Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໂຄງການ ພະລັງງານໄຟຟ້າແສງຕາເວັນ ເທິງໜ້ານໍ້າງື່ມ 1

1 min read

ພິທີເຊັນສັນຍາ ພັດທະນາໂຄງການພະລັງງານໄຟຟ້າແສງຕາເວັນແບບລອຍໜ້ານໍ້າ ເທິງໜ້ານໍ້າງື່ມ 1 ຢູ່ແຂວງວຽງຈັນ.

ຂປລ : ໃນຕອນແລງວັນທີ 19 ກຸມພາ 2020 ທີ່ນະຄອນຫຼວງວຽງຈັນ ໄດ້ມີພິທີເຊັນສັນຍາພັດທະນາໂຄງການພະລັງງານໄຟຟ້າແສງຕາເວັນເທິງໜ້າ ນຳ້ງື່ມ1 (PDA) ລະຫວ່າງ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ຈັນທະໜອມ ວົງສົມຈິດ ຫົວໜ້າພະແນກແຜນການ ແລະ ການລົງທຶນແຂວງໄຊສົມບູນ , ກັບ ທ່ານ ລີ ຊັດ ປະທານບໍລິສັດ Hangzhou Safefound Technology Co.,Ltd (ຈີນ) ແລະ ທ່ານ ແສງທອງພະຈັນ ສີວົງໄຊ ອຳນວຍການ ບໍລິສັດ ລາວ ພີພີເອ ທີ່ປຶກສາບັນຊີ ແລະ ກວດສອບຈຳກັດ ໂດຍມີພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ໂຄງການພະລັງງານໄຟຟ້າແສງຕາເວັນເທິງໜ້ານໍ້າງື່ມ 1 ເປັນໂຄງການຮ່ວມມືລະຫວ່າງລັດຖະ ບານລາວຖືຮຸ້ນ 20% ແລະ ເອກະຊົນ 80% ໃນໄລຍະເວລາສຳປະທານ 25 ປີ, ມີກຳລັງການຕິດຕັ້ງ 1.200 MW ໃນເນື້ອທີ່ທັງໝົດເກືອບ 1.500 ເຮັກຕາ, ໂດຍການກໍ່ສ້າງຈະແບ່ງອອກເປັນແຕ່ລະໄລຍະອີງຕາມການພັດທະນາເສດຖະກິດ-ສັງຄົມ ແລະ ຄວາມຕ້ອງການຂອງຕະຫລາດ, ໄລຍະທຳອິດ 300 MW ຈະເລີ່ມໃນທ້າຍປີ 2020-2023 ສາມາດຜະລິດພະລັງງານ 37.852,86 Gwh/ປີ ແລະ 3.154,41 Gwh/ເດືອນ ແລະ 900 MW ນັບແຕ່ປີ 2023-2026, ການກໍ່ສ້າງສາຍສົ່ງ 115/230 KV ມີຄວາມຍາວປະມານ 40 ກິໂລແມັດ ຈາກທີ່ຕັ້ງຂອງໂຄງການ ເຖິງ ສະຖານີໄຟຟ້າແສງສະຫວ່າງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031