Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ເຂັ້ມງວດມາດຕະການປ້ອງກັນການລະບາດ ໂຄວິດ-19

1 min read

ເພື່ອເຮັດໃຫ້ການປ້ອງກັນ,ຄວບຄຸມ ແລະ ຕ້ານການລະບາດຂອງເຊື້ອພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ໂຄວິດ-19 ຢູ່ເມືອງໝື່ນ ໃຫ້ມີປະສິດທິພາບສູງ ກຽມພ້ອມຮອບດ້ານໃນການປ້ອງການ ແລະ ຄວບຄຸມບໍ່ໃຫ້ມີການລະບາດເປັນວົງກວ້າງ ແລະ ເພື່ອຈັດຕັ້ງປະຕິບັດຕາມແຈ້ງການ ເລກທີ 113/ຈຂ,ວຈ ລົງວັນທີ 6 ເມສາ 2020 ໃຫ້ໄດ້ຮັບຜົນດີ.

ວັນທີ 7 ເມສາ 2020 ນີ້ ຄະນະສະເພາະກິດຕ້ານການລະບາດ ໂຄວິດ -19 ຂອງເມືອງໝື່ນ ໄດ້ ຕິດຕາມເບິ່ງ ດຕັ້ງດ່ານປິດກັ້ນ ການເຂົ້າອອກເມືອງໝື່ນ ພາຍຫຼັງປິດເມືອງຊົ່ວຄາວມາແລ້ວ ເປັນມື້ທີ 2 ທີ່ຕັ້ງຂຶ້ນສອງຈຸດພາຍໃນເມືອງ ຄື: ຈຸດບ້ານນ້ຳແພດ ແລະ ຈຸດບ້ານປາກຈັນ ທ່ານ ພອນເທີດ ສຸຫວັດດີ ຮອງເລຂາພັກເມືອງ ໄດ້ແນະນຳບັນດາເຈົ້າໜ້າທີ່ຮັບຜິດຊອບ ແຕ່ລະຈຸດ ໃຫ້ເອົາໃຈໃສ່ໃນການເຂັ້ມງວດຄັດກອງ ຄົນເຂົ້າອອກ ຖ້າມີຄວາມຈຳເປັນຈະເຂົ້າອອກເມືອງ ໃຫ້ລະອຽດ ຮັບປະກັນຄວາມປອດໄພ ບໍ່ໃຫ້ມີຜູ້ນຳເອົາເຊື້ອພະຍາດເຂົ້າມາແຜ່ລະບາດພາຍໃນເມືອງຢ່າງເດັດຂາດ.

ຈາກນັ້ນກໍ່ໄດ້ລົງໄປແນະນຳອົງການປົກຄອງບ້ານ ໃຫ້ຕິດຕາມການເຄື່ອນໄຫວຂອງປະຊາຊົນ ໃນຂອບເຂດບ້ານຂອງຕົນ ບໍ່ໃຫ້ມີການຕັ້ງວົງຊຸມແຊວ ທີ່ເປັນຄວາມສ່ຽງຂອງການຕິດເຊື້ອ ແລະ ເນັ້ນໜັກໃຫ້ປະຕິບັດແຈ້ງການຂອງທ່ານເຈົ້າແຂວງ ຢ່າງເຂັ້ມງວດ ຖ້າເກີດບັນຫາຄວາມຫຍຸ້ງຍາກໃຫ້ລາຍງານການນຳເມືອງທັນທີ.

 

ພາບ ແລະ ຂ່າວ: ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031