Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໜ່ວຍຮາກຖານຊາວໜຸ່ມອົງການກາແດງ ແຂວງວຽງຈັນ ໄດ້ຮັບຮອງເປັນໜ່ວຍ 4 ບຸກ.

1 min read

ໜ່ວຍຮາກຖານຊາວໜຸ່ມອົງການກາແດງແຂວງວຽງຈັນ  ແມ່ນໜ່ວຍຊາວໜຸ່ມໜື່ງທີ່ຂື້ນກັບຄະນະຊາວໜຸ່ມປະຊາຊົນປະຕິວັດລາວແຂວງວຽງຈັນ,ພາຍໃຕ້ການຊີ້ນຳໆພາຂອງຄະນະພັກຮກຖານອົງການກາແດງແຂວງວຽງຈັນ, ປະກອບມີຄະນະ 3 ສະຫາຍ, ຍິງ 1 ສະຫາຍ, ມີສະມາຊີກທັງໝົດ18 ສະຫາຍ, ຍິງ13 ສະຫາຍ,

ສະຫາຍ ສີສະຫວາດ ໄຊຍະລາດ ເລຂາໜ່ວຍຮາກຖານຊາວໜຸ່ມອົງການກາແດງແຂວງວຽງຈັນ ໄດ້ກ່າວໃນພິທີຮັບຮອງໜ່ວຍຮາກຖານຊາວໜຸ່ມອົງການກາແດງແຂວງວຽງຈັນເປັນໜ່ວຍຊາວໜຸ່ມ 4 ບຸກ ຮອບ I ປະຈຳສົກປີ  2019 ທີ່ໄດ້ຈັດຂື້ນໃນເດືອນກຸມພາ 2020 ທີ່ຜ່ານມານີ້ວ່າ:

ໜ່ວຍຮາກຖານຊາວໜຸ່ມອົງການກາແດງແຂວງວຽງຈັນ, ໄດ້ເປັນເຈົ້າການໃນການສືກສາອົບຮົມການເມືອງ – ແນວຄິດ, ທັດສະນະຄູນສົມບັດໃຫ້ແກ່ຊາວໜຸ່ມ – ໄວໜຸ່ມໂດຍນຳເອົາແນວທາງນະໂຍບາຍຂອງພັກ, ກົດໝາຍຂອງລັດ, ຂໍ້ກຳນົດກົດລະບຽບ ແລະ ຂໍ້ແຂ່ງຂັນຂອງຊາວໜຸ່ມມາເຜີຍແຜ່, ຄຽງຄູ່ກັບການຈັດຕັ້ງປະຕິບັດຂໍ້ແຂ່ງຂັນຂອງບັນດາອົງການຈັດຕັ້ງມະຫາຊົນຢ່າງເປັນຂະບວນຟົດຟື້ນ,

ນອກຈາກນີ້ ກໍ່ໄດ້ເອົາໃຈໃສ່ເຕົ້າໂຮມກຳລັງແຮງຂອງສະມາຊິກຊາວໜຸ່ມເຂົ້າສູ່ຂະບວນການລວມຂອງຊາດເວົ້າລວມ, ເວົ້າສະເພາະ ຍູ້ແຮງຂະບວນການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມຕິດພັນກັບຂະບວນການປະຕິບັດວຽກງານ ວິຊາສະເພາະຂອງຕົນເປັນຕົ້ນໃນການປຸລະດົມຂົນຂວາຍຊາວໜຸ່ມທຸກຊັ້ນຄົນພາຍໃນອົງການກາແດງແຂວງເຂົ້າຮ່ວມເປັນຊາວໜຸ່ມອາສາສະໝັກກາແດງເຊີ່ງແບ່ງອອກເປັນ 3 ຈຸ ຕາມວິຊາສະເພາະ ຄື : ຊາວໜຸ່ມອາສາສະໝັກພາຍໃນໂຮງຮຽນປອດໄພ – ຊຸມຊົນປອດໄພ,  ຊາວໜຸ່ມອາສາສະໝັກບໍລິຈາກເລືອດ, ຊາວໜຸ່ມອາສາສະໝັກກູ້ຊີບ – ກູ້ໄພສຸກເສີນ  ແລະ  ຊາວໜຸ່ມອາສາສະໝັກຂັ້ນບ້ານທີ່ເປັນບ້ານເປົ້າໝາຍຂອງໂຄງການຫຼຸດຜ່ອນຄວາມສ່ຽງຈາກໄພພິບັດ,

ຄຽງຄູ່ກັນນີ້ເພື່ອພັດທະນາເສດຖະກິດຄອບຄົວ ແລະ ແກ້ໄຂຊີວິດການເປັນຢູ່ ເຮັດໃຫ້ຄອບຄົວຂອງສະມາຊິກມີຢູ່ມີກິນຈົນກາຍເປັນການຜະລິດເປັນສິນຄ້າໂດຍໄດ້ ຊຸກຍູ້ສົ່ງເສີມໃຫ້ສະມາຊິກຜູ້ມີເງື່ອນໄຂຍາດແຍ່ງເວລາຫວ່າງສ້າງແຫຼ່ງລາຍຮັບເຂົ້າສູ່ຄອບຄົວດ້ວຍການປູກຝັງ, ລ້ຽງສັດ, ບໍລິການຄ້າຂາຍ ແລະ ອື່ນໆ,

ຜ່ານການຈັດຕັ້ງປະຕິບັດຂໍ້ແຂ່ງຂັນ 4 ບຸກໃນ 1 ປີຜ່ານມາໂດຍອີງໃສ່ເງື່ອນໄຂ, ມາດຖານແລ້ວສາມາດປະເມີນໃນແຕ່ລະດ້ານ ກວມ 93% ຂຶ້ນໄປ, ສະມາຊິກເປັນສະມາຊິກດີເດັ່ນກວມ 100%. ແລະ ເພື່ອເປັນການຢັ້ງຢືນເຖີ່ງຜົນງານຂອງໜ່ວຍຮາກຖານຊາວໜຸ່ມອົງການກາແດງແຂວງວຽງຈັນ ສະຫາຍ ດາວສະຫວັນ  ລາດສະວົງສ ຮອງເລຂາຄະນະບໍລິຫານງານຊາວໜຸ່ມແຂວງວຽງຈັນ, ໄດ້ໃຫ້ກຽດມອບໃບຢັ້ງຢືນ 4 ບຸກ ແລະ ບຸກຄົ້ນດີເດັ່ນພ້ອມທັງມີຄຳເຫັນໂອລົມ.

ຂ່າວໂດຍ: ນັກຂ່າວຊາວໜຸ່ມແຂວງວຽງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed