Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ເປີດກອງປະຊຸມປຶກສາຫາລືວຽກງານຄຸ້ມຄອງສິ່ງແວດລ້ອມ.

1 min read

ໃນວັນທີ 6 ມີນາ 2020  ຜ່ານມານີ້, ຄະນະກຳມະການຄຸ້ມຄອງສິ່ງແວດລ້ອມຂອງແຂວງວຽງຈັນ ໄດ້ລົງສົມທົບກັບຫ້ອງການຊັບພະຍາກອນທຳມະາດ ແລະ ສິ່ງແວດລ້ອມເມືອງກາສີ ເປີດກອງປະຊຸມປຶກສາຫາລືວຽກງານການຄຸ້ມຄອງສິ່ງແວດລ້ອມແບບຄົວເຮືອນ.

ກອງປະຊຸມດັ່ງກ່າວໄດ້ຈັດຂື້ນຢູ່ທີ່ຫ້ອງປະຊຸມ ຂອງຫ້ອງການອຸດສາຫະກຳ ແລະການຄ້າເມືອງກາສີ, ໂດຍພາຍໃຕ້ການເປັນປະທານຂອງ ທ່ານ ບຸມມີ ບົວລິວັນ ຫົວໜ້າຫ້ອງການ ແຮງງານສະຫວັດດີການສັງຄົມ ເມືອງກາສີ, ມີທ່ານ ບົວພັນ ກອນດາວົງ ຮອງຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງວຽງຈັນ, ມີຫົວໜ້າ-ຮອງຫົວໜ້າຫ້ອງການທີ່ກ່ຽວຂ້ອງ ພ້ອມພະນັກງານຂະແໜງສິ່ງແວດລ້ອມຂອງແຂວງ ຂອງເມືອງເຂົ້າຮ່ວມ.

ໃນກອງປະຊຸມໄດ້ພ້ອມກັນຄົ້ນຄວ້າປະກອບຄຳເຫັນຢ່າງກົງໄປກົງມາຕໍ່ກັບບັນດາຫົວໜ່ວຍທຸລະກິດ ທີ່ເປັນເປົ້າໝາຍສ້າງຜົນກະທົບດ້ານສິ່ງແວດລ້ອມຕໍ່ສັງຄົມ ເປັນຕົ້ນແມ່ນ ຮ້ານກິນດື່ມ-ບັນເທີງ, ຮ້ານອາຫານ, ບັນຫາການຖີ້ມຂີ້ເຫຍື້ອຊະຊາຍ, ການນຳໃຊ້ສານເຄມີເຂົ້າໃນຂະບວນການຜະລິດກະສິກຳ. ນອກນີ້ກໍຍັງມີໂຄງການກໍ່ສ້າງທາງລົດໄຟ, ໂຄງການຂຸດຄົ້ນແຮ່ທາດ, ການກໍ່ສ້າງຖະໜົນຫົນທາງຕ່າງໆ. ເພື່ອເຮັດໃຫ້ວຽກງານການຄຸ້ມຄອງສິ່ງແວດລ້ອມຫົວໜ່ວຍທຸລະກິດແບບຄົວເຮືອນ ປະເພດຕ່າງໆຢູ່ພາຍໃນເມືອງກາສີ ໃຫ້ຢູ່ພາຍໃຕ້ການຄຸ້ມຄອງແບບລວມສູນນັ້ນ ບັນດາຂະແໜງການທີ່ກ່ຽວຂ້ອງຈະຕ້ອງໄດ້ເອົາໃຈເປັນພິເສດ

ເປັນຕົ້ນແມ່ນ ນຳເອົາບັນດາກົດໝາຍ, ມະຕິ, ຄຳສັ່ງ, ແຈ້ງການຕ່າງໆ ທີ່ກ່ຽວພັນກັບວຽກງານສິ່ງແວດລ້ອມ ລົງໂຄສະນາເຜີຍແຜ່ ປູກຈິດສຳນຶກ ໃຫ້ບັນດາຜູ້ປະກອບການ ກໍຄືພໍ່ແມ່ປະຊາຊົນ ໃຫ້ຮັບຮູ້ ເຂົ້າໃຈຢ່າງເລິກເຊີ່ງ, ບັນດາຂະແໜງການທີ່ກ່ຽວຂ້ອງຂອງເມືອງກັບການອອກອະນຸຍາດໃຫ້ແຕ່ລະຫົວໜ່ວຍທຸລະກິດ ຕ້ອງປະສານສົມທົບກັນຢ່າງກົມກຽວລົງເຮັດພ້ອມກັນ ຫຼີກລ້ຽງຕ່າງຝ່າຍຕ່າງເຮັດ, ຕ້ອງແຕ່ງຕັ້ງຄະນະກຳມະການຄຸ້ມຄອງ ແກ້ໄຂບັນຫາສິ່ງແວດລ້ອມ ຂັ້ນເມືອງ-ຂັ້ນບ້ານ, ຕ້ອງປຸກລະດົມຊຸກຍູ້ໃຫ້ມີຫົວໜ່ວຍເກັບມ້ຽນຂີ້ເຫຍື້ອຢູ່ຕາມບ້ານພາຍໃນເມືອງໃຫ້ຫຼາຍຂື້ນ

 

ແລະ ໃນວັນດຽວກັນນີ້ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ກໍໄດ້ທຳລາຍປາຕາຍ ຈຳນວນ 20 ກວ່າກິໂລ, ເຊີ່ງເປັນປາທີ່ຕາຍຢູ່ນໍ້າກາຍ ວັນທີ 3 ມີນາ 2020 ທີ່ຜ່ານມາ, ສ່ວນວ່າສາເຫດຂອງປາຕາຍໃນຄັ້ງນີ້ຍັງຢູ່ໃນລະຫວ່າງການສອບສວນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031