Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະຊາວໜຸ່ມເມືອງແກ້ວອຸດົມປາຖະກະຖາວັນສ້າງຕັ້ງກອງທັບຄົບຮອບ 71 ປີ.

1 min read

    ມາໃນຕອນເຊົ້າຂອງວັນທີ 05 ກຸມພາ 2020 ຜ່ານມານີ້ ຢູ່ທີ່ສະໂມສອນໂຮງຮຽນມໍປາຍທ່າຊັນເມືອງແກ້ວອຸດົມ. ໄດ້ຈັດພິທີປະຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ 71 ປີ (ວັນທີ 20 ມັງກອນ 1949 ຫາ ວັນທີ 20 ມັງກອນ 2020 ) ພາຍໄຕ້ການເປັນປະທານຂອງ ທ່ານ ຄຳຈັນ ເພັດເຮືອງລາສີ ຫົວໜ້າຫ້ອງການສະຫະພັນນັກຮົບເກົ່າ,ທ່ານ ນາງ ພັດທະສອນ ສີຫາປັນຍາ ຮອງເລຂາຊາວໜຸ່ມເມືອງ ,ທ່ານ ກອງສິນ ພວງເພັດ ວ່າການຜູ້ອຳນ່ວຍການໂຮງຮຽນມໍປ່າຍທ່າຊັນ ເຂົ້າຮ່ວມມີຄະນະບໍລິຫານງານຊາວໜຸ່ມເມືອງ, ຄູອາຈານ ແລະ ນ້ອງນ້ອຍຊາວໜຸ່ມ ເຍົາວະຊົນ ເຂົ້າຮ່ວມຢ່າງພ້ອມພຽງ.

   ໃນພິທີ ທ່ານ ຄຳຈັນ ເພັດເຮືອງລາສີ ຫົວໜ້າຫ້ອງການສະຫະພັນນັກຮົບເກົ່າ ໄດ້ໃຫ້ກຽດຂື້ນເລົາຫວນຄືນປະຫວັດຄວາມປັນມາຂອງວັນສ້າງຕັ້ງກອງທັບປະຊາຊົນລາວຄົບຮອບ 71 ປີ (ວັນທີ 20 ມັງກອນ 1949ຫາ ວັນທີ 20 ມັງກອນ 2020 )ກອງທັບປະຊາຊົນລາວເຊີ່ງໄດ້ກຳເນີດເກີດຂື້ນໃນທາມກາງທີ່ປະເທດຊາດຖືກຈັກກະພັດຮຸກຮານປະ າຊົນລາວບັນດາເຜົ່າຕົກເປັນຂ້ອຍຂ້າຖືກກົດຂີ່ຂຸດຮີດຢ່າງແສນສາຫັດຂາດສິດເສລີພາບທາງດ້ານຮ່າງກາຍ ແລະຈິດ ໃຈຈີ່ງເຮັດໃຫ້ປວງຊົນລາວທັງຊາດອົດທົນຕໍ່ຄວາມຄຽດແຄ້ນຈີ່ງເກີດມີຂະບວນການຕໍ່ສູ້ລຸກຮື້ຂື້ນຢ່າງເນື່ອງນິດລຽນຕິດເພື່ອປົດປ່ອຍຕົນເອງເຊີ່ງນັບແຕ່ປີ 1930 ເປັນຕົ້ນມາຂະບວນການປະຕິວັດໄດ້ມີພັກນຳພາໂດຍ ປະທານໄກສອນ ພົມວິຫານ ເປັນຜູ້ນຳພາຂະບວນການຕໍ່ສູ້ເວລານັ້ນແມ່ນການຕໍ່ສູ້ທີ່ເຮັດໃຫ້ກຳລັງປະຕິວັດນັບມື້ເຕີບໃຫຍ່ເຂັ້ມແຂງຂື້ນໄປເລື້ອຍໆ ແລະ ສາມາດສ້າງຕັ້ງກອງທັບປະຊາຊົນປະຕິວັດລາວຂຶ້ນໃນວັນທີ 20 ມັງກອນ 1949 ແລະ ໄດ້ສຶບຕໍ່ພາລະກິດຕໍ່ສູ້ປົດປ່ອຍຊາດຈົນສາມາດປະກາດສ້າງຕັ້ງລະບອບສາທາລະນະລັດປະຊາທິປະໄຕປະຊາຊົນລາວຂື້ນໃນວັນທີ 2 ທັນວາ 1975 ແລະ ສຶບຕໍ່ປົກປັກຮັກສາ ແລະ ສ້າງສາພັດທະນາປະເທດຊາດ,ຮັກສາໝາກຜົນຂອງການປະຕິວັດໃຫ້ໄວ້ໝັ້ນຄົງຈົນເຖີງທຸກວັນນີ້.

   ພ້ອມດຽວກັນນີຄະນະຊາວໜຸ່ມເມືອງກໍໄດ້ກວດກາການເປັນລະບຽບຂອງສະມາຊິກຊາວໜຸ່ມ, ເຍົາວະຊົນອານຸຊົນໃຫ້ນຸ່ງເຄືອງແບບຊາວໜຸ່ມ-ເຍົາວະຊົນ-ອານຸຊົນທຸກໆວັນຈັນ ແລະ ວັນສຸກໃຫ້ເປັນລະບຽບທຸກຄັ້ງທີ່ເຄົາລົບທຸງ, ກວດກາຄືນການປະເມີນ 04 ບຸກ, ການປະເມີນ 03 ດີ 04 ຮູ້, ກວດກາແບບແຜນຂອງກອງເຍົາວະຊົນທັນວາ,ສ້າງກິດຈະກຳ,ຈັດກິດຈະກໍາຕອບຄໍາຖາມວິທະຍາສາດ.

 ຕອນແລງມື້ດຽວກັນຄະນະຊາວເມືອງແກ້ວອຸດົມກໍ່ໄດ້ຈັດພິທີປະຖະກະຖາຢູ່ທີ່ໂຮງຮຽນ ມສ ແກ້ວກູ່ດືມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031