Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ສຳເລັດກອງປະຊຸມຜັນຂະຫຍາຍເນື້ອໃນ ກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວເເຂວງວຽງຈັນ.

1 min read

ເມືອງໝື່ນ ສຳເລັດກອງປະຊຸມຜັນຂະຫຍາຍເນື້ອໃນ ກອງປະຊຸມວຽກງານຈັດຕັ້ງ, ກໍ່ສ້າງພັກ-ພະນັກງານທົ່ວເເຂວງວຽງຈັນ ປະຈຳປີ 2019 ແລະ ທິດທາງແຜນການ 2020

ກອງປະຊຸມຜັນຂະຫຍາຍເນື້ອໃນກອງປະຊຸມວຽກງານຈັດຕັ້ງ,ກໍ່ສ້າງພັກ-ພະນັກງານທົ່ວເເຂວງວຽງຈັນປະຈຳປີ 2019 ແລະ ທິດທາງແຜນການ 2020 ຢູ່ເມືອງໝື່ນ ໄດ້ຈັດຂຶ້ນໃນຕອນເຊົ້າຂອງວັນທີ 11 ມີນາ 2020 ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ພາຍໃຕ້ການເປັນປະທານຂອງສະຫາຍ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກ-ລັດ ເມືອງໝື່ນ,ຕ້ອນຮັບການໃຫ້ກຽດເຂົ້າຮ່ວມຂອງສະຫາຍ ອຸ່ນແສງ ແກ້ວດາວັນ ຄະນະປະຈຳພັກເເຂວງ ຫົວໜ້າຄະນະຈັດຕັ້ງ ແຂວງວຽງຈັນ,ມີຄະນະປະຈຳ,ກຳມະການພັກເມືອງ,ພະນັກງານຫຼັກແຫຼ່ງ,ເລຂາພັກບ້ານ-ນາຍບ້ານທົ່ວເມືອງ ເຂົ້າຮ່ວມ.

ສະຫາຍ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກ-ລັດ ເມືອງໝື່ນ ໄດ້ກ່າວເປີດກອງປະຊຸມຢ່າງເປັນທາງການ ຈາກນັ້ນກອງປະຊຸມໄດ້ຜ່ານ ບົດສະຫຼຸບການຈັດຕັ້ງປະຕິບັດວຽກງານຈັດຕັ້ງ,ກໍ່ສ້າງພັກ-ພະນັກງານ ເມືອງໝື່ນ ປະຈຳປີ 2019 ແລະ ທິດທາງແຜນການປີ 2020,

ຜ່ານມະຕິກົມການເມືອງສູກາງພັກ ວ່າດ້ວຍ : ລະບອບການຮ່ຳຮຽນທິດສະດີການເມືອງ ສະບັບລກທີ 072/ກມສພ,ລົງວັນທີ 14 ພຶດສະພາ 2019,

ຜ່ານມະຕິຂອງກົມການເມືອງສູນກາງພັກວ່າດ້ວຍການສ້າງແຜນກໍ່ສ້າງ-ບຳລຸງພະນັກງານນຳພາ-ຄຸ້ມຄອງ ສະບັບເລກທີ 073/ກມສພ,ລົງວັນທີ 14 ພຶດສະພາ 2019,

ຜ່ານຄຳສັ່ງຂອງຄະນະເລຂາທິການສູນກາງພັກ ວ່າດ້ວຍ ການປັບປຸງຫຼັກສູນການຮຽນ-ການສອນທິດສະດີການເມືອງໃນລະບົບໂຮງຮຽນພັກ ແລະ ລະບົບການສຶກສາແຫ່ງຊາດ ສະບັບເລກທີ 03/ຄລສພ,ລົງວັນທີ 15 ພຶດສະພາ 2019,

ຜ່ານຂໍ້ກຳນົດຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ ສະບັບເລກທີ 01/ຄລສພ,ລົງວັນທີ 15 ພຶດສະພາ 2019,

ຜ່ານຄຳແນະນຳຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດ ມະຕິຂອງກົມການເມືອງສູນກາງພັກ ວ່າດ້ວຍລະບອບຮ່ຳຮຽນທິດສະດີການເມືອງ,ການສ້າງແຜນກໍ່ສ້າງ-ບຳລຸງພະນັກງານນຳພາ-ຄຸ້ມຄອງ ແລະ ຂໍກຳນົດຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ ສະບັບເລກທີ 204/ຄຈສພ, ລົງວັນທີ 5 ພະຈິກ 2019,

ຜ່ານຄຳສັ່ງຂອງກົມການເມືອງສູນກາງພັກ ສະບັບເລກທີ 095/ກມສພ,ລົງວັນທີ 22 ມັງກອນ 2020 ວ່າດ້ວຍ ການກະກຽມ ແລະ ສະເຫຼີມສະຫຼອງບັນດາວັນສຳຄັນທາງປະຫວັດສາດລະດັບຊາດໃນປີ 2020,

ຜ່ານຄຳສັ່ງວ່າດ້ວຍ: ວຽກງານຂະຫຍາຍພັກ ເລກທີ 064/ກມສພ,ລົງວັນທີ 9 ເມສາ 2019,

ຜ່ານຄຳແນະນຳກ່ຽວກັບການຈັດຕັ້ງປະຕິບັດຄຳສັ່ງ ກົມການເມືອງສູນກາງພັກ ວ່າດ້ວຍ:ວຽກງານຂະຫຍາຍພັກ ເລກທີ 201/ຄຈສພ,ລົງວັນທີ 29 ຕຸລາ 2019

ພ້ອມກັນນັ້ນບັນດາເເຂກຜູ້ແທນກອງປະຊຸມ ຍັງໄດ້ມີການປະກອບຄໍາຄິດຄໍາເຫັນ ແລກປ່ຽນບັນຫາຕ່າງໆ ຢ່າງກົງໄປກົງມາ ຕໍ່ບັນດາມະຕິ,ຄຳສັ່ງ ທີ່ໄດ້ຜ່ານໄປນັ້ນ ດ້ວຍຄວາມຮັບຜິດຊອບສູງ.

ກອງປະຊຸມໄດ້ຜ່ານຂໍ້ຕົກລົງຂອງທ່ານເຈົ້າແຂວງໆວຽງຈັນ ແລະ ເມືອງ ວ່າດ້ວຍການປະກາດແຕ່ງຕັ້ງເຈົ້າເມືອງ,ຮອງເຈົ້າເມືອງ ແລະ ປະກາດໂຍກຍ້າຍພະນັກງານ-ລັດຖະກອນ ໄປປະຈຳການຢູ່ຂະແໜ່ງການອື່ນພາຍໃນເມືອງດັ່ງນີ້:

  • ທ່ານ ພູວອນ ບຸນວິໄລ ເປັນວ່າການເຈົ້າເມືອງໆໝື່ນ,
  • ທ່ານ ບົວແກ້ວ ພອນໄຊສະຫວັດ ຫົວໜ້າຫ້ອງການກະສິກໍາ ແລະ ປ່າໄມ້ເມືອງໝື່ນ ໂຍກຍ້າຍມາເປັນຮອງເຈົ້າເມືອງໆໝື່ນ,
  • ທ່ານ ນາງ ຄຳແວວ ໂພທິສານ ຫົວໜ້າຫ້ອງການແຮງງານ ແລະ ສະຫວັດດການສັງຄົມເມືອງໝື່ນ ໂຍກຍ້າຍມາເປັນ ຫົວໜ້າຫ້ອງການພາຍໃນເມືອງໝື່ນ,
  • ທ່ານ ລີຕົວ ລີເລ່ຍນູ່ ຫົວໜ້າຫ້ອງການສຶກສາທິການ ແລະ ກິລາເມືອງໝື່ນ ໂຍກຍ້າຍມາເປັນ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງໝື່ນ,
  • ທ່ານ ບຸນເຕັງ ສໍວິໄລວົງ ຮອງຫົວໜ້າຫ້ອງວ່າການປົກຄອງເມືອງໝື່ນ ໂຍກຍ້າຍມາເປັນຫົວໜ້າຄະນະຈັດຕັ້ງເມືອງໝື່ນ,
  • ທ່ານ ຝືລີ ລີເລ່ຍນູ ເລຂາຄະນະບໍລິຫານງານຊາວໜຸ່ມເມືອງໝື່ນ ໂຍກຍ້າຍມາເປັນຮອງຫົວໜ້າຫ້ອງວ່າການປົກຄອງເມືອງໝື່ນ,
  • ທ່ານ ຈັນທະວົງ ຍົງມາມົວ ແຕ່ງຕັ້ງເປັນຮອງຫົວໜ້າຫ້ອງວ່າການປົກຄອງເມືອງໝື່ນ,
  • ທ່ານ ສຸວັນນີ ທຳມີພົນ ຮອງຫົວໜ້າຫ້ອງການ ຖວທ ເມືອງໝື່ນ ຂຶ້ນເປັນວ່າການຫົວໜ້າຫ້ອງການ ຖວທ ເມືອງໝື່ນ,
  • ທ່ານ ສາຍຝົນ ສໍສັກສິດ ຮອງຫົວໜ້າຫ້ອງການສຶກສາທິການ ແລະ ກິລາເມືອງໝື່ນ ຂຶ້ນເປັນຫົວໜ້າຫ້ອງການສຶກສາທິການ ແລະ ກິລາເມືອງໝື່ນ,
  • ທ່ານ ອາລຸນ ວົງລັດສະໝີ ຮອງຄະນະໂຄສະນາອົບຮົມເມືອງໝື່ນ ໂຍກຍ້າຍມາເປັນຮອງປະທານກວດກາພັກ-ລັດ ເມືອງໝື່ນ,
  • ທ່ານ ພອນເທີດ ສຸຫວັດດີ ຮອງເຈົ້າເມືອງໆໝື່ນ ໂຍກຍ້າຍມາເປັນປະທານກວດກາພັກ-ລັດເມືອງໝື່ນ,
  • ທ່ານ ບຸນເພັງ ເຮີບົວລົງ ຫົວໜ້າຄະນະຈັດຕັ້ງເມືອງໝື່ນ ຂຶ້ນເປັນຮອງເລຂາພັກເມືອງ ຊີ້ນຳວຽກງານພັກ-ພະນັກງານ,
  • ທ່ານ ມິດສາຄອນ ອິນຖະປັດຖາ ຫົວໜ້າຫ້ອງການພາຍໃນເມືອງໝື່ນ ໂຍກຍ້າຍມາເປັນປະທານແນວລາວສ້າງຊາດເມືອງໝື່ນ,
  • ທ່ານ ລັດຖະພອນ ວົງພະຈັນ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງໝື່ນຂຶ້ນເປັນຫົວໜ້າຫ້ອງການກະສິກຳ ແລະ ປ່າໄມ້ເມືອງ,
  • ທ່ານ ຄຳນາງ ອິນຖະສອນ ຫົວໜ້າໂຮງໝໍນ້ອຍ ເມືອງເຟືອງ ໂຍກຍ້າຍມາເປັນຮອງຫົວໜ້າຫ້ອງການສາທາລະນາສຸກ ເມືອງໝື່ນ.

ທ້າຍພິທີ ສະຫາຍ ອຸ່ນແສງ ແກ້ວດາວັນ ຄະນະປະຈຳພັກເເຂວງ ຫົວໜ້າຄະນະຈັດຕັ້ງ ແຂວງວຽງຈັນ ໄດ້ເນັ້ນໜັກມາຍັງບັນດາສະຫາຍ ສະມາຊິກພັກ,ພະນັກງານຫຼັກແຫຼ່ງ ທົ່ວເມືອງໝື່ນ ຈົ່ງພ້ອມຍົງສູງສະຕິການເອົາໃຈໃສ່ປະຕິບັດກົດລະບຽບຂອງພັກ,ກົດໝາຍຂອງລັດ ໃຫ້ສູງກວ່າເກົ່າ ພ້ອມນັ້ນສະມາຊິກພັກທຸກສະຫາຍຕ້ອງເປັນແບບຢ່າງທີດີໃຫ້ມະຊົນ ການກໍ່ສ້າງເຊິ່ງກັນ ແລະ ກັນໃນລະບອບສ່ອງແສງຕ້ອງແທດເຖິງຖືກຕ້ອງຕາມຄວາມເປັນຈິງ ການຂະຫຍາຍມະຫາຊົນເຂົ້າພັກຕ້ອງເລືອກຟັ້ນເອົາຄຸນນະພາບ ອີງໃສ່ລະບຽບພັກເປັນກົກ ສ້າງໃຫ້ໄດ້ສະມາຊິກພັກທີ່ດີເດັ່ນໃນຂະບວນການ ເພື່ອເປັນເປົ້າໝາຍສ້າງ ພະນັກງານນຳພາ-ຄຸ້ມຄອງທີ່ມີຄວາມສາມາດ

ໃນຕໍ່ໜ້າ ໂອກາດນີ້ ທ່ານກໍ່ໄດ້ຮຽກຮ້ອງມາຍັງບັນດາສະຫາຍທີ່ຖືກໂຍກຍ້າຍ ແລະ ແຕ່ງຕັ້ງຮັບໜ້າທີ່ໃໝ່ທຸກສະຫາຍ ຈົ່ງພ້ອມກັນຍົກສູງໜ້າທີ່ວຽກງານຂອງຕົນ ໃຫ້ມີຜົນງານດີຂຶ້ນກວ່າເກົ່າ ສ້າງຄວາມສາມັກຄີພາຍໃນ ແລະ ພາຍນອກໃຫ້ໜັກແໜ້ນ ເປັນການນຳທີ່ມີຄຸນນະພາບແທ້ ໃຫ້ສົມກັບການແຕ່ງຕັ້ງຂອງຄະນະພັກຂັ້ນເທິງໄວ້ວາງໃຈ ນຳເອົາເນື້ອໃນຜົນສຳເລັດກອງປະຊຸມໃນຄັ້ງໃນເປັນຈັດຕັ້ງຜັນຂະຫຍາຍໃນໜ້າທີ່ວຽກງານທີ່ຕົນເອງຮັບຜິດຊອບໃຫ້ປະສົບຜົນສຳເລັດ.

ຂ່າວ ແຫວນຄຳ (ເມືອງໝື່ນ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed