Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ປະກາດຮັບຮອງ 3 ສະຫະພັນກຳມະບານທີ່ຂຶ້ນກັບ ສະຫະພັນກຳມະບານແຂວງວຽງຈັນ ເປັນສະຫະພັນກຳມະບານ 5 ເປັນເຈົ້າ 3 ປີຕິດຕໍ່ກັນ.

1 min read

ສະຫະພັນກຳມະບານເຂື່ອນໄຟຟ້ານ້ຳງຶ່ມ1, ສະຫະພັນກຳມະບານໄຟຟ້າສາຂາແຂວງວຽງຈັນ ແລະ ສະຫະພັນກຳມະບານ ວິທະຍາໄລເຕັກນິກແຂວງວຽງຈັນ ຖືກຮັບຮອງເປັນສະຫພັນກຳມະບານ 5 ເປັນເຈົ້າ 3 ປີຕິດຕໍ່ກັນ ປີ2017-2019.

ພິທີດັ່ກ່າວໄດ້ຈັດຂຶ້ນໃນວັນທີ 24 ມັງກອນ 2020 ຜ່ານມາ, ຢູ່ທີ່ສະໂມສອນວິທະຍາໄລເຕັກນິກແຂວງວຽງຈັນ, ໂດຍການເປັນກຽດເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ, ປະທານແນວລາວສ້າງຊາດແຂວງວຽງຈັນ, ມີຄະນະພັກ, ຄະນະສະຫະພັນກຳມະບານ, ພ້ອມດ້ວຍສະມາຊິກກຳມະບານທັງ 3 ສະຫະພັນດັ່ງກ່າວເຂົ້າຮ່ວມ.

ທ່ານ ອຸໃດ ພົມມະຈັນ ປະທານສະຫະພັນກຳມະບານໄຟຟ້າສາຂາແຂວງວຽງຈັນ ຕາງໜ້າໃຫ້ 3 ສະຫະພັນກຳມະບານດັ່ງກ່າວ ໄດ້ສະຫຼູບລາຍງານຜົນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ປະຈຳປີ 2017-2019

ເຊິ່ງຄະນະປະທານກຳມະບານຢູ່ແຕ່ລະຮາກຖານ ໄດ້ສົມທົບກັບຄະນະພັກ, ຄະນະນຳຂອງຕົນ ປະຕິບັດຕາມ 5 ບາດກ້າວຂອງເນື້ອໃນຂໍ້ແຂ່ງຂັນ 5 ເປັນເຈົ້າ, ຕິດພັນກັບຂະບວນການຮັກຊາດ ແລະ ພັດທະນາ, ການສ້າງໜ່ວຍພັກປອດໃສເຂັ້າມແຂງໜັກແໜ້ນ, ຕິດພັນກັບການປະຕິບັດໜ້າທີ່ວຽກງານວິຊາສະເພາະ.

ຜ່ານການຈັດຕັ້ງປະຕິບັດເນື້ອໃນຂໍ້ແຂ່ງຂັນ ແລະ ຍ້ອງຍໍໃນໄລຍະ 3 ປີຜ່ານມາ ສາມາດປະເມີນ ແລະ ຢັ້ງຢືນກຳມະບານ 5 ເປັນເຈົ້າໄດ້ 3 ປີຕິດຕໍ່ກັນ ແລະ ໄດ້ຮັບໃບຍ້ອງຍໍຈາກສູນກາງກຳມະບານລາວ ຈຳນວນ 117 ໃບ, ມັນໄດ້ເປັນທ່າແຮງໜຶ່ງທີ່ສ້າງໃຫ້ພະນັກງານ, ສະມາຊິກກຳມະບານ ມີຄວາມຫ້າວຫັນບຸກບືນຕັ້ງໜ້າຝຶກຝົນຫຼໍ່ຫຼອມຕົນເອງ, ມີຄວາມຮັບຜິດຊອບສູງຕໍ່ໜ້າທີວຽກງານ ທີ່ຕົນໄດ້ຮັບມອບໝາຍ, ມີຫຼາຍສະຫາຍໄດ້ເປັນແບບຢ່າງທີ່ດີໃຫ້ແກ່ມະຫານຊົນ, ສ້າງຄວາມໄວ້ເນື້ອເຊື່ອໃຈແກ່ການຈັດຕັ້ງ, ສາມາດບັນລຸຜົນສຳເລັດໃນໜ້າທີ່ວຽກງານຫຼາຍດ້ານເປັນໜ້າເພິ່ງພໍໃຈ ແລະ ກາຍເປັນທ່າແຮງອັນສຳຄັນໃນການປົກປັກຮັກສາ ແລະ ສ້າງສາພັດທະນາປະເທດຊາດຕາມແນວທາງນະໂຍບາຍຂອງພັກ.


ໃນພິທີຄັ້ງນີ້ ຍັງໄດ້ມີການມອບໃບຢັ້ງຢືນກຳມະບານ 5 ເປັນເຈົ້າ 3 ປີຕິດຕໍ່ກັນ,

ພ້ອມທັງ ມອບທຸງໄຊ 5 ເປັນເຈົ້າໃຫ້ແກ່ສະຫະພັນກຳມະບານເຂື່ອນໄຟຟ້ານ້ຳງຶ່ມ1, ສະຫະພັນກຳມະບານໄຟຟ້າສາຂາແຂວງວຽງຈັນ ແລະ ສະຫະພັນກຳມະບານວິທະຍາໄລເຕັກນິກແຂວງວຽງຈັນ ແລະ ໄດ້ປະດັບຫຼຽມກາກຳມະບານ,

ມອບໃບຍ້ອງຍໍຈາກສູນກາງກຳມະບານລາວ ໃຫ້ແກ່ກົມກອງ ແລະ ບຸກຄົນ ທີ່ມີຜົນງານດີເດັ່ນໃນການເຄື່ອນໄຫວຈັດຕັ້ງປະຕິບັດວຽກງານກຳມະບານ ແລະ ເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 3 ປີຜ່ານມາ ອີກດ້ວຍ.

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930