Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີປະຖະກະຖາວັນສ້າງຕັ້ງກໍາມະບານລາວຄົບຮອບ 64 ປີ ວັນທີ 01 ກຸມພາ 1956 ຫາ ວັນທີ 01 ກຸມພາ 2020.

1 min read

ເພື່ອເປັນການລະນຶກຖຶງມູນເຊື້້ອການກໍາເນີດ ແລະ ການເຕີບໃຫຍ່ຂະຫຍາຍຕົວຂອງອົງການຈັດຕັ້ງກໍາມະບານລາວ ທີ່ມີຜົນງານດີເດັ່ນ ໃນການເຄື່ອນໄຫວວຽກງານປະກອບສ່ວນເຂົ້າໃນພາລະກິດ ແຫ່ງໄລຍະການປະຕິວັດຊາດ, ໄລຍະແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ.
ຕົ້ນເດືອນກຸມພາ 2020 ທີ່່ຜ່ານມາ ເມືອງຊະນະຄາມ ແຂວງວຽງຈັນ, ໄດ້ຈັດຕັ້ງພິທີປະຖະກະຖາ ວັນສ້າງຕັ້ງກໍາມະບານລາວ ຄົບຮອບ 64 ປີຂຶ້ນ, ໂດຍພາຍໃຕ້ການເປັນປະທານຂອງ ສະຫາຍ ແກ້ວ ພິມມະວົງ ຮອງເລຂາພັກເມືອງ ຮອງເຈົ້າເມືອງໆຊະນະຄາມ, ມີບັນດາສະຫາຍກໍາມະການພັກເມືອງ, ຫົວໜ້າຫ້ອງການ, ຮອງຫົວໜ້າຫ້ອງການ, ສະມາຊິກພັກພະນັກງານອ້ອມຂ້າງ ເຂົ້າຮ່ວມທັງໝົດ 125 ສະຫາຍ, ຍິງ 52 ສະຫາຍ.

ໃນໂອກາດທີ່ມີຄວາມໝາຍ-ຄວາມສໍາຄັນດັ່ງກ່າວ, ສະຫາຍ ແກ້ວ ພິມມະວົງ ໄດ້ເປັນກຽດຜ່ານເອກະສານວັນສ້າງ ຕັ້ງກໍາມະບານຄົບຮອບ 64ປີຂຶ້ນ, ເຊິ່ງທ່ານໄດ້ກ່າວວ່າ: ສະຫະພັນກໍາມະບານລາວ ໄດ້ຮັບການສ້າງຕັ້ງຂຶ້ນຢ່າງເປັນທາງການໃນວັນທີ 01 ກຸມພາ 1956 ຢູ່ເຂດທີ່ໝັ້ນແຂວງຫົວພັນ ແລະ ໄດ້ມອບໃຫ້ສະຫາຍ ສີສົມພັນ ລໍວັນໄຊ ເປັນຜູ່ຮັບຜິດຊອບ ພາຍໃຕ້ການຊີ້ນໍາຂອງຄະນະນໍາສູນກາງພັກ, ມີຈຸດປະສົງ ເພື່ອສືບຕໍ່ໂຄສະນາຂົນຂວາຍ, ເຕົ້າໂຮມກໍາມະກອນ ຊາວຜູ້ອອກແຮງງານລາວບັນດາເຜົ່າໃຫ້ມີຄວາມຕື່ນຕົວປະຕິວັດ, ມີນໍໍ້າໃຈຮັກຊາດ, ມີທັດສະນະຊົ້ນຊັ້ນກໍາມະກອນ, ມີຄວາມຕື່ນຕົວທາງດ້ານຊົ້ນຊົ້ນຈະແຈ້ງ, ເສີມຂະຫຍາຍປະຊາທິປະໄຕ, ມີລະບຽບແບບແຜນ, ເປັນພົນລະເມືອງທີ່ດີຂອງຊາດ, ສົ່ງເສີມການມີວຽກເຮັດງານທໍາ ແລະ ເປັນຕົວແທນໃນການປົກປ້ອງສິດຜົນປະໂຫຍດອັນຊອບທໍາ ໃຫ້ແກ່ຊົ້ນຊັ້ນກໍາມະກອນ-ຊາວຜູ້ອອກແຮງງານລາວບັນດາເຜົ່າ, ປຸກລະດົມກໍາລັງແຮງເຂົ້າຮ່ວມຢ່າງຕັ້ງໜ້າ ແລະ ເປັນເຈົ້າການໃນການຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດຕາມເສັ້ນທາງສັງຄົມນິຍົມ.

ຈຸດປະສົງ ຂອງພິທີດັ່ງກ່າວ ກໍ່ເພື່ອເປັນການສຶກສາອົບຮົມທາງດ້ານການເມືອງ-ແນວຄິດ ໃຫ້ແກ່ສະມາຊິກພັກ-ພະນັກງານຕໍ່ກັບພາລະກິດ ແລະ ພາລະກໍາປະຫວັດສາດຂອງສະຫະພັນກໍາມະບານລາວ, ນອກນີ້ ຍັງເປັນການເສີມສ້າງຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ, ພາຍໃນອົງການຈັດຕັ້ງໃນທົ່ວເມືອງ ຕະຫຼອດຮອດສະມາຊິກກໍາມະບານ ເພື່ອນໍາເອົາເນື້ອໃນຈິດໃຈວັນສໍາຄັນດັ່ງກ່າວ ນໍາໄປໝູນໃຊ້ເປັນບົດຮຽນໃນການປະຕິບັດໜ້າທີ່ວຽກງານ, ກໍ່ຄືການປະຕິບັດຂໍ້ແຂ່ງຂັນຂອງສະຫະພັນກໍາມະບານລາວ ໄດ້ກໍານົດອອກ ໃຫ້ໄດ້ຮັບຜົນເປັນຢ່າງດີຂຶ້ນໄປເລື້ອຍໆ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031