Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຜົນຜະລິດ​ເຂົ້າປີ 2019​ ເມືອງ​ ທຸ​ລະ​ຄົມ ​ບັນລຸ 68.877 ໂຕນ

1 min read

ສະຫາຍ ບຸນທັບ ວົງໄຊ ຄະປະຈຳພັກເມືອງ ທຸລະຄົມ ໄດ້ກ່າວໃນແຜນພັດທະນາເສດຖະກິດ-ສັງຄົມ 5 ປີ ບາງຕອນຕໍ່ກອງປະຊຸມໃຫຍ່ ຜູ້ແທນອົງຄະນະພັກເມືອງ ທຸລະຄົມ ຄັ້ງທີ VII ໄດ້ໄຂຂຶ້ນໃນວັນທີ 24 ມັງກອນ 2020 ນີ້ວ່າ: ວຽກງານກະສິກຳ ໄດ້ມີການຂະຫຍາຍຕົວເປັນກ້າວໆ ສາມາດຕອບສະໜອງດ້ານສະບຽງອາຫານຕາມຄວາມຕ້ອງການພາຍໃນ ເມືອງໄດ້ຢ່າງພຽງພໍ ແລະ ສົ່ງອອກ​ເຊິ່ງຕົວ​ເລກ​ການ​ຜະລິດ​ເຂົ້າ​ບັນລຸໄດ້ 68.877 ໂຕນ.

ໃນປີ 2019 ມີເນື້ອທີ່ປູກເຂົ້າທັງໝົດ 15.093ເຮັກຕາ, ຜົນຜະລິດໄດ້ 68.877 ໂຕນ, ສະເລ່ຍເຂົ້າກິນ1.193 ກິໂລກຼາມ/ຄົນ/ປີ, ໃນນີ້: ນາປີ 9.165 ເຮັກຕາ, ຜົນຜະລິດໄດ້ 43.992 ໂຕນ, ສະມັດຕະພາບ 4,8 ໂຕນ/ເຮັກຕາ; ນາແຊງ 5.928ເຮັກຕາ, ຜົນຜະລິດໄດ້ 24.885 ໂຕນ.

ການປູກພືດສະບຽງອາຫານ ແລະ ພືດສໍາຮອງປະຕິບັດໄດ້ 7.628 ຮຕ, ຜົນຜະລິດໄດ້ 74.300 ໂຕນ, ທຽບໃສ່ 5 ປີຜ່ານມາ ເພີ້ມຂື້ນ 19,23%.ໃນນັ້ນ: ພືດລະດູຝົນປະຕິບັດໄດ້ 2.611 ຮຕ, ຜົນຜະລິດ 22.976 ໂຕນ, ພືດລະດູແລ້ງ 5.017 ຮຕ, ຜົນຜະລິດ 51.324ໂຕນ, ອັນພົ້ນເດັ່ນແມ່ນຂະບວນການປູກສາລີພັນແຂງ, ມີເນື້ອທີ່ 1.486 ຮຕ, ຜົນຜະລິດໄດ້ 7.430 ໂຕນ, ສາລີພັນຫວານ, ມີເນື້ອທີ່ 890 ຮຕ, ຜົນຜະລິດໄດ້ 9.615 ໂຕນ,

ພ້ອມດຽວກັນນັ້ນ ຍັງໄດ້ສົ່ງເສີມການປູກພືດຜັກສະອາດເປັນສິນຄ້າໄດ້ 10 ກຸ່ມ, ປູກຜັກອິນຊີມີ 1 ບ້ານ, ປູກໄມ້ໃຫ້ໝາກ 6 ຄອບຄົວ ແລະ ປູກໝາກແຕງເມລອນຢູ່ບ້ານ ໄຮຢ່ອນ.

ອັນທີ່ພົ້ນເດັ່ນໃນປະຈຸບັນ ແມ່ນໄດ້ຈັດຕັ້ງກຸ່ມຜະລິດກະສິກໍາເປັນສິນຄ້າຂື້ນ ມີກຸ່ມຜະລິດເຂົ້າ 8 ກຸ່ມ, ກຸ່ມຜະລິດພືດຜັກ 19 ກຸ່ມ ໂດຍໄດ້ຮັບທຶນສະໜັບສະໜູນຈາກທະນາຄານໂລກ 3,9 ລ້ານໂດລາ.

ການລ້ຽງສັດປະເພດຕ່າງໆມີການຂະຫຍາຍຕົວໄວສົມຄວນ ສະເລ່ຍ 3-4%/ປີ, ປະຈຸບັນ ທົ່ວເມືອງມີງົວ ທັງໝົດ 25.796 ໂຕ, ຄວາຍມີ 7.673 ໂຕ, ໝູ 7.163 ໂຕ, ແບ້ 3.314 ໂຕ, ສັດປີກມີ 326.846 ໂຕ, ປ່ອຍ ປາລົງສູ່ທຳມະຊາດ 1.200.000 ໂຕ, 

ສາມາດຜະລິດຊີ້ນ ແລະ ປາ ໄດ້ທັງໝົດ 1.891,38 ໂຕນ, ສະເລ່ຍການ ບໍລິໂພກຕໍ່ຫົວຄົນ 32,7 ກິໂລ/ຄົນ/ປີ. ອັນທີ່ພົ້ນເດັ່ນ: ມາຮອດປະຈຸບັນໄດ້ມີກຸ່ມລ້ຽງສັດໃຫຍ່ຂຶ້ນ 1 ກຸ່ມ ມີ 11 ບ້ານ, ກຸ່ມລ້ຽງປາ 3 ກຸ່ມ, ຕົວແບບຜະລິດລູກປາ 3 ຄອບຄົວ, ຕົວແບບການລ້ຽງໄກ່ພັນປະສົມປະສານກັບການລ້ຽງປາມີ 14 ຄອບຄົວ, ຕົວແບບການລ້ຽງໄກ່ລາດມີເປັນສິນຄ້າມີ 1 ກຸ່ມ ມີ 40 ຄອບຄົວ.

ລະບົບຊົນລະປະທານໄດ້ຮັບການກໍ່ສ້າງ, ສ້ອມແປງ ແລະ ຟື້ນຟູໄດ້ຫລາຍແຫ່ງ ສາມາດນຳໃຊ້ໄດ້ຢ່າງມີປະ ສິດທິຜົນ, ປະຈຸບັນມີຊົນລະປະທານທີ່ນໍາໃຊ້ໄດ້ 24 ແຫ່ງ, ສາມາດສະໜອງນ້ໍາໃນລະດູຝົນໄດ້ 5.320 ຮຕ, ລະດູແລ້ງ 4.630 ຮຕ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031