອງ ຮັບຜິດຊອບເປັນຫົວໜ້າກຸ່ມບ້ານນາພຽງ ແລະ ສະຫາຍ ຈັນອົບ ວິລະພົນເດດ ກໍາມະການພັກເມືອງ ເລຂາໜ່ວຍພັກບ້ານ- ນາຍບ້ານນາເດື່ອຮັບຜິດຊອບເປັນຫົວໜ້າກຸ່ມບ້ານນໍ້າກວນ.

ກອງປະຊຸມ ຍັງໄດ້ຮັບຟັງການຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ສະບັບເລກທີ 4747/ກປທນະຄອນຫຼວງວຽງຈັນ, ລົງວັນທີ 18/11/2019, ວ່າດ້ວຍ: ການແຕ່ງຕັ້ງຄະນະຮັບຜິດຊອບຊີ້ນໍາ ແລະ ອະນຸກໍາມະການຮັບຜິດຊອບເນື້ອໃນອົບຮົມ-ຫັດແອບສ້າງທ່າສະໜາມສູ້ຮົບ, ຕັ້ງທ່າປ້ອງກັນເມືອງຊະນະຄາມ ແຂວງວຽງຈັນ, ຮັບຟັງການຜ່ານພາລະບົດບາດ, ສິດ-ໜ້າທີ່, ລະບອບແບບແຜນວິທີເຮັດວຽກຂອງຄະນະບໍລິຫານງານພັກເມືອງ ແລະ ການປະຄໍາຄິດ-ຄໍາເຫັນເຂົ້າໃສ່ໂຄງຮ່າງການດໍາເນີນງານຂອງຄະນະບໍລິຫານງານພັກເມືອງ, ເພື່ອເຮັດໃຫ້ເນື້ອໃນມີຄວາມສົມບູນ, ໜັກແໜ້ນ ແລະ ສາມາດນໍາໄປຈັດຕັ້ງປະຕິບັດໃຫ້ມີຜົນສໍາເລັດ.

ກອງປະຊຸມໃນຄັ້ງນີ້ ຍັງໄດ້ເປັນກຽດຮັບຟັງ ການມີຄວາມເຫັນໂອ້ລົມຂອງ ສະຫາຍ ວິນັດ ສີສຸວົງ ກໍາມະການປະຈໍາພັກແຂວງ ປະທານກວດກາພັກແຂວງວຽງຈັນ, ເຊິ່ງໄດ້ກາຍເປັນເຂັມທິດຊີ້ເຍືອງທາງໃຫ້ແກ່ຄະນະພັກເມືອງໃນການຊີ້ນໍາ-ນໍາພາ ແລະ ສະຫາຍຍັງໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນໍາ – ນໍາພາຂອງຄະນະບໍລິຫານງານພັກເມືອງໃນໄລຍະຜ່ານມາ,

ພ້ອມກັນນີ້ ກໍ່ຍັງໄດ້ສະແດງຄວາມເປັນຫ່ວງ-ເປັນໄຍ ແລະ ຮຽກຮ້ອງມາຍັງຄະນະບໍລິຫານງານຊຸດໃໝ່ ຈົ່ງໄດ້ຍົກສູງພາລະບົດບາດ, ໜ້າທີ່ຄວາມຮັບຜິດຊອບທາງດ້ານການເມືອງໃຫ້ສູງຂຶ້ນ ແລະ ມີຄວາມໜັກແໜ້ນ-ເຂັ້ມແຂງ, ຫັນເປັນໂຄງການ, ມີແຜນການລະອຽດໃນແຕ່ລະຂົງເຂດວຽກງານ ແລະ ຮາກຖານບ້ານ, ຮັບປະກັນເຮັດໃຫ້ເມືອງຂອງຕົນມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed