Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເປີດກອງປະຊຸມທາງໄກ ສະຫລຸບຖອດຖອນບົດຮຽນ ຂອງຄະນະສະເພາະກິດຕ້ານ COVID-19ຂັ້ນແຂວງ.

1 min read

ຄະນະສະເພາະກິດຄວບຄຸມ, ຕ້ານ ແລະ ສະກັດກັ້ນ ພະຍາດ COVID-19 ຂັ້ນແຂວງ ສະຫລຸບຖອດຖອນການປະຕິບັດວຽກງານໃນໄລຍະຜ່ານມາ.

ກອງປະຊຸມໄດ້ຈັດຂຶ້ນໃນວັນທີ 22 ພຶດສະພາ 2020 ນີ້ ຢູ່ທີ່ຫ້ອງປະຊຸມ ບໍລິສັດ ສະຕ່າ ໂທລະຄົມ ( UNITEL ສາຂາແຂວງວຽງຈັນ)
ບ້ານ ນາເຄືອ ເມືອງ ວຽງຄຳ ແຂວງວຽງຈັນ.

ໂດຍການເປັນປະທານຂອງ ທ່ານ ຄຳພັນ ສິດທິດຳພາ ເຈົ້າແຂວງໆວຽງຈັນ, ມີບັນດາຄະນະສະເພາະກິດຕ້ານໂຄວິດ19ຂັ້ນແຂວງ, ຂັ້ນເມືອງເຂົ້າຮ່ວມ.

ທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນ ປະທານຄະນະສະເພາະກິດຄວບຄຸມ,ຕ້ານ ແລະ ສະກັດກັ້ນພະຍາດໂຄວິດ-19 ຂັ້ນແຂວງ ໄດ້ລາຍງານການຈັດຕັ້ງປະຕິບັດວຽກງານການຕ້ານ ແລະ ສະກັດກັ້ນໂຄວິດ-19 ໃນໄລຍະທີ1ຜ່ານມາ ນັບແຕ່ວັນທີ1 -19 ເມສາ 2020,

ພ້ອມທັງຮັບຟັງຈາກການລາຍງານຂອງຄະນະສະເພາະກິດແຕ່ລະເມືອງທີ່ໄດ້ລາຍງານໂດຍຜ່ານລະບົບອອນລາຍ, ໄລຍະຜ່ານມາເຫັນວ່າຄະນະສະເພາະກິດຄວບຄຸມ,ຕ້ານ ແລະ ສະກັດກັ້ນ ພະຍາດ COVID-19 ຂັ້ນແຂວງ ໄດ້ເອົາໃຈໃສ່ປະຕິບັດຄຳສັ່ງເລກທີ 06/ນຍ ແລະ ຄຳສັ່ງເລກທີ 015/ຈຂ.ວຈ ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19 ໄດ້ລົງຕິດຕາມຊຸກຍູ້ ບັນດາເມືອງ ເລື່ອງການຈັດຕັ້ງຜັນຂະຫຍາຍຄໍາສັ່ງຄຳແນະນໍາ, ຄວາມພ້ອມໃນການປ້ອງກັນ; ສົມທົບກັບເມືອງແຈ້ງໃຫ້ນາຍບ້ານ ບ້ານທີ່ມີປະຊາຊົນຫຼາຍ,

ເພື່ອຮັບຟັງການໃຫ້ສຸຂະສຶກສາມາດຕະການ, ວິທີປ້ອງກັນCOVID-19 ແບບເຂົ້າໃຈງ່າຍ,ມີການຮ່ວມມືຈາກພໍ່ແມ່ປະຊາຊົນ ຕີລາຄາໄດ້ 80% ,ມີພະນັກງານແພດໝໍຮັບໃຊ້ນັບແຕ່ຂັ້ນແຂວງ,ຂັ້ນເມືອງ, ຂັ້ນບ້ານ,ມີອຸປະກອນຮັບໃຊ້ທີ່ຈໍາເປັນຈໍານວນຫນຶ່ງເຊັ່ນ: ຜ້າອັດປາກ, ເຈວລ້າງມື, ນ້ຳຢາຂ້າເຊື້ອ, ເຄື່ອງວັດແທກອຸນຫະພູມ,

ຜ່ານມາແຂວງ ວຽງຈັນ ມີຈຳນວນສົງໃສ ແລະ ເອົາຕົວຢ່າງໄປກວດ ລວມ 14 ຄົນ : ໃນນີ້ມີ ໂຮງຫມໍແຂວງ 6 ຄົນ, ໂຮງຫມໍ ເມືອງ ໂພນໂຮງ 5 ຄົນ, ເມືອງ ວັງວຽງ 3 ຄົນ ( ຜົນກວດ ບໍ່ພົບເຊື້ອ),

ພ້ອມນີ້ກອງປະຊຸມຍັງໄດ້ວາງທິດທາງ-ແຜນການຈັດຕັ້ງປະຕິບັດໃນໄລຍະທີ 2 ແຕ່ວັນທີ 20ເມສາ 2020 – ວັນທີ 3 ພຶດສາ 2020, ທີ່ຈະຕ້ອງໄດ້ພ້ອມກັນເອົາໃຈໃສ່ສືບຕໍ່ເຝົ້າລະວັງຢ່າງເຂັ້ມງວດຕື່ມອີກ ເພື່ອບໍ່ໃຫ້ປະຊາຊົນສະຫຼ້າໃຈ ຫລື ເກີດຄວາມປະມາດ ໃນທ່າມກາງທີ່ທົ່ວໂລກຍັງສືບຕໍ່ມີການລະບາດເປັນວົງກວ້າງ, ຕອນທ້າຍຍັງໄດ້ຮັບຟັງການມີຄຳເຫັນຊີ້ນຳຂອງທ່ານເຈົ້າແຂວງຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031