Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີປະກາດຮັບຮອງສາມສະຫະພັນກຳມະບານທີ່ຂຶ້ນກັບສະຫະພັນກຳມະບານແຂວງວຽງຈັນ ເປັນສະຫະພັນກຳມະບານ 5 ເປັນເຈົ້າ

1 min read

ໃນວັນທີ 24 ມັງກອນ 2020ຜ່ານມາ, ໄດ້ມີພິທີປະກາດຮັບຮອງສາມສະຫະພັນກຳມະບານຄື: ສະຫະພັນກຳມະບານເຂື່ອນໄຟຟ້ານໍ້າງື່ມ I, ສະຫະພັນກຳມະບານໄຟຟ້າສາຂາແຂວງ ແລະ ສະຫະພັນກຳມະບານວິທີຍາໄລເຕັກນິກແຂວງວຽງຈັນ, ຢູ່ທີ່ສະໂມສອນຂອງວິທະຍາໄລເຕັກນິກແຂວງ, ເຂົ້າຮ່ວມເປັນກຽດໃນຄັັ້ງນີ້ມີ ທ່ານທອງສະຫວັນ ວົງສຳພັນ ຄະນະປະຈຳພັກແຂວງປະທານແນວລາວສ້າງຊາດແຂວງ, ທ່ານ ຄຳພູທອນ ເທບສຸພົມ ກຳມະການພັກແຂວງ ປະທານສະຫະພັນກຳມະບານແຂວງ, ທ່ານເຂັມເພັດ ທິບມະຫາວົງ ຮອງຫົວໜ້າກົມຂະບວນການແຂ່ງຂັນ ຍ້ອງຍໍ ສູນກາງກຳມະບານລາວ, ມີຄະນະພັກ ,ຄະນະປະທານສາມສະຫະພັນກຳມະບານ, ແຂກຖືກເຊີນ, ສະມາຊິກກຳມະບານທັງສາມສະຫະພັນດັ່ງກ່າວເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ອຸໄດ ພົມມະຈັນ ປະທານສະຫະພັນກຳມະບານໄຟຟ້າສາຂາແຂວງ ເຊິ່ງຕາງໜ້າໃຫ້ສາມສະຫະພັນກຳມະບານໄດ້ຂຶ້ນຜ່ານບົດສະຫຼຸບປະເມີນຜົນງານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 3 ປີຜ່ານມາຄືປະຈຳປີ2017-2019 ທັງສາມສະຫະພັນໄດ້ຖືສຳຄັນວຽກງານຂະບວນການແຂ່ງຂັນ 5 ເປັນເຈົ້  ີ່ຕິດພັນກັບຂະບວນການແຂ່ງຂັນຮັກຊາດພັດທະນາ, ການສ້າງໜ່ວຍພັກປອດໃສເຂັ້ມແຂງໜັກແໜ້ນ ແລະ ຕິດພັນກັບວຽກງານວິຊາສະເພາະໃນຂົງເຂດວຽກງານທີ່ຕົນເອງຮັບຜິດຊອບ. ຄຽງຄູ່ກັນນັ້ນຍັງປະກອບມີດ້ານດີ, ດ້ານອ່ອນ, ຂໍ້ຄົງຂ້າ ,ບົດຮຽນທີ່ຖອດຖອນໄດ້ແລະວາງທິດທາງແຜນການທີ່ຈະຕ້ອງສືບຕໍ່ຈັດຕັ້ງປະຕິບັດໃນຊຸມປີຕໍ່ໜ້າຄືປີ 2020-2024. ຈາກຜົນງານທີ່ຍາດມາໄດ້ນັ້ນທັງສາມສະຫະພັນກຳມະບານຈຶ່ງໄດ້ຮັບຮອງເປັນສະຫະພັນກຳມະບານ 5 ເປັນເຈົ້າ ແລະ ໄດ້ຮັບທຸງໄຊພ້ອມປະດັບຫຼຽນກາ, ທັງສາມສະຫະພັນກຳມະບານໄດ້ຮັບໃບຍ້ອງຍໍຈາກສູນກາງສະຫະພັນກຳມະບານລາວທັງໝົດຈຳນວນ 414 ສະຫາຍ, ຈາກຂັ້ນແຂວງຈຳນວນ47 ສະຫາຍ, ພ້ອມກັນນັ້ນກໍໄດ້ປະດັບຫຼຽນກາກຳມະບານທີ່ເປັນຫຼຽນສູງສຸດຂອງສູນກາງສະຫະພັນກຳມະບານລາວ ໃຫ້ແກ່ສາມສະຫະພັນກຳມະບານຈຳນວນ 15 ສະຫາຍທີ່ມີຜົນງານດີເດັ່ນໃນການເຄື່ອນໄຫວຈັດຕັ້ງປະຕິບັດວຽກງານກຳມະບານໃນໄລຍະ 3 ປີຜ່ານມາ ແລະ ກົມກອງດີເດັ່ນຈຳນວນ 3 ກົມກອງ.

ຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງ ເພື່ອເປັນເຂັມຊີ້ທິດເຢື່ອງທາງໃນການຈັດຕັ້ງວຽກງານໃນຕໍ່ໜ້າເຊິ່ງທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ສາມສະຫະພັນຍາດມາໄດ້ໃນໄລຍຜ່ານມາແລະທ່ານຍັງໄດ້ຮຽກຮ້ອງໃຫ້ຄະນະປະທານທັງສາມສະຫະພັນຈົ່ງສືບຕໍ່ຊີ້ນຳ ນຳພາສະມາຊິກໃຫ້ມີຄວາມສາມັກຄີໜັກແໜ້ເຂັ້ມແຂງຂຶ້ນກ່ວາເກົ່າພ້ອມກັນຮັກສາມູນເຊື້ອຜົນງານອັນດີເດັ່ນທີ່ຍາດມາໄດ້ແລະເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າຂອງສູນກາງກຳມະບານລາວວາງອອກໃຫ້ເກີດດອກອອກຜົນຂຶ້ນເລື້ອຍໆ.

ຂ່າວຍັງໃຫ້ຮູ້ຕື່ມອີກວ່າ: ໃນວັນ 27 ມັງກອນ 2020 ຢູ່ທີ່ສະໂມສອນໃຫຍ່ຂອງຫ້ອງວ່າການປົກຄອງເມືອງໂພນໂຮງໄດ້ມີພິທີປະກາດຮັບຮອງສະຫະພັນກຳມະບານເມືອງໂພນໂຮງເປັນສະຫະພັນກຳມະບານ 5 ເປັນເຈົ້າ. ໃນພິທີໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃນໄລຍະ 3 ປີຜ່ານມາ, ພິທີຍັງໄດ້ມອບໃບຮັບຮອງເປັນສະຫະພັນ

ກຳມະບານເມືອງ 5 ເປັນເຈົ້າ, ມອບທຸງໄຊ ແລະ ປະດັບຫຼຽນກາ, ພ້ອມກັນນັ້ນກໍ່ໄດ້ມອບໃບຍ້ອງຍໍຂັ້ນແຂວງໃຫ້ສະມາຊິກກຳມະບານທີ່ມີຜົນງານດີເດັ່ນຈຳນວນ 61 ສະຫາຍ, ແລະ ໄດ້ມອບໃບຍ້ອງຍໍຂັ້ນສູນກາງໃຫ້ກົມກອງຈຳນວນ 28 ກົມກອງ ແລະບຸກຄົນດີເດັ່ນຈຳນວນ 978  ສະຫາຍ ແລະ ຕອນທ້າຍຍັງໄດ້ຮັບຟັງການໂອ້ລົມຂອງທ່ານ ຄຳພູທອນ ເທບສຸພົມ ກຳມະການພັກແຂວງປະທານສະຫະພັນກຳມະບານແຂວງເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ສະຫະພັນກຳມະບານເມືອງໂພນໂຮງທີ່ຍາດມາໄດ້, ທ່ານຍັງໄດ້ເນັ້ນໃຫ້ຄະນະປທານ, ສະມາຊິກກຳມະບານທົ່ວເມືອງຈົ່ງເພີ່ມທະວີຄວາມສາມັກຄີໃຫ້ແໜ້ນແຟ້ນຂຶ້ນກ່ວາເກົ່າ, ປຸກລະດົມພະນັັກງານສະມາຊິກກຳມະບານໃຫ້ເຂົ້າໃຈຕໍ່ແນວທາງນະໂຍບາຍຂອງພັກລັດວາງອອກໃນແຕ່ລະໄລຍະເວົ້າລວມເວົ້າສະເພາະແມ່ນຈົ່ງພ້ອມກັນຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າທີ່ຕິພັນກັບວຽກງານວິຊາສະເພະແລະຕິດພັນກັບຂໍ້ແຂ່ງຂັນຮັກຊາດພັດທະນາໃຫ້ປະກົດຜົນເປັນຈິງ.

ເຂົ້າຮ່ວມໃນພິທີຄັ້ງນີ້ມີ ທ່ານ ຄຳພູທອນ ເທບສຸພົມ ກຳມະການພັກແຂວງປະທານສະຫະພັນກຳມະບານແຂວງ, ທ່ານນາງ ຈັນເພັດ ມະນີແສງ ຮອງຫົວໜ້າກົມຂະບວນການແຂ່ງຂັນຍ້ອງຍໍສູນກາງກຳມະບານລາວ, ທ່ານ ສົມປະສົງ ສຸວົງຄຳຈັນຮັກສາການເລຂາພັກເມືອງວ່າການເຈົ້າເມືອງເມືອງໂພນໂຮງ, ມີແຂກຖືກເຊີນ, ປະທານກຳມະບານຮາກຖານອ້ອມຂ້າງເມືອງພ້ອມດ້ວຍສະມາຊິກກຳມະບານເຂົ້າຮ່ວມຢ່າງພ້ອມພຽງ.

ວຽງຄຳເພັດດາວົງ

020 59336285

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed