Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງວຽງຈັນ ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ.

1 min read

ໃນຕອນເຊົ້າມື້ນີ້ ວັນທີ 23 ມັງກອນ 2020, ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງວຽງຈັນ ໄດ້ປາຖະກະຖາວັນສ້າງຕັ້ງກອງທັບປະຊາຊົນລາວ (ວັນທີ 20 ມັງກອນ) ຄົບຮອບ 71 ປີ.

ໃຫ້ກຽດປາຖະກະຖາໂດຍ ທ່ານ ນາງ ອິ່ນຄຳ ພັນດາລາ ກຳມະການພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງວຽງຈັນ, ມີບັນດາພະນັກງານພາຍໃນພະແນກດັ່ງກ່າວເຂົ້າຮ່ວມຮັບຟັງ.


ເຊິ່ງທ່ານໄດ້ຍົກໃຫ້ເຫັນເຖິງປະຫວັດແຫ່ງການກຳເນີດ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາ ຊົນລາວ, ໄດ້ຍົກໃຫ້ເຫັນ ທາດແທ້ ແລະ ມູນເຊື້ອອັນສະຫງ່າອົງອາດຂອງກອງທັບປະຊາຊົນລາວ, ເຊິ່ງກອງທັບປະຊາຊົນລາວ ແມ່ນເລີ່ມມາຈາກກອງທັບປະກອບອາວຸດຂອງປະຊາຊົນລາວບັນດາເຜົ່າ ທີ່ຕໍ່ສູ້ເພຶ່ອປົດປ່ອຍປະຊາຊົນອອກຈາກການກົດຂີ່ຂູດຮີດຂອງສັກດີນາ ແລະ ຕ່າງຊາດ, ຕໍ່ສູ້ເພຶ່ອນຳເອົາເອກະລາດອຳນາດອະທິປະໄຕມາໃຫ້ແກ່ປະຊາຊົນ.

ເຊິ່ງພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ, ໃນພຶດຕິກຳແຫ່ງການຕໍ່ສູ້ກູ້ຊາດອັນຍືດເຍື້ອຍາວນານ ໄດ້ຢັ້ງຢືນຢ່າງຈະແຈ້ງວ່າກອງທັບປະຊາຊົນລາວ ມາຈາກປະຊາຊົນລາວ ໂດຍປະຊາຊົນ ແລະ ເພື່ອປະຊາຊົນ, ພາຍໃຕ້ການນຳພາ ແລະ ຝຶກຝົນຫຼໍ່ຫຼອມຈາກພັກ, ຍາມໃດກໍ່ມີຄວາມຈົງຮັກພັກດີ, ມີຄວາມບໍລິສຸດຜຸດຜ່ອງ, ມີຄວາມເດັດດ່ຽວ ໜຽວແໜ້ນ, ມີລະບຽບແບບແຜນທີ່ເຂັ້ມງວດ, ມີຄວາມອົງອາດກ້າຫານ, ມີນຳໃຈເສຍສະຫຼະອັນສູງສົ່ງ,

ພ້ອມທັງຍັງໄດ້ເສຍສະຫຼະຊີວິດຕົນເພື່ອຊາດ ເພື່ອປະຊາຊົນ ເຊິ່ງສິ່ງເຫຼົ່ານີ້ມັນໄດ້ກາຍເປັນມູນເຊື້ອອັນສະຫງ່າອົງອາດຂອງກອງທັບ ແລະ ກຳລັງປະກອບອາວຸດຂອງປະຊາຊົນລາວຕະຫຼອດມາ.

ເພຶ່ອເສີມຂະຫຍາຍມູນເຊື້ອຂອງກອງທັບປະຊາຊົນລາວ ເຂົ້າໃນການປົກປັກຮັກສາ ແລະ ສ້າງສາປະເທດຊາດ ຕ້ອງສືບຕໍ່ເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນຂອງກອງທັບປະຊາຊົນ ໃຫ້ເລິກເຊິ່ງ ແລະ ໜັກແໜ້ນ, ເປັນກຳລັງທີ່ຈົງຮັກພັກດີ ແລະ ເຄື່ອນໄຫວຢູ່ພາຍໃຕ້ການນຳພາເດັດຂາດໂດຍກົງ ແລະ ຮອບດ້ານຂອງພັກ, ຕັ້ງໜ້າສຶກສາອົບຮົມປຸກລະດົມທົ່ວພັກ, ທົ່ວລັດ ແລະ ປວງຊົນເຮົາເຂົ້າຮ່ວມວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານໃຫ້ເປັນຂະບວນກວ້າງຂວາງ ແລະ ແຂງແຮງກວ່າເກົ່າ, ຕັ້ງໜ້າປັບປຸງກໍ່ສ້າງກຳລັງຫຼວງໃຫ້ກຳລັງແຮງສູ້ຮົບ, ເປັນຫຼັກແຫຼ່ງ ແລະ ສາມາດຕອບຕ້ານ, ແກ້ໄຂສະພາບການທີ່ເກີດຂຶ້ນໄດ້ຢ່າງມີປະສິດທິພາບ, ປະກອບພາຫານະ – ເຕັກນິກທີ່ທັນສະໄໝ ໃຫ້ແກ່ກົມກອງເຫຼົ່າຮົບ ແລະ ຍົກລະດັບພະນັກງານ, ນັກຮົບໃນກຳລັງປະກອບອາວຸດ, ປັບປຸງວຽກງານພາລາທິການ ແລະ ການລ້ຽງດູທັບ, ປະຕິບັດລະບອບນະໂຍບາຍຕ່າງໆຕໍ່ນາຍ ແລະ ພົນທະຫານໃຫ້ດີຂຶ້ນເປັນກ້າວໆ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031