Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ການນຳແຂວງວຽງຈັນ ເຄື່ອນໄຫວຢ້ຽມຢາມ ຊຸກຍູ້ວຽກງານການເຝົ້າລະວັງ ແລະ ປ້ອງກັນ COVID-19 ຢູ່ເມືອງໝື່ນ.

1 min read

ວັນທີ 27 ມີນາ 2020 ນີ້ ທ່ານ ພົນຈັດຕະວາ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ ພ້ອມດ້ວຍການນຳຂອງເມືອງໝື່ນ ໄດ້ເຄື່ອນໄຫວຢ້ຽມຢາມ ພ້ອມໂອ້ລົມ ແຮງງານລາວ ທີ່ກັບມາຈາກປະເທດໄທ ຢູ່ຈຸດພັກພິງ ໂຮງຮຽນ ມສ ນ້ຳເພີນ.


ທ່ານ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກ-ລັດເມືອງໝື່ນ ໄດ້ລາຍງານໂດຍຫຍໍ້ວ່າ:

ພາຍຫຼັງໄດ້ຮັບບັນດາ ຄຳສັ່ງ ແລະ ແຈ້ງການ ຈາກຂັ້ນເທິງ ເມືອງໝື່ນ ກໍ່ໄດ້ນຳມາຈັດຕັ້ງຜັນຂະຫຍາຍ ແລະ ເຜີຍແຜ່ໃຫ້ປະຊາຊົນໄດ້ຮັບຊາບຢ່າງທົ່ວເຖິງ ໂດຍສະເພາະແມ່ນຄຳສັ່ງແນະນຳຂອງຄະນະສະເພາະກິດ ປ້ອງກັນຄວບຄຸມ ແລະ ແກ້ໄຂການລະບາດ covid -19 ສະບັບເລກທີ 015/ສພກ,ລົງວັນທີ 24 ມີນາ 2020

ຄະນະສະເພາະກິດຂັ້ນເມືອງ ກໍ່ໄດ້ຈັດກອງປະຊຸມຮ່ວມກັບບັນດາພາກສ່ວນທີ່ກ່ຽວຂ້ອງ ໃນການກຳນົດສະຖານທີ່ ຈຸດພັກພິງ ເຊິ່ງກຳນົດເອົາ ກຸ່ມບ້ານໜື່ງ ໃຫ້ມີ 1 ຈຸດ, ທົ່ວເມືອງມີ 4 ຈຸດ,

ເລີ່ມຕົ້ນຈັດຕັ້ງປະຕິບັດມາແຕ່ວັນທີ 25 ມີນາ 2020 ໂດຍມອບໃຫ້ເຈົ້າໜ້າທີ່ກຸ່ມບ້ານ, ບ້ານ ແລະ ພາກສ່ວນທີ່ກ່ຽວຂ້ອງ ເປັນຜູ້ຊຸກຍູ້ຕິດຕາມ ກັບກຳລາຍຊື່ແຮງງານລາວ ພ້ອມສັງລວມຕົວເລກເປັນອັນລະອຽດ ຜູ້ມາກ່ອນ ມາລຸນ ມາແບບຖືກຕ້ອງ ແລະ ບໍ່ຖືກຕ້ອງ

ຫຼັງຈາກນັ້ນໄດ້ນຳເອົາ ນຳນວນດັ່ງກ່າວ ເຂົ້າມາຈຸດຈຳກັດຕົວຊາວຄາວທັງໝົດ ຜ່ານການຈັດຕັ້ງປະຕິບັດເຫັນວ່າພໍ່ແມ່ປະຊາຊົນ ແລະ ແຮງງານແຕ່ລະຄົນ ກໍ່ໃຫ້ຄວາມຮ່ວມມືເປັນຢ່າງດີ ປະຈຸບັນ ກຸ່ມບ້ານນ້ຳເພີນມີທັງໝົດ 76 ຄົນ,ຍິງ 68 ຄົນ ແລະ ຄາດວ່າຍັງຈະມີຜູ້ເດີນທາງເພີ່ມຕື່ມ ນອກຈາກນີ້ກຸ່ມບ້ານວັງ,ກຸ່ມບ້ານໂນນໄຮ ແລະ ກຸ່ມບ້ານເມືອງໝື່ນ ກໍ່ປະຕິບັດຄືກັນ.


ໂອກາດນີ້ທ່ານ ພົນຈັດຕະວາ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງວຽງຈັນ ກໍ່ໄດ້ໃຫ້ກຽດໂອ້ລົມ ຕໍ່ຜູ້ຢູ່ຈຸດພັກພິງ ໃຫ້ມີແນວຄິດອຸ່ນອຽນທຸນທ່ຽງ ເຊື້ອໝັ້ນ ແລະ ປະຕິບັດຕາມຄຳສັ່ງຂອງຂັ້ນເທິງ ພ້ອມທັງຮຽກຮ້ອງໃຫ້ທຸກຄົນ ຈົ່ງເປັນເຈົ້າການໃນການປ້ອງກັນຕົນເອງ ເກັບຕົວໃນບ່ອນພັກຊົ່ວຄາວຕາມຄຳສັ່ງ – ມາດຕະການ ການເຝົ້າລະວັງຢ່າງເຂັ້ມງວດ ໃຫ້ຄົບ 14 ວັນ.

ຈາກນັ້ນ, ຈະໄດ້ກວດການປະເມີນສຸຂະພາບຄືນໃໝ່ ໃຫ້ໝັ້ນໃຈວ່າທຸກຄົນມີຄວາມປອດໄພ ແລະ ພ້ອມກັນກັບບ້ານເຮືອນ ຫາຄອບຄົວຂອງຕົນເອງ, ຮຽກຮ້ອງມາຍັງພາກສ່ວນຮັບຜິດຊອບ ໃຫ້ເອົາໃຈໃສ່ເຮັດວຽກງານ ການເມືອງນຳພາແນວແກ່ພໍ່ແມ່ປະຊາຊົນ ແລະ ເອົາໃຈໃສ່ກິດສິດຕິດແທດ ແລະ ລາຍງານສະພາບການຕ່າງໆ ໃຫ້ຂັ້ນເທິງຮັບຊາບເປັນປົກກະຕິ ຈົນກວ່າຈະເຂົ້າສູ່ສະພາວະປົກກະຕິ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031