Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ແຂວງວຽງຈັນ ແລະ ເມືອງ ປາກຊົມ ແຂວງ ເລີຍ ປະເທດໄທ ແລກປ່ຽນບົດຮຽນຮ່ວມກັນ.

1 min read

ເມືອງໝື່ນ ແຂວງວຽງຈັນ ແລະ ເມືອງ ປາກຊົມ ແຂວງ ເລີຍ ປະເທດໄທ ຈັດກອງປະຊຸມປຶກສາຫາລື ແລກປ່ຽນບົດຮຽນ ວຽກງານສືກສາ-ກິລາ, ສີລະປະ-ວັນນະຄະດີ, ວັດທະນະທຳ ແລະ ວຽກງານທ່ອງທ່ຽວ.

ທ້າຍເດືອນ ກຸມພາ ປີ 2020 ທີ່ຜ່ານມາ ເມືອງໝື່ນ ແຂວງວຽງຈັນ ແລະ ເມືອງ ປາກຊົມ, ແຂວງ ເລີຍ, ປະເທດໄທ ໄດ້ຈັດກອງປະຊຸມປຶກສາຫາລື ແລກປ່ຽນບົດຮຽນວຽກງານສືກສາ-ກິລາ, ສີນລະປະ-ວັນນະຄະດີ ,ວຽກວັດທະນະທຳ  ແລະ ທ່ອງທ່ຽວ ຂື້ນຢູ່ທີ່ ໂຮງຮຽນ ມ.ສ ນ້ຳຮອນ ໂດຍໃຫ້ກຽດເຂົ້າຮ່ວມ ແລະ ຕ້ອນຮັບຂອງ ທ່ານ ບົວແກ້ວ ພອນໄຊສະຫວັດ ຮອງເຈົ້າເມືອງໝື່ນ, ມີທ່ານ ສິບເອກ ເສດຖາຂາວປະເສີດ ນາຍອຳເພີປາກຊົມ ພ້ອມດ້ວຍຄະນະ , ມີບັນດາຄະນະປະຈຳ, ກຳມະການພັກເມືອງ, ຫົວໜ້າຫ້ອງການ ແລະ ພະນັກງານ ຄູ-ອາຈານ, ນ້ອງນັກຮຽນ ມ.ສ ນ້ຳຮອນ ແລະ ໂຮງຮຽນ ປາກຊົມວິທະຍາ ເຂົ້າຮ່ວມຢ່າງພ້ອມພຽງ.

ທ່ານ ບົວແກ້ວ ພອນໄຊສະຫວັດ ຮອງເຈົ້າເມືອງໆໝື່ນ ໃຫ້ກຽດກ່າວຕ້ອນຮັບ, ການມາຢ້ຽມຢາມ ແລະ ເຮັດວຽກຂອງ ເຈົ້າເມືອງ ປາກຊົມ, ແຂວງ ເລີຍ, ປະເທດໄທ ພ້ອມດ້ວຍຄະນະໃນຄັ້ງນີ້ ພ້ອມທັງກ່າວໄຂກອງປະຊຸມຂຶ້ນຢ່າງເປັນທາງການ.

ກອງປະຊຸມໄດ້ຮັບຟັງການລາຍງານຫຍໍ້ກ່ຽວກັບການຈັດຕັ້ງປະຕິບັດ ວຽກງານຂອງໂຮງຮຽນ ມສ ນ້ຳຮອນໄລຍະທີ່ຜ່ານມາ ທົບທວນຄືນ ວຽກງານທີ່ສອງຝ່າຍຮ່ວມມືກັນຈັດຕັ້ງປະຕິບັດໃນໄລຍະທີ່ຜ່ານມາ ພ້ອມທັງໄດ້ປຶກສາຫາລື ກ່ຽວກັບວຽກງານສຶກສາ ແລະ ກິລາ, ວຽກງານສິນລະປະ-ວັນນະຄະດີ, ວຽກງານວັດທະນະທຳ ແລະ ວຽກງານທ່ອງທ່ຽວ

ໂດຍທັງສອງຝ່າຍໄດ້ເຫັນດີເປັນເອກະພາບ ສືບຕໍ່ຮ່ວມມືຊ່ວຍເຫຼືອເຊິ່ງກັນ ແລະ ກັນເປັນຕົ້ນການແລກປ່ຽນການສິດສອນ,ການແລກປ່ຽນດ້ານວັດທະນະທຳ, ວຽກງານສົ່ງເສີມການທ່ອງທ່ຽວ ແລະ ດ້ານອື່ນໆ ເຊິ່ງກຳນົດກິດຈະກຳດັ່ງນີ້:

1. ກິດຈະກຳໄຫວ້ພຣະສອງແຜ່ນດິນລາວ – ໄທ ຊົມວິຖີຊີວິດລຸ້ມແມ່ນໍ້າຂອງ

2. ກິດຈະກຳລ່ອງເຮືອ ຊົມດອນແມ່ນ້ຳຂອງ ຫາດເບ້ຍ-ດອນຮຽງ

3. ກິດຈະກຳແຂ່ງຂັນກິລາມິດຕະພາບ ລາວ-ໄທ

4. ກິດຈະກຳແລ່ນ ເພື່ອສຸຂະພາບ ເລີ່ມຕົ້ນປະເທດໄທ ເຂົ້າເສັ້ນໄຊປະເທດລາວ ສຳລັບວຽກງານສຶກສາ – ກິລາ.

ທັງສອງຝ່າຍເຫັນດີ ໃຫ້ມີການແລກປ່ຽນ ບົດຮຽນ ເພື່ອຍົກລະດັບໃຫ້ກັບຄູອາຈານ ແລະ ນ້ອງນັກຮຽນ ດ້ວຍການສະເໜີໃຫ້ຝ່າຍລາວເຂົ້າຮ່ວມຝຶກອົບຮົມວິຊາຄູ, ຝຶກອົບຮົມກຳມະການຕັດສິນກິລາ.

ພາຍຫຼັງສຳເລັດກອງປະຊຸມຢ່າງເປັນທາງການແລ້ວ ຕອນບ່າຍຂອງວັນດຽວກັນທັງສອງຝ່າຍຍັງໄດ້ຈັດກິດກຳຮ່ວມກັນ ເປັນຕົ້ນການແຂ່ງຂັນກິລາບານເຕະມິດຕະພາບ, ບານສົ່ງຍິງ, ກະຕໍ້ຫວາຍ

ນອກຈາກນີ້ ນັກສຶກສາສອງຝ່າຍຍັງໄດ້ພ້ອມກັນເຂົ້າຮ່ວມໂມງສອນ ພ້ອມທັງແລກປ່ຽນວັດທະນະທຳ ແລະ ຮັບຊົມການສະເເດງສິນລະປະ – ວັນນະຄະດີ ຂອງນ້ອງນັກຮຽນທັງສອງຝ່າຍຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed