Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສາທາເມືອງກາສີ ສະຫຼຸບວຽກງານກອງທຶນປະກັນສຸຂະພາບແຫ່ງຊາດ ຂັ້ນເມືອງ ປະຈຳປີ 2019.

1 min read

ກອງປະຊຸມດັ່ງກ່າວ ໄດ້ຈັດຂື້ນໃນວັນທີ 25 ມີນາ 2020ນີ້ ຢູ່ທີ່ຫ້ອງປະຊຸມຂອງຫ້ອງການສາທາລະນະສຸກເມືອງກາສີ, ໂດຍການໃຫ້ກຽດເປັນປະທານຮ່ວມຂອງ ທ່ານ ຄຳອ້ວນ ສຸວັນທອງ ຮອງເຈົ້າເມືອງໆກາສີ ແລະ ທ່ານ ດຣ ຄຳສິງ ດວງປັນຍາ ຫົວໜ້າຫ້ອງການສາທ່ລະນະສຸກ ເມືອງກາສີ, ເຂົ້າຮ່ວມມີຫົວໜ້າໂຮງໝໍນ້ອຍ-ຫົວໜ້າສຸກສາລາ, ມີບັນດາຄະນະຮັບຜິດຊອບກອງທຶນປະກັນສຸຂະພາບແຫ່ງຊາດ ຂັ້ນເມືອງກາສີ ພ້ອມດ້ວຍພະນັກງານແພດໝໍເຂົ້າຮ່ວມ.

ໃນໂອກາດດັ່ງກ່າວ ທ່ານ ດຣ ຄຳສິງ ດວງປັນຍາ ຫົວໜ້າຫ້ອງການສາທ່ລະນະສຸກ ເມືອງກາສີ ໄດ້ໃຫ້ກຽດຂື້ນກ່າວເປີດກອງປະຊຸມ ວ່າ :

ກອງປະຊຸມວຽກງານປະກັນສຸຂະພາບໃນຄັ້ງນີ້ ເປັນກອງປະຊຸມທີ່ມີຄວາມໝາຍ ຄວາມສຳຄັນຫຼາຍ ເພາະເປັນກອງປະຊຸມທາງດ້ານນວິຊາການ, ຜູ້ເຂົ້າຮ່ວມກອງປະຊຸມໄດ້ພ້ອມກັນຄົ້ນຄວ້າ ປຶກສາຫາລື ແລະ ປະກອບຄຳຄິດຄຳເຫັນ ກ່ຽວກັບວຽກງານກອງທຶນປະກັນສຸຂະພາບແຫ່ງຊາດ ຂັ້ນເມືອງກາສີ ໃນໄລຍະ 01 ປີຜ່ານມາ ແລະ ວາງທິດທາງແຜນການໃນຕໍ່ໜ້າ ເພື່ອເຮັດໃຫ້ວຽກງານກອງທືນປະກັນສຸຂະພາບຂັ້ນເມືອງ ມີຄວາມໜັກແໜ້ນເຂັ້ມແຂງຖືກຕ້ອງຕາມລະບຽບກົດໝາຍທີ່ຂັ້ນເທີງວາງອອກ.

ຫຼັງຈາກນັ້ນ ທ່ານ ນາງ ຄຳໄມ ວິໄລຈັນ ຫົວໜ້າໜ່ວຍງານປະກັນສຸຂະພາບ ຫ້ອງການສາທາລະນະສຸກ ເມືອງກາສີ ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງໆກາສີ ສະບັບເລກທີ 041/ຈມ.ກສ ວ່າດ້ວຍການແຕ່ງຕັ້ງຄະນະຮັບຜິດຊອບກອງທຶນປະກັນສຸຂະພາບແຫ່ງຊາດ ຂັ້ນເມືອງກາສີ, ພ້ອມທັງຜ່ານບົດລາຍງານການຈັດຕັ້ງປະຕິບັດວຽກງານປະກັນສຸຂະພາບແຫ່ງຊາດ ຂອງເມືອງກາສີ ປະຈຳປີ 2019 ແລະ ທິດທາງແຜນການ ປີ 2020 ແລະ ຜ່ານບົດລາຍງານການຈັດຕັ້ງປະຕິບັດວຽກງານປະກັນສຸຂະພາບຢູ່ໂຮງໝໍນ້ອຍບ້ານຈຽງ;

ພ້ອມດຽວກັນນັ້ນ ທ່ານ ດຣ ຂັນໄຊ ພົມມະຈັກ ຮອງຫົວໜ້າຫ້ອງການສາທາລະນະສຸກເມືອງກາສີ ທັງເປັນຄະນະກຳມະການຮັບຜິດຊອບກອງທຶນປະກັນສຸຂະພາບແຫ່ງຊາດຂັ້ນເມືອງ ໄດ້ຂື້ນຜ່ານບົດບັນທຶກ ການມອບ-ຮັບອຸດໜູນປິ່ນປົວສຸຂະພາບ ລະຫວ່າງ ຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກ ແລະ ກົມໃຫຍ່ການເມືອງ ປກສ ກະຊວງປ້ອງກັນຄວາມສະຫງົບ.

ໃນໂອກາດດັ່ງກ່າວຍັງໄດ້ມີພິທີມອບເງີນທົດແທນຄ່າປິ່ນປົວໃຫ້ຄົນເຈັບທີ່ຂໍຖອນຄືນ ຈຳນວນ 6 ຄົນ ໃນເດືອນ 7, 8, 9 ປີ 2019 ເຊີ່ງໃຫ້ກຽດກ່າວມອບໂດຍ ທ່ານ ຄໍາອ້ວນສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ.

ຕອນທ້າຍພິທີ ທ່ານ ຮອງເຈົ້າເມືອງ ຍັງໄດ້ໃຫ້ກຽດໂອ້ລົມ ເຊີ່ງກ່ອນອື່ນທ່ານໄດ້ເນັ້ນໃຫ້ພະນັກງານແພດໝໍ ສົມທົບກັບພາກສ່ວນກ່ຽວຂ້ອງ ເອົາໃຈໃສ່ເປັນພິເສດໃນການໂຄສະນາຕິດຕາມ ກວດກາ, ສະກັດກັ້ນ ການແຜ່ລະບາດຂອງພະຍາດ covid-19 ທີ່ກຳລັງແຜ່ລະບາດຢູ່ໃນປະຈຸບັນ ເພື່ອບໍ່ໃຫ້ມີການລະບາດຢູ່ພາຍໃນເມືອງຂອງພວກເຮົາ; ເອົາໃຈໃສ່ຄຸ້ມຄອງສະຫຼຸບກວດກາ ບໍລິຫານກອງທຶນປະກັນສຸຂະພາບຂັ້ນເມືອງ ໃຫ້ຖືກຕ້ອງສອດຄ່ອງຕາມລະບຽບ ກົດໝາຍທີ່ຂັ້ນເທີງວາງອອກ

ພ້ອມນັ້ນກໍຕ້ອງໄດ້ປັບປຸງຂອດການປະສານງານລະຫວ່າງໂຮງໝໍທ້ອງຖິ່ນ ກັບໂຮງໝໍຂັ້ນສູນກາງໃນການບໍລິການປິ່ນຄົນເຈັບ ໃຫ້ມີຄວາມສະດວກສະບາຍ ແລະ ວ່ອງໄວຂື້ນກວ່າເກົ່າ; ຕ້ອງມີການສະຫຼຸບກວດກາດ້ານຮັບ-ລາຍຈ່າຍຕ່າງໆ ໃຫ້ຖືກຕ້ອງຕາມລະບຽບຫຼັກການທີ່ຂັ້ນເທີງວາງອອກຢ່າງເຂັ້ມງວດ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031