Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ຕັ້ງດ່ານເຂົ້າ-ອອກເມືອງ ປ້ອງກັນ ໂຄວິດ-19

1 min read

ເມືອງຊະນະຄາມ  ເອົາໃຈໃສ່ໃນການຈັດຕັ້ງປະຕິບັດມາດຕະການປ້ອງກັນ ຄວບຄຸມ ແລະ ຕອບໂຕ້ການແຜ່ລະບາດຂອງພະຍາດ covid -19

ໂດຍປະຕິບັດຕາມຄໍາສັ່ງຂອງນາຍົກລັດຖະມົນຕີ ສະບັບເລກທີ 06/ນຍ, ລົງວັນທີ 29 ມີນາ 2020, ແຈ້ງການຂອງຄະນະສະເພາະກິດຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ covid-19 ແລະ ບົດບັນທຶກຂອງຄະນະສະເພາະກິດຂັ້ນເມືອງໃນຄັ້ງວັນທີ 04 ເມສາ 2020.


ເພື່ອຮັບປະກັນ ໃຫ້ແກ່ການຈັດຕັ້ງປະຕິບັດມາດຕະການໃນການປ້ອງກັນ, ຄວບຄຸມ ແລະ ຕອບໂຕ້ການແຜ່ລະບາດຂອງພະຍາດ covid -19 ຢູ່ພາຍໃນເມືອງຊະນະຄາມ ໃຫ້ໄດ້ມີປະສິດທິຜົນ ແລະ ມີຄວາມສະຫງົບປອດໄພ, ນັບແຕ່ວັນທີ 05 ໄປຈົນເຖິງວັນທີ 19 ​ເມສາ 2020, ຄະນະ​ສະ​ເພາະ​ກິດປ້ອງກັນ, ຄວບຄຸມ ແລະ ຕອບໂຕ້ການແຜ່ລະບາດຂອງພະຍາດ covid -19 ເມືອງຊະນະ​ຄາມ, ໄດ້ສົມທົບກັບບັນດາກໍາລັງ ປກຊ-ປກສ, ທີມງານແພດໝໍ ແລະ ບັນດາອົງການຈັດຕັ້ງບ້ານຕ່າງໆພາຍໃນເມືອງ, ໄດ້ເຄື່ອນໄຫວລົງຈັດຕັ້ງປະຕິບັດມາດຕະການເພື່ອຕອບໂຕ້ ແລະ ປ້ອງກັນການແຜ່ລະບາດຂອງພະຍາດດັ່ງກ່າວຂຶ້ນ.


ປະຈຸບັນ ໄດ້ມີມາດຕະການປິດເມືອງຊົ່ວຄາວ ນັບແຕ່ວັນທີ 05 ຫາວັນທີ 19 ເມສາ 2020, ໂດຍໄດ້ຈັດຕັ້ງຈຸດກວດກາຢູ່ຕາມເສັ້ນທາງເຂົ້າ-ອອກເມືອງ ແລະ ກວດກາສາລະເວຢູ່ບັນດາຈຸດທີ່ມີຄວາມສ່ຽງຕາມຂອບເຂດຊາຍແດນລະ ຫວ່າງປະເທດ ແລະ ລະຫວ່າງບ້ານຕໍ່ບ້ານ ເພື່ອເອົາໃຈໃສ່ໃນການສະກັດກັ້ນບັນດາປະກົດການຫຍໍ້ທໍ້ຕ່າງໆໃນຊ່ວງທີ່ລະບາດຂອງພະຍາດດັ່ງກ່າວ, ຍົກສູງຄວາມຮັບຜິດຊອບຂອງບັນດາໜ່ວຍສະເພາະກິດຂັ້ນເມືອງ ລົງສົມທົບກັບກຸ່ມບ້ານ ແລະ ຮາກຖານບ້ານເອົາໃຈໃສ່ໃນການຕິດຕາມກວດກາ ແລະ ປະຕິບັດຢ່າງຕໍ່ເນື່ອງຕໍ່ກັບການກັກຕົວ 14 ວັນ ຂອງບັນດາປະຊາຊົນທີ່ເດີນທາງມາຈາກຕ່າງປະເທດ ແລະ ເຂດທີ່ມີການແຜ່ລະບາດ, ເອົາໃຈໃສ່ໂຄສະນາເຜີຍແຜ່, ເຊື່ອມຊືມໃຫ້ປະຊາຊົນໄດ້ມີຄວາມຮັບຮູ້ເຂົ້າໃຈຕໍ່ກັບຜົນຮ້າຍ ແລະ ແນວທາງທີ່ຖືກຕ້ອງໃນການປ້ອງກັນຕົນເອງຈາກພະຍາດດັ່ງກ່າວເປັນແຕ່ລະໄລຍະ.

ການປະຕິບັດວຽກງານດັ່ງກ່າວໃນປະຈຸບັນ ຍັງພົບຄວາມຫຍຸ້ງຍາກຫຼາຍດ້ານ, ເປັນຕົ້ນ ຍັງມີປະຊາຊົນຈໍານວນໜຶ່ງເຄື່ອນໄຫວສັນຈອນຕາມເສັ້ນທາງ, ຈັບກຸ່ມກ້ອນ, ຊຸມແຊວຢູ່ຕາມບ້ານເຮືອນ ແລະ ຍິ່ງໄປກວ່ານັ້ນຍັງມີປະຊາຊົນທີ່ກັບມາຈາກເຂດທີ່ມີການແຜ່ລະບາດຕິດເຊື້ອພະຍາດ ບໍ່ໃຫ້ຄວາມຮ່ວມມືຫຼົບໜີລີ້ຕົວ ອັນໄດ້ສ້າງຄວາມຫຍຸ້ງຍາກໃນການປະຕິບັດວຽກງານດັ່ງກ່າວ.

ຂ່າວ: ເມືອງຊະນະຄາມ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031