Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ສືບຕໍ່ໂຄສະນາໃຫ້ປະຊາຊົນ ປະຕິບັດມາດຕະການເຝົ້າລະວັງ ໂຄວິດ-19

1 min read

ເມືອງໝື່ນ ສືບຕໍ່ເພີ່ມທະວີມາດຕະການສະກັດກັ້ນ,ຄວບຄຸມ ແລະ ຕອບໂຕ້ພະຍາດໂຄວິດ -19.

ປະຈຸບັນ ທົ່ວໂລກມີການລະບາດ ຂອງພະຍາດ ໄຄວິດ-19 ຢ່າງຮ້າຍແຮງ ມີການຕິເຊື້ອເພີ່ມຂຶ້ນ ແລະ ເສຍຊີວິດໃນທຸກ ວັນ ໃນນັ້ນ ສປປ ລາວ ກໍ່ມີຜູ້ຕິດເຊື້ອແລ້ວ ຈຳນວນ 19 ຄົນ ເພື່ອປ້ອງກັນ ແລະ ຄວບຄຸມພະຍາດດັ່ງກ່າວ ບໍ່ໃຫ້ມີການລະບາດອອກໄປສູ່ໃນວົງກວ້າງ ທຸກພາກສ່ວນໃນສັງຄົມຕ້ອງ ມີສ່ວນຮ່ວມປ້ອງກັນນຳກັນຢ່າງເຂັ້ມງວດ.

ວັນທີ 14 ເມສາ 2020 ຄະນະສະເພາະກິດ ເພື່ອປ້ອງກັນ,ຄວບຄຸມ ແລະ ແກ້ໄຂການລະບາດ ໂຄວິດ-19 ເມືອງໝື່ນ ໄດ້ສືບຕໍ່ເຄື່ອນໄຫວ ໂຄສະນາຕ້ານພະຍາດໂຄວິດ-19 ດ້ວຍການ ຕິດຕັ້ງໂທລະໂຄ່ງໃສ່ລົດເຄື່ອນທີ່ ເລາະ ໄປຕາມບ້ານເຮືອນຂອງປະຊົນ ທົ່ວເມືອງໝື່ນ

ເຊິ່ງປະກອບມີ ໜ່ວຍງານຖະແຫຼງຂ່າວເມືອງ, ກຳາລັງ ປກສ – ປກຊ ເມືອງ ໂດຍໄດ້ໂຄສະນາ ໃຫ້ຄວາມຮູ້ກ່ຽວກັບພະຍາດດັ່ງກ່າວ ເຜີຍແຜ່ແນະນຳ ໃຫ້ເອົາໃຈໃສ່ ຈັດຕັ້ງ ປະຕິບັດຄຳສັ່ງເລກທີ 06/ນຍ ແລະ ຄຳສັ່ງຂອງທ່ານເຈົ້າແຂວງ ສະບັບເລກທີ 005/ຈຂ,ວຈ ແລະ ຄຳແນະນຳອື່ນໆຂອງຄະນະສະເພາະກິດ.

ແນະນຳໃຫ້ແຕ່ລະຄອບຄົວ ຕິດຕາມສະມາຊິກຂອງຕົນເອງ ຫ້າມບໍ່ໃຫ້ຕັ້ງວັງຊຸມແຊວ ດື່ມສິ່ງມື່ນເມົາ,ຫ້າມບໍ່ໃຫ້ຊື້ຂາຍ ເຫຼົ້າ,ເບຍ ຢ່າງເດັດຂາດ ໂດຍອີງໃສ່ແຈ້ງການ 478/ຫສນຍ ປຸກລະດົມພໍ່ແມ່ປະຊາຊົນ ເອົາໃຈໃສ່ໃນການປ້ອງກັນຕົນເອງ ແນະນຳໃນຢູ່ແຕ່ໃນເຮືອນຂອງໃຜລາວ ງົດການພົວພັນເຊິ່ງກັນ ແລະ ກັນ ປະຕິບັດຫຼັກການອານາໄມ ດ້ວຍການໝັ່ນລ້າງມື ໃສ່ສະບູ່,ເຈວປະສົມເຫຼົ້າ,ໃສ່ຜາອັດປາກ-ດັງ ລີກລຽງໄປບ່ອນຄົນແອອັດ ຮັກສາໄລຍະຫ່າງ ບໍ່ໃຫ້ອອກຈາກບ້ານຖ້າບໍ່ຈຳເປັນແທ້ໆ.  

 

ການຈັດຄັ້ງນີ້ເຫັນວ່າພໍ່ແມ່ປະຊາຊົນ ກໍ່ໄດ້ເອົາໃຈໃສ່ດີແລ້ວ ຂໍໃຫ້ທຸກພາກສ່ວນຮ່ວມແຮງຮ່ວມໃຈກັນ ປະຕິບັດຈຳກັດຕົນເອງຢູ່ໃນເຮືອນ ງົດຊຸມແຊວ ພົວພັນແບບເປັນກຸ່ມ ເພື່ອຫຼຸດຜ່ອນຄວາມສ່ຽງຂອງການລະບາດ ທີ່ອາດເກີດຂຶ້ນ .

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031