Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມໃຫຍ່ຄະນະພັກຮາກຖານພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງວຽງຈັນ ຄັ້ງທີ II.

1 min read

ກອງປະຊຸມໄດ້ຈັດຂຶ້ນ ຢູ່ທີ່ສະໂມສອນເມືອງໂພນໂຮງ ໂດຍການເປັນປະທານຂອງສະຫາຍ ບົວລະພັນ ສຸພິດາ ຮັກສາການເລຂາຄະນະພັກຮາກຖານ ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງວຽງຈັນ, ໃຫ້ກຽດເຂົ້າຮ່ວມຂອງສະຫາຍດາວເຮືອງ ນັນທະວົງ ຄະນະະຈຳພັກແຂວງ, ຮອງເຈົ້າແຂວງໆວຽງຈັນ, ມີແຂກຖຶກເຊີນ ແລະ ຜູ້ແທນສົມບູນເຂົ້າຮ່ວມ 58 ສະຫາຍ, ຍິງ 17 ສະຫາຍ.

 

ກອງປະຊຸມໃຫຍ່ຄັ້ັງນີ້ໄດ້ສັງເກດຕີລາຄາຢ່າງເລິກເຊິ່ງ, ຮອບດ້ານກ່ຽວກັບໝາກຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ I ແລະ ການຊີ້ນຳໆພາຂອງຄະນະພັກຮາກຖານໃນຊຸມປີຜ່ານມາ, ສະມາຊິກພັກ, ຜູ້ແທນສົມບູນຕ້ອງເຊີດຊູຄວາມຮັບຜິດຊອບ, ເສີມຂະຫຍາຍປະຊາທິປະໄຕຂອງຕົນຢ່າງເຕັມສ່ວນ, ໃຊ້ສະຕິປັນຍາເຂົ້າໃນການຄົ້ນຄວ້າຄິດຫງຳ, ປະກອບຄຳຄິດ, ຄຳເຫັນຕົກລົງບັນຫາຢ່າງຖຶກຕ້ອງ ແລະ ຮັບປະກັນກອງປະຊຸມໃຫຍ່ຄັ້ງນີ້ປະສົບຜົນສຳເລັດຢ່າງສະຫງ່າງາມ.

ພ້ອມນີ້ໄດ້ວາງທິດທາງ, ໜ້າທີ່ ແລະ ຄາດໝາຍສູ້ຊົນແຕ່ກອງປະຊຸມໃຫຍ່ຄັ້ງທີII ຫາກອງປະຊຸມໃຫຍ່ຄັ້ງທີIII, ແນໃສ່ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານ-ລັດຖະກອນ ແລະ ເພື່ອປັບປຸງຄຸນນະພາບການນຳພາໃນຄະນະພັກຮາກຖານ, ຄະນະໜ່ວຍພັກຂອງພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງວຽງຈັນ.

ເພື່ອກຽມພ້ອມໃນການຈັດຕັ້ງປະຕິບັດໜ້າທີ່ການເມືອງ ກໍຄືການປະຕິບັດວຽກງານວິຊາສະເພາະເປັນຕົ້ນແມ່ນການປະຕິບັດແຜນພັດທະນາເສດຖະກິດ-ສັງຄົມ, ສູ້ຊົນເຮັດໃຫ້ປະຊາຊົນບັນດາເຜົ່າກໍຄືການແກ້ໄຂຄວາມທຸກຍາກຂອງສະມາຊິກພັກ, ພະນັກງານ-ລັດຖະກອນນັບມື້ໃຫ້ໄດ້ຮັບການແກ້ໄຂ. ເພື່ອຮັບປະກັນໃນການປະຕິບັດໜ້າທີ່ການເມືອງຕາມຄວາມຮຽກຮ້ອງຕ້ອງການໃນໄລຍະໃໝ່.

ພ້ອມດຽວກັນນີ້ ຜູ້ແທນສົມບູນໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດເລືອກຕັ້ງເອົາຄະນະພັກຮາກຖານຊຸດໃໝ່ ເພື່ອສຶບຕໍ່ຊີ້ນຳໆພາວຽກງານໃນຕໍ່ໜ້າ ເຊິ່ງມີຜູ້ສະໝັກຮັບເລືອກຕັ້ງຈຳນວນ 7 ສະຫາຍ,ຍິງ 2 ສະຫາຍ ແລະ ເລືອກໄດ້ 5 ສະຫາຍ, ຍິງ 2 ສະຫາຍ. ພ້ອມທັງໄດ້ ປ່ອນບັດເລືອກຕັ້ງເອົາຜູ້ແທນສົມບູນໄປຮ່ວມກອງປະຊຸມໃຫຍ່ຄັ້ງທີVI ຂອງອົງຄະນະພັກແຂວງວຽງຈັນທີ່ຈະໄດ້ໄຂຂຶ້ນໃນຕໍ່ໜ້າ.

ກອງປະຊຸມຄັ້ງປະຖົມມະເລິກໄດ້ເປັນເອກະສັນເລືອກເອົາສະຫາຍ ບົວລະພັນ ສຸພິດາ ເປັນເລຂາຄະນະພັກຮາກຖານ, ສະຫາຍ ພູທອງ ພັນທະວົງ ເປັນຮອງເລຂາຄະນະພັກ, ສະບາຍ ນ. ເກດມະນີ ພົມມະຈັນ ເປັນຮອງເລຂາຄະນະພັກ. ພ້ອມນີ້ໄດ້ເລືອກເອົາສະຫາຍ ພູທອງ ພັນທະວົງ ເປັນປະທານກວດກາພັກ, ສະຫາຍ ສີສຸວັນແສງກົງດາລາ ແລະ ສະຫາຍ ເຕັງຊົງ ເປັນຮອງປະທານກວດກາ. ກອງປະຊຸມໄດ້ຮັບຟັງການໂອ້ລົມຂອງຄະນະພັກຂັ້ນເທິງ ເພື່ອເປັນທິດຊີ້ນຳໃຫ້ແກ່ການຈັດຕັ້ງປະຕິບັດວຽກງານໃນຕໍ່ໜ້າໃຫ້ບັນລຸຜົນສຳເລັດຕາມຄາດໝາຍທີ່ວາງໄວ້.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031