Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນ ເຜີຍແຜ່ແຈ້ງການ ການຕໍ່ເວລາ ແລະ ແນະນຳເພີ່ມຕື່ມ ກ່ຽວກັບການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ

1 min read

ເມືອງໝື່ນ ເຜີຍແຜ່ແຈ້ງການ ການຕໍ່ເວລາ ແລະ ແນະນຳເພີ່ມຕື່ມ ກ່ຽວກັບການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ພັກວຽກຕື່ມອີກ 14 ວັນ ຈົນຮອດ ວັນທີ 3 ພຶດສະພາ 2020

ໃນຕອນແລງ ຂອງວັນທີ 20 ເມສາ 2020 ເມືອງໝື່ນ ຈັດກອງປະຊຸມ ກ່ຽວກັບການຕໍ່ເວລາ ແລະ ແນະນຳເພີ່ມເຕີ່ມ ກ່ຽວກັບການຈັດຕັ້ງປະຕິບັດຄຳສັ່ງຂອງນາຍົກ ລັດຖະມົນຕີ ພັກວຽກຕື່ມອີກ 14 ວັນ ຈົນຮອດ ວັນທີ 3 ພຶດສະພາ 2020ຂື້ນຢູ່ທີ່ສະໂມສອນຫ້ອງວ່າການປົກຄອງ ເມືອງໝື່ນ ໃຫ້ກຽດເປັນປະທານໂດຍ ທ່ານ ພູວອນ ບຸນວິໄວ ເຈົ້າເມືອງ ໝື່ນ, ມີຄະນະປະຈຳ, ກຳມະການພັກເມືອງ ພ້ອມທັງຄະນະສະເພາະກິດທົ່ວເມືອງເຂົ້າຮ່ວມ.

ໃນພິທີ ທ່ານ ບົວແກ້ວ ພອນໄຊສະຫວັດ ຮອງເຈົ້າເມືອງ ໝື່ນ ໄດ້ຂື້ນຜ່ານບົດລາຍງານຂອງຄະນະສະເພາະກິດ ໃນການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ສະບັບເລກທີ່ 06 /ນຍ, ແລະ ນິຕິກຳຕ່າງໆຂອງຂັນເທິງ ແລະ ທິດທາງແຜນການຕໍ່ໜ້າ,

ຈາກນັ້ນ ທ່ານຄຳຜູ ແກ້ວດວງສີ ຫົວໜ້າຫ້ອງການ-ການເງິນເມືອງ ກໍ່ໃດ້ຂື້ນເຜີຍແຜ່ແຈ້ງການຂອງກະຊວງການເງິນ ສະບັບເລກທີ່ 1037/ກງ, ລົງວັນທີ 11 ເມສາ 2020 ແລະ ຂໍ້ຕົກລົງ ເພີ່ມເຕີມຂອງກະຊວງການເງິນ, ພ້ອມນັ້ນກອງປະຊຸມຍັງໃດ້ຮັບຟັງ ແຈ້ງການ ແນະ ນຳເພີ່ມເຕີ່ມ ກ່ຽວກັບການຈັດຕັ້ງປະຕິບັດຄຳສັ່ງຂອງນາຍົກ ລັດຖະມົນຕີ ແລະ ຄໍາສັ່ງຂອງທ່ານເຈົ້າແຂວງວຽງຈັນ ເຫັນດີໃຫ້ບັນດາຫ້ອງການ, ອົງການ, ກອງບັນຊາການທະຫານເມືອງ, ກອງບັນຊາການ ປກສ ເມືອງ, ເລື່ອນການພັກວຽກອອກໄປຕື່ມອີກ 14 ວັນ ຈົນຮອດ ວັນທີ 03 ພຶດສະພາ 2020

ພ້ອມທັງຈັດຕັ້ງປະຕິບັດໃຫ້ຖຶກຕ້ອງ ແລະ ເຂັ້ມງວດ, ໃຫ້ລໍຖ້າຜົນການປະເມີນສະພາບການລະບາດຂອງພະຍາດເສຍກອນ, ຕໍ່ເວລາການປະຕິບັດຄຳສັ່ງ ເລກທີ 06 /ນຍ ໄປຕື່ມອີກ 14 ວັນ ໃຫ້ໂຈະການຮຽນ-ການສອນ ຂອງຊັ້ນຮຽນຕ່າງໆ ອອກໄປເຖິງ ວັນທີ 03 ພຶດສະພາ 2020 ຕາມແຈ້ງການຂອງກະຊວງສຶກສາທິການ ແລະ ກິລາເລກທີ 411/ສສກ ລົງວັນທີ 17 ເມສາ 2020 ເພື່ອຮັບປະກັນວ່າ ຈະບໍ່ມີຄວາມສ່ຽງຕໍ່ການຕິດເຊື້ອ ທັງສ້າງຄວາມໝັ້ນໃຈ ແລະ ອຸ່ນອ່ຽງໃຫ້ກັບນັກຮຽນ ກໍຄືຜູ້ປົກຄອງ,

 

ໃນຊ່ວງໄລຍະພັກ 14 ວັນນີ້ ໃຫ້ຫ້ອງການສຶກສາທິການ ແລະ ກິລາ ປະສານສົມທົບກັບ ຫ້ອງການສາທາລະນະສຸກເມືອງ ກວດກາ, ອະນາໄມສູນກັກກັນ ແຕ່ລະໂຮງຮຽນ ເພື່ອກຽມພ້ອມກະກຽມຄວາມພ້ອມໃຫ້ແກ່ການເປີດຊັ້ນຮຽນ.

ຈາກນັ້ນທ້າຍກອງປະຊຸມ ກໍ່ໄດ້ຮັບຟັງການໂອ້ລົມຂອງທ່ານ ພູວອນ ບຸນວິໄວ ເຈົ້າເມືອງ ໝື່ນ ເຊີ່ງທ່ານກໍ່ໃດ້ເນັ້ນໜັກໃຫ້ມີການສືບຕໍ່ມາປະຈຳການ ໂດຍແບ່ງເປັນຈຸ ແລະ ຜັນປ່ຽນກັນໄປປະຈຳການ, ຜູ້ທີ່ບໍ່ໃດ້ມາປະຈຳການຢູ່ຫ້ອງການ ໃຫ້ເຮັດວຽກຢູ່ເຮືອນໂດຍຕິດຕໍ່ພົວພັນ ແລະ ແກ້ວຽກຜ່ານລະບົບໂທລະສັບມືຖື ແລະ ລະບົບອອນລາຍ,

ຕິດຕາມກວດກາ ຄຸ້ມຄອງສີ້ນຄ້າ, ຈັດຕາຕາລາງເວນຍາມ, ໃຫ້ຢຸດຕິຊົ່ວຄາວຂາຍເຄື່ອງດື່ມເຫຼົ້າ-ເບຍ ເພື່ອບໍ່ໃຫ້ມີການຊຸມແຊວ ຕັ້ງວົງດື່ມສີ່ງມືນເມົາເດັດຂາດ ຮັບປະກັນໃຫ້ແກ່ການປ້ອງກັນ,ຄອບຄຸມ ແລະ ເຝົ້າລະວັງການຕິດເຊື້ອພະຍາດໂຄວິດ – 19.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031