Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະສະເພາະກິດ ແຂວງວຽງຈັນ ລົງຊຸກຍູ້ວຽກງານໂຄງການກໍ່ສ້າງທາງປູຢາງສອງຊັ້ນ ທາງເລກທີ 4501.

1 min read

ໃນວັນທີ 24 ມັງກອນ 2020 ຜ່ານມາ ຄະນະສະເພາະກິດຂອງແຂວງວຽງຈັນເຊິ່ງນຳໂດຍ ທ່ານ ນ ສິງຄຳ ຄົງສະຫວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ ໄດ້ລົງຊຸກຍູ້ຕິດຕາມໂຄງການກໍ່ສ້າງທາງປູຢາງສອງຊັ້ນ ທາງເລກທີ4501ແຕ່ແຍກທາງ 13ເ ໜືອ ບ້ານຫີນເຫີບ – ເມືອງເຟືອງ – ເມືອງໝື່ນ – ຊະນະຄາມ ແຂວງວຽງຈັນ.

ທ່ານ ສົມສຸກ ຄຳມຸງຄຸນ ຮອງຂະແຫນງຂົວທາງ-ທາງນ້ຳ ຫົວຫນ້າ ໂຄງການກໍ່ສ້າງທາງປູຢາງສອງຊັ້ນ ທາງເລກທີ4501ແຕ່ແຍກທາງ 13 ເໜືອ ບ້ານຫີນເຫີບ – ເມືອງເຟືອງ – ເມືອງໝື່ນ ເມືອງະນະຄາມ ແຂວງວຽງຈັນ.

ໄດ້ໃຫ້ຮູ້ວ່າ: ໂຄງການນີ້ມີຈຸດເລີ່ມຕົ້ນແມ່ນແຍກອອກຈາກທາງເລກ13ເໜືອ ບ້ານຫີນເຫີບ ຫາ ເມືອງເຟືອງ ຫາ ເມືອງໝື່ນ ຫາ ເມືອງ ຊະນະຄາມ ແຂວງ ວຽງຈັນ

ມີຄວາມຍາວ 132 ກິໂລແມັດ ມີມູນຄ່າທັງໝົດ 1.253.908.166.513 ກີບ, ພະແນກ ຍທຂ ແຂວງວຽງຈັນ ເປັນເຈົ້າຂອງໂຄງການ ແລະ ບໍລິສັດ ເຮືອງສີ ກໍ່ສ້າງຂົວທາງ ຈຳກັດຜູ້ດຽວເປັນຜູ້ຮັບເໝົາ, ມີໄລຍະເວລາກໍ່ສ້າງທັງໝົດ 60 ເດືອນ = ( 5 ປີ )ແຕ່ ວັນທີສັນຍາ 28 / 01 / 2013 ເຖີງວັນທີ 28 / 61 /2018. ແລະໄດ້ຕໍ່ສັນຍາຕື່ມອີກ 3 ປີ ຮອດເດືອນ 4 ປີ 2021,ມີ ວິສາຫະກິດ ລາວໂອວີເປັນ ບໍລິການທີ່ປຶກສາ(ລອວ), ແລະໄດ້ເລີ່ມລົງມືກໍ່ສ້າງແຕ່ ວັນທີ 01 / 03 / 2013 ເປັນຕົ້ນມາ.

ແບບ ແລະ ມາດຕະຖານເຕັກນິກ.ເປັນທາງປະເພດ ຊັ້ນIV, ຄວາມໄວອອກແບບແມ່ນ 80km/h, ຄວາມເນີນທາງຍາວ10% ແລະ ຄວາມເນີນທາງຂວາງ 4%. ໜ້າທາງປູຢາງ 2 ຊັ້ນ, ຄວາມກ້ວາງທາງປົກກະຕິ ປູຢາງຊັ້ນ ກ້ວາງ 9 ແມັດ, ຊັ້ນll ກ້ວາງ 8 ແມັດ. ທາງຜ່ານເທດສະບານ ເມືອງຫີນເຫີບ, ເມືອງເຟືອງ, ເມືອງໝື່ນ ໜ້າທາງປູຢາງຊັ້ນI ແລະ ຊັ້ນll ກ້ວາງ 14 ແມັດ. ມີທາງຍາງ 2 ເບື້ອງ ກ້ວາງເບື້ອງລະ 2 ແມັດ, ລວມຄວາມງກ້ວາງທັງໜົດ 18 ແມັດ.

ທາງເທດສະບານເມືອງຊະນະຄາມ ໜ້າທາງປູຢາງຊັ້ນI ແລະ ຊັ້ນllກ້ວາງ 14 ແມັດ, ມີທາງຍາງ 2 ເບື້ອງ ກໍ ວາງເບື້ອງລະ 2.8 ແມັດ, ມີດອນກາງກ້ວາງ 2 ແມັດ, ລວມຄວາມງກ້ວາງທັງໝົດ 22 ແມັດ.

ຄວາມຄືບໜ້າຂອງໂຄງການມາຮອດປະຈຸບັນນີ້ແມ່ນປະຕິບັດໄດ້ 51,83% ແລະ ປະຈຸບັນນີ້ ທາງບໍລິສັດຮັບ ເໝົາ ໄດ້ສືບຕໍ່ປະຕິບັດວຽກເປັນປົກກະຕິ ໜ້າວຽກຕົ້ນຕໍ່ທີ່ປະຕິບັດແມ່ນ ກະກຽມປູຢາງ ຊັ້ນl ແຜນການຂອງ ບໍລິສັດປີນີ້ ແຕ່ນີ້ ຫາ ລະດູຝົນ ເດືອນ11/2019 – ເດືອນ 5 ປີ2020) ຈະປູຢາງໃຫ້ໄດ້ 30 ກິໂລແມັດ ຂື້ນໄປ, ຊວງ ບ້ານບໍ່ຈ່ານ – ບ້ານດອນ,ບ້ານນາແຂງ – ບ້ານນາລັງ ແລະ ບ້ານນາຄຳ – ເຂດບ້ານຜາສັງ, ນອກນັ້ນສືບຕໍ່ວຽກຕັດພູ, ຂະຫຍາຍທາງ, ວຽກທໍ່ລະບາຍນ້ຳ ແລະ ວຽກອື່ນໆ ແຕ່ບ່ໍຈານ ຫາ ຫີນເຫີບ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031