Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະກຳມະການ ລົງກວດກາ ເງື່ອນໄຂ ແລະ ມາດຕະການ ເພື່ອເປີດດຳເນີນກິດຈະການ ໂຮງງານຊີມັງໃນໄລຍະການລະບາດຂອງພະຍາດ COVID-19.

1 min read

ຄະນະກຳມະການ ລົງກວດກາ ເງື່ອນໄຂ ແລະ ມາດຕະການ ເພື່ອເປີດດຳເນີນກິດຈະການ ໂຮງງານຊີມັງໃນໄລຍະການລະບາດຂອງພະຍາດ COVID-19.

ໃນລະຫວ່າງ ວັນທີ 22 -23 ເມສາ 2020 ນີ້ ຄະນະກໍາມະການກວດກາ ເພື່ອກຳນົດວິທີການ ຫຼື ມາດຕະການເປີດດຳເນີນກິດຈະການໂຮງງານອຸດສາຫະກໍາປຸງແຕ່ງ ທີ່ມີເງື່ອນໄຂ ພາຍໃນແຂວງວຽງຈັນ ໄດ້ລົງກວດກາໂຮງງານຊີມັງວຽງຈັນຫົງຊື, ໂຮງງານຊີມັງລາວ ຫລັງ1, 2 ແລະ 3 ເຊິ່ງໂຮງງານດັ່ງກ່າວໄດ້ພ້ອມກັນປະຕິບັດ ມາດຕະການ ເຝົ້າລະວັງການລະບາດຂອງພະຍາດໂຄວິດ-19 ໂດຍໄດ້ປິດໂຮງງານຕາມຄຳສັ່ງ ເລກທີ 06/ນຍ, ມາຕັ້ງແຕ່ວັນທີ 01 ເມສາ 2020 ເປັນຕົ້ນມາ.

ເພື່ອເປັນການຫຼຸດຜ່ອນຜົນກະທົບຕໍ່ເສດຖະກິດຂອງລາວ ຈາກການຕໍ່ເວລາການຈັດຕັ້ງປະຕິບັດ ຄຳສັ່ງ ເລກທີ 06/ນຍ, ປະຕິບັດຕາມຄຳແນະນຳຂອງ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ COVID-19 ເລກທີ 031/ສພກ ລົງວັນທີ 21 ເມສາ2020 ແລະ ຂໍ້ຕົກລົງຂອງແຂວງວຽງຈັນ ເລກທີ 341/ຈຂ.ວຈ ລົງວັນທີ 21 ເມສາ 2020.

ໂຄງການ, ບໍລິສັດ ແລະ ໂຮງງານ ທີ່ຈະເປີດກິດຈະການໃນໄລຍະການລະບາດຂອງພະຍາດ COVID-19 ຕ້ອງປະຕິບັດຕາມເງື່ອນໄຂ, ມາດຕະການ ແລະ ຮັບປະກັນ ບໍ່ໃຫ້ມີຄວາມສ່ຽວໃນການຕິດເຊື້ອພະຍາດດັ່ງກ່າວ.

ທາງຄະນະກຳມະການກວດກາໄດ້ພ້ອມກັນກວດກາ ສະພາບຄວາມເປັນຈິງ ໂດຍອີງໃສ່ບັນດາເງື່ອນໄຂ ແລະ ມາດຕະການຕ່າງໆ ແລະ ໄດ້ເຮັດສັນຍາ ຫຼື ບົດບັນທຶກ ໂດຍມອບໃຫ້ໂຮງງານຮັບຜິດຊອບທັງໝົດຕໍ່ເຫດການລະບາດຂອງພະຍາດໂຄວິດ-19 ທີ່ຈະເກີດຂຶ້ນຢູ່ໃນບໍລິສັດທີ່ຕົນຮັບຜິດຊອບພຽງຜູ້ດຽວ.

 

ພາຍຫຼັງທີ່ຄະນະກໍາມະການກວດກາ ເພື່ອກຳນົດວິທີການ ຫຼື ມາດຕະການເປີດດຳເນີນກິດຈະການໂຮງງານອຸດສາຫະກໍາປຸງແຕ່ງ ທີ່ມີເງື່ອນໄຂພາຍໃນແຂວງວຽງຈັນ ໄດ້ລົງກວດກາໂຮງງານຊີມັງທັງ 4 ຫຼັງຮຽບຮ້ອຍແລ້ວ,

ພ້ອມກັນເຊັນບົດບັນທຶກຮ່ວມກັນ ແລະ ລາຍງານໃຫ້ຄະນະສະເພາະກິດຕ້ານ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ-19 ຂັ້ນແຂວງຮັບຊາບ ແລະ ອອກອະນຸຍາດໃນການເປີດດຳເນີນກິດຈະການ ໃນໄລຍະການລະບາດຂອງພະຍາດ ໂຄວິດ-19 ຕາມພາຍຫລັງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930