Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນ ຈັດກອງປະຊຸມຜັນຂະຫຍາຍເນື້ອໃນ ກອງປະຊຸມວຽກງານຈັດຕັ້ງ, ກໍ່ສ້າງພັກ – ພະນັກງານ.

1 min read

ກອງປະຊຸມຜັນຂະຫຍາຍເນື້ອໃນ ກອງປະຊຸມວຽກງານຈັດຕັ້ງ, ກໍ່ສ້າງພັກ – ພະນັກງານ ທົ່ວປະເທດປະຈຳປີ 2019 ແລະ ທິດທາງແຜນການປີ 2020 ໄດ້ຈັດຂຶ້ນໃນວັນທີ 17 ກຸມພາ 2020 ຢູ່ທີ່ສະໂມສອນໃຫຍ່ຂອງແຂວງ.

ໂດຍການເປັນປະທານຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ມີ ທ່ານ ວັນໄຊ ພອງສະຫວັນ, ຮອງເລຂາຄະນະພັກ, ຮອງຫົວໜ້າຄະນະຈັດຕັ້ງສູນກາງພັກ, ມີຄະນະປະຈຳ, ກຳມະການພັກແຂວງ, ເລຂາພັກເມືອງ – ເຈົ້າເມືອງ, ເລຂາຄະນະພັກຮາກຖານ, ປະທານກວດກາພັກ – ລັດເມືອງ, ຄະນະຈັດຕັ້ງເມືອງອ້ອມຂ້າງແຂວງເຂົ້າຮ່ວມ.

ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງ ວຽງຈັນ.

ທ່ານ ອຸ່ນແສງ ແກ້ວດາວັນ ຄະນະປະຈຳພັກແຂວງ, ຫົວໜ້າຄະນະຈັດຕັ້ງ ແຂວງ ວຽງຈັນ ໄດ້ສະຫຼູບລາຍງານການຈັດຕັ້ງປະຕິບັດວຽກງານຈັດຕັ້ງ, ກໍ່ສ້າງພັກ – ພະນັກງານ ປະຈຳປີ 2019 ແລະ ທິດທາງແຜນການ ປີ 2020 ຕໍ່ກອງປະຊຸມຄັ້ງນີ້ວ່າ : ຄະນະຈັດຕັ້ງແຂວງໄດ້ເຮັດໜ້າທີ່ເປັນເສນາທິການໃຫ້ແກ່ຄະນະປະຈຳພັກແຂວງ ໃນການຕິດຕາມ, ຊຸກຍູ້ຄະນະພັກ, ຄະນະຈັດຕັ້ງເມືອງ, ພະແນກການ-ອົງການ ຈັດຕັ້ງຜັນຂະຫຍາຍບັນດານິຕິກຳຕ່າງໆຂອງຂັ້ນເທິງຢ່າງຕໍ່ເນື່ອງ,

ທ່ານ ອຸ່ນແສງ ແກ້ວດາວັນ ຄະນະປະຈຳພັກແຂວງ, ຫົວໜ້າຄະນະຈັດຕັ້ງ ແຂວງ ວຽງຈັນ

ມາຮອດປະຈຸບັນມີຮາກຖານພັກ ຮັບຮອງເອົາແຜນການສ້າງໜ່ວຍພັກປອດໃສເຂັ້ມແຂງໜັກແໜ້ນແລ້ວ 286 ໜ່ວຍ, ປັບປຸງການຈັດຕັ້ງຮາກຖານພັກໃຫ້ສອດຄ່ອງກັບການສ້າງບ້ານໃຫຍ່ ແລະ ສອດຄ່ອງກັບວຽກງານວິຊາສະເພາະ ສຳລັບຢູ່ສຳນັກງານອົງການ, ປະຈຸບັນມີຄະນະພັກຮາກຖານ 121 ຄະນະ, ມີ 1.252 ໜ່ວຍ, ເພີ່ມຂຶ້ນ 28 ໜ່ວຍ, ໄດ້ເລືອກເຟັ້ນເປົ້າໝາຍຮຽນສະໜັບສະໜູນ, ຮຽນກົດລະບຽບຂອງພັກ, ສະເໜີ ຂໍອະນຸມັດຈາກຂັ້ນເທິງຢ່າງຕໍ່ເນື່ອງເຮັດໃຫ້ສະມາຊິພັກເພີ່ມຂຶ້ນ, ມີສະມາຊິກພັກທັງໝົດ 19.728 ສະຫາຍ, ຍິງ 5.906 ສະຫາຍ,

ສະເພາະປີ 2019 ຂະຫຍາຍສະມາຊິກພັກໄດ້ 1.173 ສະຫາຍ, ຍິງ 459 ສະຫາຍ, ອອກບັດໃຫ້ສະມາຊິກພັກໄດ້ 13.862 ສະຫາຍ,ສະເພາະປີ 2019 ໄດ້ 529 ສະຫາຍ, ມາຮອດປະຈຸບັນຂັ້ນເມືອງສຳເລັດກອງປະຊຸມໃຫຍ່ອົງຄະນະພັກເມືອງແລ້ວ 6 ເມືອງໃນ 11 ເມືອງທົ່ວແຂວງ,

1 ປີຜ່ານມາໄດ້ສົ່ງພະນັກງານໄປຮຽນທິດສະດີຊັ້ນກາງພາຍໃນແຂວງ 60 ສະຫາຍ, ຍິງ 20 ສະຫາຍ, ຊັ້ນສູງຢູ່ນະຄອນຫຼວງວຽງຈັນ 10 ສະຫາຍ, ຝຶກອົບຮົມຢູ່ສະຖາບັນການເມືອງ ແລະ ການປົກຄອງແຫ່ງຊາດທ່າງ່ອນ 3 ສະຫາຍ, ໄປຮຽນຢູ່ ສສ ຫວຽດນາມ 4 ສະຫາຍ, ໄປຝຶກອົບຮົມ ແລະ ທັດສະນະ 161 ສະຫາຍ, 1 ປີຜ່ານມາ ສະພາບຂອງກົງຈັກການຈັດຕັ້ງ ທີ່ຜ່ານການປັບປຸງເຫັນວ່າຫຼາຍບ່ອນມີຄວາມສະຫງົບ, ສາມາດປະຕິບັດພາລະບົດບາດ, ໜ້າທີ່ຕອບສະໜອງຄວາມຮຽກຮ້ອງຕ້ອງການຂອງວຽກງານໄດ້ດີສົມຄວນ.

ໃນກອງປະຊຸມຄັ້ງນີ້ ຍັງໄດ້ພ້ອມກັນເອົາໃຈໃສ່ຄົ້ນຄ້ວາ ເພຶ່ອເຊື່ອມຊຶມບັນດາເອກະສານທີ່ສຳຄັນຂອງພັກດ້ວຍຄວາມຮັບຜິດຊອບສູງ ແລະ ປະກອບຄຳເຫັນດ້ວຍບັນຍາກາດທີ່ຟົດຟື້ນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed