Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນ ອະນຸຍາດໃຫ້ ບາງໂຮງງານທີ່ຈະເປີດກິດຈະການໃນໄລຍະທີ່ມີການລະບາດ ພະຍາດໂຄວິດ-19.

1 min read

ໂດຍປະຕິບັດຕາມຄຳແນະນຳຂອງ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ COVID-19 ເລກທີ 031/ສພກ ລົງວັນທີ 21 ເມສາ 2020 ແລະ ຂໍ້ຕົກລົງຂອງແຂວງວຽງຈັນ ເລກທີ 341/ຈຂ.ວຈ ລົງວັນທີ 21 ເມສາ 2020, ກ່ຽວກັບ ການກວດການມາດຖານເງື່ອນໄຂໂຮງງານທີ່ຈະເປີດກິດຈະການໃນໄລຍະການລະບາດຂອງພະຍາດ COVID-19 ເພື່ອຮັບປະກັນບໍ່ໃຫ້ມີຄວາມສ່ຽງໃນການຕິດເຊື້ອພະຍາດດັ່ງກ່າວ.

ຄະນະສະເພາະກິດກວດກາ ມາດຖານ-ເງື່ອນໄຂ ໂຮງງານທີ່ຈະເປີດກິດຈະການ ໃນໄລຍະທີ່ມີການລະບາດ ຂອງພະຍາດໂຄວິດ-19 ຂັ້ນແຂວງ ໄດ້ພ້ອມກັນລົງກວດກາຕົວຈິງ ບັນດາໂຮງງານທີ່ໄດ້ສະເໜີມາຍັງຄະນະສະເພາະກິດຂັ້ນແຂວງ ໃນການຂໍອະນຸຍາດເປີດກິດຈະການໃນໄລຍະທີ່ມີການລະບາດ ຂອງພະຍາດໂຄວິດ-19.

ເພື່ອເປັນການຫລຸດຜ່ອນຜົນກະທົບທາງດ້ານເສດຖະກິດ ຈາກການສືບຕໍ່ປະຕິບັດມາດຕະການປ້ອງກັນ ແລະ ການຄວບຄຸມສະກັດກັ້ນການແຜ່ລະບາດຂອງໂຄວິດ-19, ແກ້ໄຂຊິວິດການເປັນຢູ່ຂອງປະຊົນ

ຜ່ານການລົງກວດກາຂອງຄະນະສະເພາະກິດຂອງແຂວງ ຕໍ່ເງຶ່ອນໄຂການຂໍອະນຸຍາດ ດຳເນີນທຸລະກິດຂອງບັນດາ ໂຮງງານພາຍໃນແຂວງ ເຊິ່ງແຕ່ລະໂຮງງານໄດ້ມີການສ້າງແຜນການປ້ອງກັນອລະຄວບຄຸມການລະບາດຂອພະຍາດໂຄວິດ 19 ຂອງຕົນຢ່າງຄົບຖ້ວນຕາມ ເງື່ອນໄຂ ແລະ ມາດຕະການ ຢ່າງເຂັ້ມງວດ.

ມາຮອດປັດຈຸບັນ ແຂວງວຽງຈັນ ອະນຸຍາດໃຫ້ກັບໂຮງງານ ທີ່ມີຄວາມພ້ອມໃນການປະຕິບັດ ມາດຖານ – ເງື່ອນໄຂ ເປີດກິດຈະການ ໂຮງງານໃນໄລຍະທີ່ມີການລະບາດ ຂອງພະຍາດໂຄວິດ-19 ໄດ້ 5 ໂຮງງານ.

ພ້ອມນີ້ ທາງຄະນະສະເພາະກິດ ຍັງຈະສືບຕໍ່ກວດກາບັນດາໂຮງງານທີ່ສະເໜີມາຍັງແຂວງ ເພື່ອຂໍເປີດກິດຈະການໃນໄລຍະທີ່ມີການລະບາດຂອງພະຍາດໂຄວິດ-19 ຕື່ມອີກ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031