Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມໂຄສະນາເຜີຍແຜ່ກົດໝາຍແລະລະບຽບການກ່ຽວກັບການປະກັນສັງຄົມໃຫ້ກຸ່ມປູກໝາກກ້ຽງພາຍໃຕ້ໂຄງການ…

1 min read

ກອງປະຊຸມໂຄສະນາເຜີຍແຜ່ກົດໝາຍ ແລະ ລະບຽບການ ກ່ຽວກັບການປະກັນສັງຄົມ ໃຫ້ກຸ່ມປູກໝາກກ້ຽງ ພາຍໃຕ້ໂຄງການຄ້ຳປະກັນສະບຽງອາຫານ ແລະ ຜະລິດເປັນສິນຄ້າຢູ່ ເມືອງວັງວຽງ ແຂວງວຽງຈັນ.

ຕອນເຊົ້າ ວັນທີ 13 ກຸມພາ 2020 ຢູ່ທີ່ສະໂມສອນ ຂອງເມືອງວັງວຽງ ແຂວງວຽງຈັນ. ໄດ້ຈັດກອງປະຊຸມໂຄສະນາເຜີຍແຜ່ກົດໝາຍແລະລະບຽບການກ່ຽວກັບການປະກັນສັງຄົມໃຫ້ກຸ່ມປູກໝາກກ້ຽງ ພາຍໃຕ້ໂຄງການຄ້ຳປະກັນສະບຽງອາຫານແລະຜະລິດເປັນສິນຄ້າ.

ໂດຍການເປັນກຽດເຂົ້າຮ່ວມ ຂອງທ່ານ ສຸວຽງທອງ ວົງຈຳປາ ຮອງເຈົ້າເມືອງໆວັງວຽງ, ມີທ່ານ ນາງ ວັນໄຊ ສຸວັນນະເມທີ ຮອງຫົວຫນ້າກົມປະກັນສັງຄົມ, ທ່ານ ສີສະໄຫວ ແກ້ວດາລາວີນ ຮອງຫົວຫນ້າພະແນກ ແຮງງານແລະສະຫວັດດີການສັງຄົມ ແຂວງວຽງຈັນ, ມີບັນດາທ່ານນາຍບ້ານ, ກຸ່ມປູກໝາກກ້ຽງເປັນສິນຄ້າທັງ 12 ບ້ານເຂົ້າຮ່ວມ.

ໃນພິທີທ່ານ ສຸວຽງທອງ ວົງຈຳປາ ຮອງເລຂາພັກເມືອງ ຮອງເຈົ້າເມືອງໆວັງວຽງ ໄດ້ໃຫ້ກຽດຂຶ້ນກ່າວເປີດກອງປະຊຸມວ່າ:

ເພື່ອເປັນໂຄສະນາ ເຜີຍແຜ່ກົດໝາຍ ແລະ ລະບຽບການປະກັນສັງຄົມ ໃຫ້ກຸ່ມປູກໝາກກ້ຽງ ໄດ້ຮັບຮູ້ກ່ຽວກັບວຽກງານ ການປະກັນສັງຄົມທີ່ຕິດພັນໂຄງການຄ້ຳປະກັນສະບຽງອາຫານ ແລະ ຜະລິດເປັນສິນຄ້າຂອງ ກະຊວງແຮງງານແລະສະຫວັດດີການສັງຄົມ ຕາມຈຸດປະສົງແລະເປົ້າໝາຍແຕ່ນີ້ ຫາປີ 2020 ເພື່ອຊຸກຍູ້ສົ່ງເສີມໃຫ້ກຸ່ມປູກໝາກກ້ຽງ ໄດ້ເຂົ້າເຖິງເຖິງລະບົບປະກັນສັງຄົມ ເພາະນະໂຍບາຍປະກັນສັງຄົມ ມີຄວາມໝາຍແລະຄວາມສຳຄັນ ຕໍ່ການສ້າງສັງຄົມປອງດອງ ໂດຍຖືເອົາເງື່ອນໄຂ ເສດຖະກິດ-ສັງຄົມທີ່ແຕກຕ່າງກັນ

ສະນັ້ນຕ້ອງເພີ່ມທະວີການຊຸກຍູ້ ໃຫ້ສັງຄົມສາມັກຄີປອງດອງດີຂື້ນ ບົນພື້ນຖານການສົ່ງເສີມການພັດທະນາທາງດ້ານເສດຖະກິດ ໂດຍຕິດພັນການແກ້ໄຂສັງຄົມ ໃຫ້ຄວາມທຸກຍາກທີ່ແຕກໂຕນກັນລະຫວ່າງຜູ້ຮັ່ງ ແລະ ຜູ້ທຸກ.

ຜູ້ດຳລົງຊີວິດຢູ່ຕົວເມືອງ ແລະ ຊົນນະບົດ ເພື່ອຮັບປະກັນເງື່ອນໄຂການດຳລົງຊີວິດຂັ້ນພື້ນຖານຂອງກຸ່ມປູກໝາກກ້ຽງກໍ່ຄືປະຊາຊົນບັນດາເຜົ່າ.

ຫລັງຈາກນັ້ນ, ກໍ່ໄດ້ຮັບຟັງການບັນຍາຍ ໂດຍຜ່ານລະບົບສາຍຈໍໂປແຈ໋ກເຕີ ກ່ຽວກັບວຽກປະກັນສັງຄົມແບບສະໝັກໃຈ ຕາມກົດໝາຍວ່າດ້ວຍການປະກັນສັງຄົມ ສະບັບເລັກທີ 54/ສຜຊ ໂດຍຫຍໍ້ເຊິ່ງໃນນັ້ນ ຜົນປະໂຫຍດທີ່ໄດ້ຮັບ:

1. ອຸດໝູນປະກັນສຸຂະພາບ, 2.ອຸດໝູນອອກລູກ, 3.ອຸດໝູນປ່ວຍການ, 4.ອຸດໝູນເສຍກຳລັງແຮງງານ, 5.ອຸດໝູນບຳນານ, 6.ອຸດໝູນເສຍຊີວິດ, 7.ອຸດໝູນສະມາຊິກຄອບຄົວ.

ແລະໄດ້ຜ່ານເງື່ອນໄຂແລະເອກະສານໃນການສະໝັກຄື: 1. ອາຍຸລະຫວ່າງ 14-60ປີ. 2.ຕ້ອງຂື້ນທະບຽນດ້ວຍຕົນເອງ. 3.ບັດປະຈຳຕົວ, 4.ສຳມະໂນຄົວ, 5.ແບບຟອມ( ປະກັນສັງຄົມກຽມໄວ້ໃຫ້ ) 6. ຖ້າເຄີຍເປັນສະມາຊິກມາກ່ອນ ໃຫ້ຖືບັດປະກັນສົງຄົມມາພ້ອມ.

ຕອນທ້າຍ, ທ່ານ ສີສະໄຫວ ແກ້ວດາລາວີນ ຮອງຫົວຫນ້າພະແນກ ແຮງງານແລະສະຫວັດດີການສັງຄົມ ແຂວງວຽງຈັນກໍ່ໄດ້ໃຫ້ກຽດໂອ້ລົມຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed