Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງວຽງຈັນ ຊຸດທີ I ໄຂຂຶ້ນຢ່າງເປັນທາງການ

1 min read

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງວຽງຈັນ ຊຸດທີ I ໄດ້ໄຂຂຶ້ນຢ່າງເປັນທາງການໃນວັນທີ 4 ມີນາ 2020 ນີ້, ຢູ່ທີ່ສະໂມສອນໃຫຍ່ຂອງແຂວງ.

ໂດຍການໃຫ້ກຽດເຂົ້າຮ່ວມຂອງ ທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ມີບັນດາຜູ້ນຳພັກ-ລັດ, ອາດີດການນຳ, ບັນດາສະມາຊິກສະພາແຫ່ງຊາດ, ສະພາປະຊາຊົນແຂວງ ແລະ ນັກທຸລະກິດ ເຂົ້າຮ່ວມຢ່າງພ້ອມພຽງ.


ທ່ານ ບຸນເພັງ ສາຍນໍລະດີ ຮອງເລຂາພັກແຂວງ, ປະທານສະພາປະຊາຊົນແຂວງວຽງຈັນ, ທັງເປັນປະທານກອງປະຊຸມຄັ້ງນີ້ ໄດ້ກ່າວໄຂກອງປະຊຸມວ່າ :

ກອງປະຊຸມຄັ້ງນີ້ ຈະໄດ້ສຸມໃສ່ພິຈາລະນາ, ຮັບຮອງ ແລະ ຕົກລົງບັນດາບັນຫາສຳຄັນພຶ້ນຖານຂອງແຂວງຫຼາຍດ້ານເປັນຕົ້ນແມ່ນ ບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,

  • ແຜນງົບປະມານຂອງແຂວງ ປະຈຳປີ 2019 ແລະ ທິດທາງແຜນການປີ 2020 ຂອງແຂວງ,
  • ຮັບຟັງກາຍລາຍງານຂອງພະແນກສຶກສາທິການ ແລະ ກິລາ ແຂວງ ກ່ຽວກັບການພັດທະນາຊັບພະຍາກອນມະນຸດ ທີ່ຕິດພັນກັບການພັດທະນາເສດຖະກິດ-ສັງຄົມ ໃນແຕ່ລະໄລຍະ ໂດຍສະເພາະການສ້າງຊັບພະຍາກອນມະນຸດ ໃຫ້ໄປຕາມຂະແໜງການບູລິມະສິດເປັນຕົ້ນ ວິຊາການສະເພາະໃນສາຂາວິຊາກະສິກຳ, ຄູ ແລະ ພະຍາບານ ເພຶ່ອຕອບສະໜອງໃຫ້ແກ່ການພັດທະນາປະເທດຊາດ ແລະ ແກ້ໄຂຄວາມທຸກຍາກ,
  • ຮັບຟັງການລາຍງານຂອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ກ່ຽກັບການພັດທະນາ ແລະ ຄຸ້ມຄອງວຽກງານທ່ອງທ່ຽວ ທີ່ຕິດພັນກັບການຮັກສາສິ່ງແວດລ້ອມ ແລະ ການສ້າງລາຍໄດ້ໃຫ້ປະຊາຊົນ,
  • ການຈັດຕັ້ງປະເມີນຜົນການປະຕິບັດໜ້າທີ່ຂອງບຸກຄະລາກອນດຳລົງຕຳແໜ່ງທີ່ສະພາປະຊາຊົນແຂວງ ເລືອກຕັ້ງ ແລະ ຮັບຮອງເອົາການແຕ່ງຕັ້ງ,
  • ຈະໄດ້ພິຈາລະນາ, ຮັບຮອງເອົາບົດລາຍງານຂອງອົງການກວດສອບປະຈຳພາກກາງ ກ່ຽວກັບການຈັດຕັ້ງປະຕິບັດ ການເຄື່ອນໄຫວວຽກງານປະຈຳປີ 2019, ທິດທາງແຜນການເຄື່ອນ ໄຫວວຽກງານ ປະຈຳປີ 2020,
  • ບົດລາຍງານຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດປີ 2018 ຂອງແຂວງ ແລະ ຮັບຟັງການລາຍງານຂອງພະແນກກວດກາລັດ ກ່ຽວກັບການຈັດຕັ້ງປະຕິບັດການກວດກາຕິດຕາມ ຜົນຂອງການກວດສອບໃນປີຜ່ານມາ ຢູ່ແຂວງວຽງຈັນ,
  • ພິຈາລະນາ, ຮັບຮອງເອົາບົດລາຍງານການເຄື່ອນໄຫວວຽກງານ ປະຈຳປີ 2019 ແລະ ທິດທາງແຜນການປີ 2020 ຂອງອົງການໄອຍາການປະຊາຊົນແຂວງ, ສານປະຊາຊົນແຂວງ ແລະ ພິຈາລະນາຮັບຮອງເອົາບົດລາຍງານການເຄື່ອນໄຫວວຽກງານ ປະຈຳປີ 2019 ແລະ ທິດທາງແຜນການປີ 2020 ຂອງສະພາປະຊາຊົນແຂວງວຽງຈັນ ຊຸດທີ I.


ເພຶ່ອຮັບປະກັນການດຳເນີນກອງປະຊຸມຄັ້ງນີ້ໃຫ້ບັນລຸຕາມຄາມໝາຍທີ່ໄດ້ວາງໄວ້, ປະທານກອງປະຊຸມຈຶ່ງໄດ້ຮຽກຮ້ອງໃຫ້ບັນດາທ່ານສະມາຊິກສະພາປະຊາຊົນແຂວງວຽງຈັນ ຈົ່ງໄດ້ຍົກສູງຄວາມຮັບຜິດຊອບການເມືອງຂອງຕົນ, ສຸມທຸກສະຕິປັນຍາເຂົ້າໃນການປະກອບຄຳເຫັນ, ພິຈາລະນາຕໍ່ທຸກບັນຫາຢ່າງຖີ່ຖ້ວນພາວະວິໄສບົນພື້ນຖານແນວທາງນະໂຍບາຍຂອງພັກ,ກົດໝາຍ ແລະ ສະພາບຄວາມເປັນຈິງທາງດ້ານເສດຖະກິດ-ສັງຄົມແຫ່ງຊາດກໍ່ຄືຂອງແຂວງ ເຮັດໃຫ້ເນື້ອໃນທີ່ນຳມາພິຈາລະນາ, ຮັບຮອງຄັ້ງນີ້ ມີຄຸນນະພາບ ແລະ ສາມາດນຳໄປຈັດຕັ້ງປະຕິບັດຢ່າງມີຜົນສັກສິດ.

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງວຽງຈັນຊຸດທີ I ຈະໄດ້ດຳເນີນໄປເປັນເວລາ 3 ວັນຄື: ວັນທີ 4 – 6 ມີນາ 2020 ຈຶ່ງຈະສຳເລັດ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031