Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງ ໄດ້ຮັບເຄື່ອງຊ່ວຍເຫຼືອ ຈາກໜ່ວຍກູ້ໄພBSR ລານທ່ຽນ ສປ ຈີນ.

1 min read

ໜ່ວຍກູ້ໄພ BSR ລານທ່ຽນ ສປ ຈີນ ໄດ້ມອບເຄື່ອງຈັກ ແລະ ຢາຂ້າເຊື້ອພະຍາດ covid-19 ໃຫ້ຄະນະສະເພາະກິດ, ເພື່ອຕ້ານ ແລະ ສະກັດກັ້ນການລະບາດຂອງພະຍາດ covid-19 ເມືອງວັງວຽງ.

ໃນຕອນແລງ ຂອງວັນທີ 5 ພຶດສະພາ 2020 ຢູ່ທີ່ຫ້ອງວ່າການເມືອງວັງວຽງ ແຂວງວຽງຈັນ.

ໄດ້ມີພິທີມອບ-ຮັບ ເຄື່ອງຈັກ, ຊຸດ-ອຸປະກອນ ແລະ ຢາຂ້າເຊື້ອພະຍາດ covid-19 ໃຫ້ຄະນະສະເພາະກິດເພື່ອສະກັດກັ້ນຄວບຄຸມພະຍາດລະບາດຕິດຕໍ່ ໂຄວິດ-19 (COVID-19) ເຊິ່ງລວມມູນຄ່າ 25 ລ້ານກວ່າກີບ.

ໃຫ້ກຽດກ່າວມອບໂດຍຕ່າງໜ້າ ໜ່ວຍກູ້ໄພ BSR ລານທ່ຽນ ສປຈີນ ແລະ ກ່າວຮັບໂດຍທ່ານ ບຸນຈັນ ມາລາວົງ ເຈົ້າເມືອງໆວັງວຽງ ໂດຍສ່ອງຫນ້າ ການນຳຂອງເມືອງ ແລະ ຄະນະກຳມະການສະເພາະກິດ ໃນການຕ້ານ ແລະ ສະກັດກັ້ນການລະບາດຂອງພະຍາດ covid-19 ເມືອງວັງວຽງ ແລະ ທ່ານຍັງໄດ້ມອບໃບຍ້ອງຍໍ ໃຫ້ໜ່ວຍກູ້ໄພ BSR ລານທ່ຽນ ສປຈີນ.

ຄະນະສະເພາະກິດ, ເພື່ອຕ້ານ ແລະ ສະກັດກັ້ນການລະບາດຂອງພະຍາດ covid-19 ເມືອງວັງວຽງ ໄດ້ສຶບຕໍ່ມອບເຄື່ອງຈັກ, ຊຸດ-ອຸປະກອນ ແລະ ນໍ້າຢາຂ້າເຊື້ອພະຍາດ covid-19 ໃຫ້ກັບຫນ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາ ແຂວງວຽງຈັນ ເມືອງວັງວຽງ ເພື່ອນຳໄປ ສີດພົ້ນນໍ້າຢາຂ້າເຊື້ອພະຍາດ covid-19

ເປັນຕົ້ນແມ່ນ ຈຸດພັກເຊົ່າຊົ່ວຄາວ, ສໍານັກງານຫ້ອງການ, ໂຮງຮຽນແລະຕະຫລາດ ຫລັງຈາກນັ້ນແມ່ນຈະໄດ້ສີດພົ້ນນໍ້າຢາຂ້າເຊື້ອພະຍາດ covid-19 ຕາມສະຖານທີ ກຳນົດໄວ້.

ໜ່ວຍກູ້ໄພ BSR ລານທ່ຽນ ສປຈີນ ຍັງໄດ້ສາທິດການນຳໃຊ້ ໃຫ້ ໜ່ວຍກູ້ໄພລາວ 1623 ສາຂາ ແຂວງວຽງຈັນ ເມືອງວັງວຽງ ພ້ອມທັງ ການລົງປະຕິບັດຕົວຈິງ ສີດພົ້ນນໍ້າຢາຂ້າເຊື້ອພະຍາດ covid-19 ທີ່ຫ້ອງວ່າການປົກຄອງເມືອງວັງວຽງ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031