Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຜີຍແຜ່ກົດໝາຍປ່າໄມ້ສະບັບປັບປຸງ ແລະ ນິຕິກຳກ່ຽວກັບວຽກງານກະສິກຳ – ປ່າໄມ້

1 min read

ກອງປະຊຸມເຜີຍແຜ່ກົດໝາຍປ່າໄມ້ສະບັບປັບປຸງ ແລະ ນິຕິກຳກ່ຽວກັບວຽກງານກະສິກຳ – ປ່າໄມ້ ແລະ ນະໂຍບາຍສົ່ງເສີມການປູກໄມ້ແບບມີສ່ວນຮ່ວມຂອງບໍລິສັດບົວລະພາ ໄດ້ຈັດຂຶ້ນໃນ ເດືອນ ກຸມພາ 2020 ນີ້ ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ

ໂດຍການເປັນປະທານຂອງ ທ່ານ ນາງສິງຄຳ ຄົງສະຫວັນ ຮອງເຈົ້າແຂວງໆວຽງຈັນ, ມີທ່ານ ບົວແກ້ວ ພອນໄຊສະຫວັດ ຮອງເຈົ້າເມືອງໆໝື່ນ, ທ່ານ ຊູຊາດ ໄຊຍະກຸມມານ ຫົວໜ້າກົມປ່າໄມ້, ມີທ່ານ ສົມອົກ ໜໍ່ຈະເລີນ ຮອງຫົໜ້າພະແນກກະສິກຳ ແລະ ປ່າໄມ້ແຂວງວຽງຈັນ, ມີທ່ານ ນາງ ສຸໄພວັນ ທ່ຽງຈັນໄຊ ຮອງອຳນວຍການບໍລິສັດບົວລະພາ, ມີຄະນະປະຈຳ, ກຳມະການພັກເມືອງ, ທີມງານຈາກກົມປ່າໄມ້, ພະເເນກກະສິກຳ ແລະ ປ່າໄມ້ແຂວງວຽງຈັນ, ຫົວໜ້າຫ້ອງການ, ຫົວໜ້າກຸ່ມບ້ານ, ບໍລິສັດບົວລະພາ, ເລຂາພັກບ້ານ-ນາຍບ້ານອ້ອມຂ້າງເມືອງ ແລະພະນັກງານຫ້ອງການກະສິກຳເມືອງ ເຂົ້າຮ່ວມຢ່າງພ້ອມພຽງ.

ທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆ ວຽງຈັນ ໄດ້ໃຫ້ກຽດ ມີຄຳເຫັນໂອ້ລົມ ແລະ ກ່າວເປີດກອງປະຊຸມຢ່າງເປັນທາງການ ກອງປະຊຸມໄດ້ຮັບຟັງການຜ່ານກົດໝາຍປ່າໄມ້ສະບັບປັບປຸງ ເລກທີ 64/ສພຊ ລົງວັນທີ 13 ມີຖຸນາ 2019 ,

ຜ່ານດຳລັດຂອງນາຍົກລັດຖະມົນຕີ ເລກທີ 321/ນຍ ລົງວັນທີ 6 ກັນຍາ 2007 ວ່າດ້ວຍ: ການກຳນົດເຂດປ່າຜະລິດ,

ຜ່ານຂໍ້ຕົກລົງຂອງກົມປ່າໄມ້ສະບັບເລກທີ 0134/ກປມ, ລົງວັນທີ 22 ກຸມພາ 2013 ວ່າດ້ວຍ ການຮັບຮອງແຜນຈັດສັນປ່າຜະລິດແຫ່ງຊາດ ປ່າຜະລິດພູເຍີຍ ແລະ ປ່າຜະລິດໜອງເປັດ, ນາແຊງ.

ຜ່ານແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 615 /ຫສນຍ, ລົງວັນທີ 10 ເມສາ 2019 ວ່າດ້ວຍ: ການຊີ້ນຳກ່ຽວກັບການອອກໃບອະນຸຍາດໃຫ້ບໍລິສັດບົວລະພາກະສິກຳ ແລະ ປ່າໄມ້ຈຳກັດ ແລະ ບໍລິສັດສະໂຕລາແອນໂຊລາວ ຈຳກັດ ເລີ່ມລົງທຶນປູກໄມ້ໃນເຂດປ່າຜະລິດແຫ່ງຊາດ,

ຜ່ານດຳລັດ ລັດຖະບານແຫ່ງ ສປປລາວ ສະບັບເລກທີ 247/ລບ ລົງວັນທີ 20 ສິງຫາ 2019 ວ່າດ້ວຍການສົ່ງເສີມການປູກໄມ້ເປັນສິນຄ້າ, ກອງປະຊຸມໄດ້ຮັບຟັງນະໂຍບາຍການປູກໄມ້ຂອງບໍລິສັດບົວລະພາ ກະສິກຳ ແລະ ປ່າໄມ້ຈຳກັດ.

ຈາກນັ້ນກອງປະຊຸມໄດ້ມີການປະກອບຄຳຄິດຄຳເຫັນຈາກບັນດາແຂກເຂົ້າຮ່ວມກອງປະຊຸມຢ່າງກົງໄປກົງມາ

ພ້ອມທັງໄດ້ຮັບຟັງການມີຄຳເຫັນໂອ້ລົມຈາກທ່ານ ບົວແກ້ວ ພອນໄຊສະຫວັດ ຮອງເຈົ້າເມືອງໆໝື່ນ ກ່ຽວກັບວຽກງານກະສິກຳ ແລະ ປ່າໄມ້ຂອງເມືອງໝື່ນ ໂດຍສະເພາະແມ່ນນະໂນບາຍການປູກໄມ້ແບບມີສ່ວນຮ່ວມ ຂອງບໍລິສັດບົວລະພາ ທີ່ຈະມາລົງທຶນໃສ່ການປູກໄມ້ຢູ່ເມືອງໝື່ນ.

ຕອນທ້າຍກອງປະຊຸມ ທ່ານ ນາງສິງຄຳ ຄົງສະຫວັນ ຮອງເຈົ້າແຂວງໆວຽງຈັນ ກໍ່ໄດ້ມີຄຳເຫັນໂອ້ລົມຕໍ່ພິທີ ພ້ອມທັງໄດ້ເຜີຍແຜ່ເອກະສານກ່ຽວກັບວຽກງານການສຳຫຼວດເສດຖະກິດທົ່ວປະເທດຄັ້ງທີ III ປີ 2020 ແລະ ການສຳຫຼວດສະຖິຕິກະສິກຳທົ່ວປະເທດຄັ້ງທີ III , 2019 2020.

ໂອກາດນີ້ທ່ານຍັງໄດ້ຮຽກຮ້ອງມາຍັງພໍ່ແມ່ພີ່ນ້ອງປະຊາຊົນບັນດາເຜົ່າ, ບຸກຄົນ, ນິຕິບຸກຄົນ,ຊາວຄ້າຂາຍ, ນັກທຸລະກິດ ແລະ ວິສາຫະກິດຫ້າງຮ້ານທົ່ວແຂວງວຽງຈັນ ຈົ່ງພ້ອມກັນໃຫ້ຄວາມຮ່ວມມື ແລະ ຊ່ວຍເຫຼືອນັກເດີນສຳຫຼວດ ໂດຍສະເພາະແມ່ນການຕອບຄຳຖາມ ແລະ ໃຫ້ຂໍ້ມູນຄົບຖ້ວນຖືກຕ້ອງຕາມຄວາມຈິງແກ່ນັກເດີນສຳຫຼວດ ເພາະວ່າຂໍ້ມູນນັ້ນເປັນຂໍ້ມູນທີ່ສຳຄັນທີ່ສຸດ ໃນການວາງແຜນພັດທະນາ ແລະ ສ້າງສາປະເທດຊາດຂອງພວກເຮົາ.

 

ພາບ ແລະ ຂ່າວ : ແຫວນຄຳ ສຸມນທາ ນັກຂ່າວເມືອງໝື່ນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed