Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແນວລາວສ້າງຊາດເມືອງໝື່ນ ສຳເລັດ ກອງປະຊຸມໃຫຍ່ ຄັ້ງທີ III ຂອງຕົນ.

1 min read

 

ກອງປະຊຸມໃຫຍ່ ຄັ້ງທີ III ຂອງແນວລາວສ້າງຊາດເມືອງໝື່ນ ໄດ້ໄຂຂຶ້ນ ແລະ ສຳເລັດລົງ ໃນວັນທີ 12 ມີນາ 2020 ນີ້, ຢູ່ທີ່ສະໂມສອນເມືອງດັ່ງກ່າວ ໂດຍໄດ້ຮັບກຽດຢ່າງສູງ ໃນການເຂົ້າຮ່ວມຂອງ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ກຳມະການສູນກາງແນວລາວສ້າງຊາດ ປະທານແນວລາວສ້າງຊາດແຂວງວຽງຈັນ, ມີຮອງເລຂາພັກເມືອງ, ຄະນະພັກເມືອງ, ປະທານແນວລາວສ້າງຊາດເມືອງອ້ອມຂ້າງ, ຜູ້ແທນສົມບູນ, ພະແນກການ,ກົມກອງ, ເລຂາພັກບ້ານ, ປະທານແນວລາວສ້າງຊາດບ້ານ ພ້ອມທັງແຂກຖືກເຊີນເຂົ້າຮ່ວມທັງໝົດ 83 ທ່ານ,ຍິງ 7 ທ່ານ, ຜູ້ແທນສົມບູນ 51 ທ່ານ, ຍິງ 1 ທ່ານ, ພຣະສົງ 1 ອົງ.

ທ່ານ ນ. ວົງພອນ ພານຸວົງ ປະທານແນວລາວສ້າງຊາດເມືອງ ໄດ້ຂື້ນກ່າວໄຂກອງປະຊຸມ, ພ້ອມທັງຜ່ານບົດສະຫຼຸບລາຍງານການເມືອງທັງສອງພາກ, ບົດສຳຫຼວດການນຳພາລວມໃນການເຄື່ອນໄຫວວຽກງານແນວລາວສ້າງຊາດ ໃນໄລຍະ 5 ປີ ຜ່ານມາ ຮັບຟັງການປະກອບຄຳເຫັນຂອງບັນດາພາກສ່ວນກ່ຽວຂ້ອງ ກອງປະຊຸມໄດ້ເຫັນດີເປັນເອກະສັນ ຮັບຮອງເອົາບົດລາຍງານການເມືອງທັງສອງພາກ ແລະ ບົດສຳຫຼວດການນຳພາລວມ ຂອງຄະນະກຳມະການແນວລາວສ້າງຊາດເມືອງໝື່ນ ຈາກນັ້ນ, ຄະນະຊຸດເກົ່າກໍ່ໄດ້ຂື້ນກ່າວລາໜ້າທີ່ ພ້ອມທັງມີການມອບໃບຍ້ອງຍໍໃຫ້ບຸກຄົນດີເດັ່ນ.

ກອງປະຊຸມຄັ້ງປະຖົມມະລຶກ ໄດ້ມີມະຕິແຕ່ງຕັ້ງບົ່ງໂຕ ຢ່າງເປັນທາງການ ສຫ ມິດສາຄອນ ອິນທະປັດຖາ ເປັນປະທານ, ສຫ ຄຳຜິວ ພັນສະຫວັນ ແລະ ສຫ ບຸນລ້ຳ ໄຊຍະສານ ເປັນຮອງປະທານ ໃນພິທີ ຍັງໄດ້ເລືອກເອົາຄະນະກຳມະການແນວລາວສ້າງຊາດເມືອງ 34 ທ່ານ, ຍິງ 1 ທ່ານ, ພຣະສົງ 1 ອົງ.

ພິເສດ, ກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ປະທານແນວລາວສ້າງຊາດແຂວງວຽງຈັນ ເຊິ່ງທ່ານໄດ້ເນັ້ນໜັກເຖິງຫຼາຍບັນຫາທີ່ສຳຄັນໃຫ້ແກ່ຄະນະຊຸດໃໝ່ເປັນຕົ້ນ: ການສຶກສາອົບຮົມການເມືອງແນວຄິດ ດ້ວຍຫຼາຍຮູບຫຼາຍສີ, ຕ້ານ ແລະ ສະກັດກັ້ນທຸກປະກົດການຫຍໍ້ທໍ້ທີ່ເກີດຂື້ນໃນສັງຄົມ, ປັບປຸງກົງຈັກການຈັດຕັ້ງ ລະບອບ, ລະບຽບ ແບບແຜນໃນການນຳພາ, ເອົາໃຈໃສ່ຍົກສູງລະດັບຄວາມຮູ້ຄວາມສາມາດດ້ານທິດສະດີ ແລະ ວິຊາສະເພາະ, ຈັດຝຶກອົບຮົມວຽກງານຕ່າງໆໃນຂອບເຂດວຽກງານແນວລາວສ້າງຊາດ, ເສີມຂະຫຍາຍສິດເປັນເຈົ້າ ໃນການຕິດຕາມກວດກາ, ເກັບກຳຫາງສຽງສັງຄົມ ແລະ ສ້າງຕັ້ງກອງທຶນຊ່ວຍເຫຼືອເຊິ່ງກັນ ແລະ ກັນ, ຊ່ວຍກັນປົກປັກຮັກສາສົ່ງເສີມຮີດຂອງປະເພນີອັນດີງາມທີ່ເອກະລັກຂອງແຕ່ເຜົ່າ ປະສານສົມທົບກັບອົງການພາຄີຕ່າງໆ ຊຸກຍູ້ຂະບວນການແຂ່ງຂັນຮັກຊາດ ແລະ ພັດທະນາ ບົນຈິດໃຈ 4 ບຸກທະລຸ ໃນການສ້າງຂະບວນການຕ່າງໆ ຕິດພັນກັບຂະບວນການສ້າງຄອບຄົວ ແລະ ບ້ານສາມັກຄີປອງດອງໃຫ້ມີປະສິດທິພາບຂື້ນກວ່າເກົ່າ ເພື່ອຂໍ່ານັບຮັບຕ້ອນວັນສຳຄັນຂອງຊາດ-ຂອງພັກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed