Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະສະເພາະກິດປ້ອງກັນ, ຄວບຄຸມ ແລະ ຕອບໂຕ້ ການລະບາດຂອງພະຍາດ Covid-19 ເມືອງຊະນະຄາມ ລົງຕິດຕາມປະຊາຊົນທີ່ຖືກກັກຕົວ 14 ວັນ ຢູ່ເຂດກຸ່ມບ້ານນາພຽງ.

1 min read

ໃນຕອນເຊົ້າ ຂອງວັນທີ 2 ເມສາ 2020 ນີ້, ຄະນະສະເພາະກິດປ້ອງກັນ, ຄວບຄຸມ ແລະ ຕອບໂຕ້ ການລະບາດຂອງພະຍາດ Covid-19 ຂັ້ນເມືອງ, ໄດ້ລົງຕິດຕາມກວດກາການປະຕິບັດມາດຕະການກັກຕົວ ຂອງປະຊາຊົນທີ່ເດີນທາງກັບມາຈາກຕ່າງປະເທດ ແລະ ເຂດທີ່ມີການລະບາດຂອງພະຍາດ Covid-19 ຢູ່ເຂດກຸ່ມບ້ານນາພຽງ ເມືອງຊະນະຄາມ ແຂວງວຽງຈັນ,

 

ເຊິ່ງນໍາໂດຍ ທ່ານ ດອນ ລາດຊະວົງ ປະທານກວດກາພັກເມືອງ, ພ້ອມດ້ວຍຄະນະຮັບຜິດຊອບ ໂດຍສົມທົບກັບບັນດາອົງການປົກຄອງບ້ານຕ່າງໆ ພາຍໃນກຸ່ມບ້ານດັ່ງກ່າວ.

ໂດຍປະຕິບັດມາດຕະການສະກັດກັ້ນ ແລະ ຄວບຄຸມການແຜ່ລະບາດຂອງພະຍາດ Covid-19, ເວົ້າລວມ-ເວົ້າສະເພາະບັນດາປະຊາຊົນທີ່ເດີນທາງກັບມາຈາກຕ່າງປະເທດ, ເຂດທີ່ມີການແຜ່ລະບາດ ແລະ ມີການຕິດເຊື້ອພະຍາດດັ່ງກ່າວ,​ເຊິ່ງໃນປະຈຸບັນ ຢູ່ພາຍໃນເມືອງຊະນະຄາມ ກໍ່ມີບັນດາຜູ່ຄົນຈໍານວນຫຼາຍທີ່ເດີນທາງກັບຄືນພູມລໍາເນົາຂອງຕົນ,

ເຊິ່ງຢູ່ເຂດກຸ່ມບ້ານນາພຽງມີທັງໝົດ 72 ຄົນ, ຍິງ 36 ຄົນ ທີ່ຖືກກັກຕົວຢູ່ຕາມບ້ານຕ່າງໆ ທີ່ໄດ້ກໍານົດໄວ້. ໃນການລົງຕີດຕາມກວດກາໃນຄັ້ງນີ້ ໄດ້ມີການກວດວັດອຸນຫະພູມຄືນ ບັນດາຜູ່ທີ່ຖືກກັກຕົວທັງໝົດ ເພື່ອຕິດຕາມອາການເປັນແຕ່ລະໄລຍະ, ພ້ອມທັງໄດ້ຮັບຟັງການມີຄໍາເຫັນໂອລົມຈາກຄະນະສະເພາະກິດຂັ້ນເມືອງ, ເຊິ່ງໄດ້ຍ້ອງຍໍ-ຊົມ ເຊີຍຕໍ່ການປະກອບສ່ວນຂອງປະຊາຊົນເຂົ້າໃນການກັກຕົວໃນຄັ້ງນີ້, ທີ່ເປັນສ່ວນໜຶ່ງໃນການສະກັດກັ້ນການແຜ່ລະບາດຂອງພະຍາດດັ່ງກ່າວ,

ພ້ອມດຽວກັນນີ້ ກໍ່ຍັງໄດ້ຮຽກຮ້ອງມາຍັງບັນດາປະຊາຊົນຈໍານວນດັ່ງກ່າວ ໃຫ້ມີຄວາມອົດທົນເປັນເຈົ້າການ ໃນການປະຕິບັດມາດຕະການໃນຄັ້ງນີ້, ເອົາໃຈໃສ່ໃນການຕິດຕາມສະພາບການບັນດາຂໍ້ມູນຂ່າວສານຢ່າງມີສະຕິ ແລະ ຖືກຕ້ອງ ແລະ ເປັນແບບຢ່າງທີ່ດີໃນການປະຕິບັດມາດຕະການດັ່ງກ່າວຢ່າງເຂັ້ມງວດ ແລະ ໃຫ້ມີຜົນສໍາເລັດ.

ຮຽກຮ້ອງມາຍັງບັນດາອົງການຈັດຕັ້ງບ້ານຕ່າງໆ ພາຍໃນກຸ່ມບ້ານ ຈົ່ງໄດ້ເປັນເຈົ້າການໃນການໂຄສະນາເຜີຍແຜ່ປຸກລະດົມແນວທາງຂອງຄະນະນໍາຂັ້ນເທິງ ຕໍ່ມາດຕະການສະກັດກັ້ນ ແລະ ປ້ອງກັນການແຜ່ລະບາດຂອງພະຍາດດັ່ງກ່າວ ໃຫ້ແກ່ບັນດາການຈັດຕັ້ງຂັ້ນບ້ານ, ພໍ່ແມ່ປະຊາຊົນມີຄວາມຮັບຮູ້ ແລະ ເຂົ້າໃຈ, ເພື່ອພ້ອມກັນປະຕິບັດໃຫ້ຖືກຕ້ອງ, ຮັບປະກັນຄວາມເປັນລະບຽບຮຽບຮ້ອຍ ແລະ ມີຄວາມສະຫງົບໂດຍພື້ນຖານ.

ໃນປະຈຸບັນ ການປະຕິບັດມາດຕະການກັກຕົວ 14 ວັນ ຂອງປະຊາຊົນທີ່ເດີນທາງມາຈາກຕ່າງປະເທດ ແລະ ເຂດທີ່ມີການຕິດເຊື້ອຢູ່ພາຍໃນກຸ່ມບ້ານດັ່ງກ່າວ, ກໍ່ຄືຢູ່ພາຍໃນເມືອງຊະນະຄາມ ຍັງບໍ່ພົບຜູ່ມີອາການຜິດປົກກະຕິທີ່ນອນຢູ່ໃນກໍລະນີຂອງຜູ່ຕິດເຊື້ອພະຍາດດັ່ງກ່າວ, ເຖິງຢ່າງໃດກໍ່ຕາມຄະນະນໍາຂັ້ນເມືອງ ກໍ່ຄືຄະນະສະເພາະກິດຂັ້ນເມືອງ ກໍ່ໄດ້ເອົາໃຈໃສ່ໃນການປະຕິບັດມາດຕະກາດສະກັດກັ້ນ, ປ້ອງກັນ, ຄວມຄຸມ ແລະ ຕອບໂຕ້ພະຍາດດັ່ງກ່າວຢ່າງຕໍ່ເນື່ອງ,

ພ້ອມທັງຍົກລະດັບມາດຕະການດັ່ງກ່າວໃຫ້ສູງຂຶ້ນ, ເປັນຕົ້ນ ໃນໄລຍະຜ່ານມາຈົນເຖິງປະຈຸບັນໄດ້ສັ່ງປິດບັນດາກິດຈະການ,ທຸລະກິດຕ່າງໆທີ່ມີຄວາມສ່ຽງໃນການແຜ່ລະບາດຂອງພະຍາດ, ປິດບັນດາສະຖາບັນການຮຽນ-ການສອນພາຍໃນເມືອງ, ຍົກລະດັບຄວາມພ້ອມທາງດ້ານວຽກງານສາທາລະນະສຸກ, ອອກຄໍາສັ່ງຂອງທ່ານເຈົ້າເມືອງ ແລະບັນແຈ້ງການຕ່າງໆຂອງບັນດາພາກສ່ວນທີ່ກ່ຽວຂ້ອງ, ໂຄສະນາເຜີຍແຜ່ຂໍ້ມູນຂ່າວສານ ແລະ ບັນດານິຕິກໍາຕ່າງໆລົງສູ່ຮາກຖານບ້ານ ຢ່າງເປັນຂະບວນກວ້າງຂວາງ, ຈັດຕັ້ງຈຸດກວດກາການເຂົ້າ-ອອກພາຍໃນເມືອງ ແລະ ປຸກລະດົມປະຕິບັດມາດຕະການກັກຕົວປະຊາຊົນຊົນພາຍໃນເມືອງໃຫ້ຢູ່ພາຍໃນເຮືອນຂອງຕົນ ນັບແຕ່ວັນທີ 1 ຫາ ວັນທີ 19 ເມສາ 2020.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031