Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນສືບຕໍ່ເຂັ້ມງວດຕໍ່ມາດຕະການປ້ອງກັນໂຄວິດ-19

1 min read

ເມືອງໝື່ນສືບຕໍ່ເຂັ້ມງວດມາດຕະການປ້ອງກັນໂຄວິດ-19 ແລະ ສຳເລັດການຈັດຕັ້ງສູນຮອງຮັບແຮງງານ ທີ່ຈະເຂົ້າມາຮອບທີ2 ໂດຍປະຕິບັດຕາມ 06/ນຍ,ລົງວັນທີ 29 ມີນາ 2020, ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ເລກທີ 507/ຫສ ນຍ ,ຄຳສັ່ງແນະນຳຂອງທ່ານ ເຈົ້າເມືອງໆໝື່ນ ເລກທີ 113/ຈມ,ມໝ,ລົງວັນທີ 6 ພຶດສະພາ 2020 ແລະ ມາດຕະການອື່ນໆ ໃນການເພີ່ມທະວີ ວຽກງງານປ້ອງກັນ ແລະ ຄວບຄຸມການລະບາດໂຄວິດ-19 ,ການກະກຽມຄວາມພ້ອມຮອບດ້ານ ລວມທັງສູນກັກກັນ ແຮງງານ,ນັກສຶກສາ ແລະ ພາກສ່ວນອື່ນໆ ທີ່ຈະເດີນທາງເຂົ້າມາເມືອງໝື່ນໃນຮອບ 2.


ວັນທີ 12 ພຶດສະພາ 2020 ທີ່ຫ້ອງປະຊຸມຊັ້ນ 2 ຂອງຫ້ອງວ່າການປົກຄອງເມືອງໝື່ນ ທ່ານ ບົວແກ້ວ ພອນໄຊສະຫວັດ ກຳມະການພັກເມືອງ,ຮອງເຈົ້າເມືອງໆໝື່ນ ຫົວໜ້າຄະນະສະເພາະກິດຕ້ານໂຄວິດ-19ຂັ້ນເມືອງ ໄດ້ໃຫ້ກຽດເປັນປະທານກອງປະຊຸມ ເພີມທະວີມາດຕະການປ້ອງກັນ ການລະບາດໂຄວິດ-19 ແລະ ປຶກສາຫາລືສ້າງຄວາມເອກະພາບ ກັບເຈົ້າຂອງເຮືອນພັກ ມີກຳມະການພັກເມືອງ,ຫົວໜ້າຫ້ອງການ,ຄະນະຫ້ອງການທີ່ກ່ຽວຂ້ອງ ,ຜູ້ອຳນວນການຕະຫຼາດໂນນໄຮ ແລະ ເຈົ້າຂອງເຮືອນພັກເຂົ້າຮ່ວມ.

ກອງປະຊຸມໄດ້ຄົ້ນຄວ້າປຶກສາຫາລືກະກຽມກະກຽມສະຖານທີ່ກັກກັນຕົວ 14 ວັນ ເພື່ອຮອງຮັບ ແຮງງານລາວ,ນັກສຶກສາລາວ,ຊ່າວຕ່າງດ້າວ,ຊາວຕ່າງປະເທດ ທີ່ຈະເດີນທາງເຂົ້າມາ ສປປ ລາວ ກໍ່ຄືເມືອງໝື່ນ ແຂວງວຽງຈັນ ໃນຮອບ 2 ,ກອງຊຸມຄັ້ງນີ້ໄດ້ພ້ອມກັນຄົ້ນຄວ້າ ແລະ ກຳນົດເອົາເຮືອນພັກ ເປັນສະຖານກັກກັນຕົວ 14 ວັນ ໂດຍກຸມບ້ານໃດໃຫ້ມີ 1 ສູນ ດັ່ງນີ້: ກຸ່ມບ້ານວັງ:ກຳນົດເອົາເຮືອນພັກໄຊອຸດົມ,ກຸ່ມບ້ານນ້ຳເພີນກຳນົດເອົາ: ເຮືອນພັກຫຸມແພງພັດທະນາຊົນ,ກຸ່ມບ້ານໂນນໄຮກຳນົດເອົາເຮືອນພັກເຮືອນພັກ:ຢົວລືຈ້າງ, ກຸ່ມບ້ານເມືອງໝື່ນກໍານົດເອົາ:ເຮືອນພັກນາງນີ ແລະ ເຮືອນພັກສາຍນ້ຳອ້ອມ ພ້ອມທັງໄດ້ສ້າງບົດບັນທຶກໄວ້ເປັນບ່ອນອີງໃນການຈັດຕັ້ງປະຕິບັດ
ທ້າຍກອງປະຊຸມ

ທ່ານໄຊສະຫວັດ ກຳມະການພັກເມືອງ ຮອງເຈົ້າເມືອງໆໝື່ນ ໄດ້ຊີ້ນຳໃຫ້ຜູ້ອຳນວຍການຕະຫຼາດໂນນໄຮ ກ່ຽວກັບການເພີ່ມທະວີມາດຕະກາດປ້ອງກັນໂຄວິດ-19 ໂດຍສະເພາະ ແມ່ໃຫ້ກຳນົດ ປະຕູທາງເຂົ້າ-ອອກ ໃຫ້ເປັນລະບົບ,ຕ້ອງກວດວັດອຸນຫະພູມທຸກໆຄັ້ງ ທີ່ມີການເຂົ້າອອກຂອງປະຊາຊົນ ແລະ ພໍ່ຄ້າ,ແມ່ຄ້າ,ທຸກຄົນທີ່ມາໃຊ້ບໍລິການຕະຫຼາດຕ້ອງໃສ່ຜ້າອັດປາກ-ດັງ ຖ້າຫາກບໍ່ປະຕິບັດ ຕາມຄຳເເນະນຳ ແມ່ນຫ້າມບໍ່ໃຫ້ເຂົ້າມາໃຊ້ບໍ່ລິການຕະຫຼາດເດັດຂາດ ພ້ອມກັນນັ້ນໂທລະໂຄ່ງຂອງຕະຫຼາດຕ້ອງໄດ້ເປີດໂຄສະນາ ຄຳສັ່ງ,ເເຈ້ງການຂອງຂັ້ນເທິງ ແລະ ຄະນະສະເພາະກິດ ແນະນຳວິທີປ້ອງກັນຕົນເອງ ແລະ ຜົນຮ້າຍຂອງພະຍາດດັ່ງກ່າວ ມອບໃຫ້ໂຄສົກປະຈຳວິທະຍຸກະຈາຍສຽງຂອງເມືອງ ເປັນຜູ້ປະກາດໃຫ້ປະຊົນຮັບຊາບທຸກໆ ເຊົ້າ-ເເລງ ຈົນກວ່າຈະມີຄຳສັ່ງປ່ຽນແປງ.

ຂ່າວ:ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930