Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີ່ປະກາດ ບ້ານນ້ຳຮອນ ເປັນບ້ານປ້ອງກັນຄວາມສະຫງົບດີ ແຫ່ງທີ 7 ຂອງເມືອງ

1 min read

 ໃນຕອນເຊົ້າຂອງວັນທີ 6 ກຸມພາ 2020 ນີ້ ເມືອງໝື່ນໃດ້ເປີດພິທີ່ປະກາດ ບ້ານນ້ຳຮອນ ເປັນບ້ານປ້ອງກັນຄວາມສະຫງົບດີ ແຫ່ງທີ 7 ຂອງເມືອງໝື່ນ ແຂວງວຽງຈັນ ຂື້ນຢູ່ທີ່ຫ້ອງການບ້ານນ້ຳຮອນ ໂດຍໃຫ້ກຽດເຂົ້າຮ່ວມຂອງທ່ານ ພູວອນ ບຸນວິໄລ ກຳມະການພັກແຂວງ ເລຂາພັກເມືອງເຈົ້າເມືອງ-ເມືອງໝື່ນ, ມີທ່ານ ພັທ ອາພິນັນ ສ້າງຄຳ ກຳມະການພັກເມືອງ ຫົວໜ້າຫ້ອງການ ກອງບັນຊາການ ປກສ ເມືອງ,ມີນາຍບ້ານ, ຫົວໜ້າຫ້ອງການ, ກຸ່ມບ້ານ ແລະ ພໍ່ແມ່ປະຊາຊົນເຂົ້າຮ່ວມ.

ໃນພິທີ່ດັ່ງກ່າວ ທ່ານ ພັທ ອາພິນັນ ສ້າງຄໍາ  ກໍາມະການພັກເມືອງ ຫົວໜ້າຫ້ອງການ ກອງບັນຊາການ ປກສ ເມືອງໃຫ້ກຽດຂື້ນກ່າວເປີດພິທີ່ປະກາດ ຄອບຄົວ ແລະ ບ້ານ ປ້ອງກັນຄວາມສະຫງົບດີ ເຊີ່ງໃນໄລຍະຜ່ານມາຄະນະພັກ-ຄະນະບັນຊາ ແຕ່ລະຂັ້ນໃດ້ເອົາໃຈໃສ່ຊີ້ນຳ-ນຳພາ ຈັດຕັ້ງປະຕິບັດແນວທາງປ້ອງກັນຊາດ – ປ້ອງກັນຄວາມສະຫງົບຮອບດ້ານ ເຊີ່ງສະແດງອອກໃນການຈັດຕັ້ງປະຕິບັດຂໍ້ຕົກລົງຂອງທ່ານລັດຖະມົນຕີວ່າການກະຊວງປ້ອງກັນຄວາມສະຫງົບສຸກ ສະບັບເລກທີ 818/ປກສ,ລົງວັນທີ 15/6/2012 ວ່າດ້ວຍ: ການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ, ເອົາໃຈໃສ່ກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມ4 ເນື້ອໃນ 4 ຄາດໝາຍ ແລະ ວຽກງານ 3 ສ້າງ, ຈາກນັ້ນ ທ່ານ ລີຈ່າງ ນາຍບ້ານ-ນ້ຳຮອນ ກໍ່ໃດ້ຂື້ນຜ່ານບົດສະຫຼຸບປະເມີນການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ ແລະ ທິດທາງແຜນການໃນຕໍ່ໜ້າ ເຊິ່ງໃຫ້ຮູ້ວ່າ ບ້ານນ້ຳຮອນ ແມ່ນໜື່ງທີ່ນອນຢູ່ໃນຈຳນວນ 22 ບ້ານ,ຂອງເມືອງໝື່ນ ແຂວງວຽງຈັນ, ມີພົນລະເມືອງທັງໝົດ 4,329 ຄົນ, ຍິງ 2,122 ຄົນ, ອາຍຸ 15 ປີຂື້ນໄປ 2,437 ຄົນ, ຍິງ1,288 ຄົນ, ມີ 28 ໜ່ວຍສາມັກຄີ,ມີ608 ຫຼັງຄາເຮືອນ, ມີ 566 ຄອບຄົວ, ມີເນື້ອທີ່ຂອງບ້ານ 754,48 ເຮັກຕາ, ປະກອບມີ 3 ຊົນເຜົ່າຄື: ເຜົ່າມົ້ງ-ອີມ່ຽນມີ 550 ຄອບຄົວ,ມີພົນລະເມືອງ 4,225ຄົນ,ຍິງ 2,073ຄົນ, ເຜົ່າລາວມີ 14 ຄອບຄົວ, ມີຜົນລະເມືອງ 84 ຄົນ,ຍິງ39 ຄົນ, ເຜົ່າກຶມມຸມີ 2 ຄອບຄົວ,ມີພົນລະເມືອງ 20 ຄົນ,ຍິງ 10 ຄົນ,ສັງລວມແລ້ວ ໃນ 6 ມາດຖານຂອງບ້ານປ້ອງກັນຄວາມສະຫງົບດີສາມາດຕີລາຄາປະເມີນໃດ້ 89,13% .

   ທ້າຍພິທີ່ທ່ານ ພູວອນ ບຸນວິໄລ ກໍາມະການພັກແຂວງ ເລຂາພັກເມືອງເຈົ້າເມືອງ-ເມືອງໝື່ນກໍ່ໃດ້ໃຫ້ກຽດໂອ້ລົມຕໍ່ກອງປະຊຸມເຊີ່ງທ່ານໃດ້ສະແດງຄວາມຍ້ອງຍໍຊົມເຊີຍຕໍ່ບ້ານດັ່ງກ່າວ ທີ່ມີຄວາມຫ້າວຫັນ,ມີຄວາມສາມັກຄີ ຮັກ ແພງເຊີ່ງກັນແລະ ກັນ ພ້ອມນັ້ນ ກຳລັງອ້າຍນ້ອງກອງຫຼອນກໍ່ມີຄວາມເຂັ້ມແຂງປະຕິບັດສິດໜ້າ ແລະ ພາລະບົດບາດຂອງຕົນ, ເຮັດໜ້າທີ່ປ້ອງກັນເວນຍາມ ດ້ວຍຄວາມຮັບຜິດຊອບວ່າງແຜນການເຮັດວຽກເປັນຢ່າງດີຫຼັງຈາກນັ້ນທ່ານກໍ່ໃຫ້ກຽດກ່າວມອບໃບຢັ້ງຢືນບ້ານປ້ອງກັນຄວາມສະຫງົບດີ ພ້ອມທັງເປີດປ້າຍພິທີ່ປະກາດ ບ້ານນ້ຳຮອນ ເປັນບ້ານປ້ອງກັນຄວາມສະຫງົບດີ.

ຂ່າວ: ເມືອງໝື່ນ

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031