Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຄົບຄະນະບໍລິຫານງານພັກເມືອງວັງວຽງ ຄັ້ງທີ 2 ສະໄໝທີVII.

1 min read

ວັນທີ 21 ພຶດສະພາ 2020 ນີ້. ຢູ່ທີ່ສະໂມສອນ ຂອງເມືອງວັງວຽງ ແຂວຽງຈັນ. ໄດ້ຈັດກອງປະຊຸມຄົບຄະນະບໍລິຫານງານພັກເມືອງວັງວຽງ ຄັ້ງທີ 2 ສະໄໝທີVII ຂື້ນຢ່າງເປັນທາງການ. ໂດຍພາຍໃຕ້ການເປັນປະທານຂອງສະຫາຍ ບຸນຈັນ ມາລາວົງ ເລຂາພັກເມືອງ ວ່າການເຈົ້າເມືອງໆວັງວຽງ, ກອງປະຊຸມໄດ້ເປັນກຽດຕ້ອນຮັບການເຂົ້າຮ່ວມຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆວຽງຈັນ,

ສາຍນໍລະດີ ຮອງເລຂາພັກແຂວງ, ປະທານສະພາປະຊາຊົນ ແຂວງວຽງຈັນ, ມີບັນດາສະຫາຍ ຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ມີພະນັກງານອາວຸໂສບຳນານ, ຫົວໜ້າຫ້ອງການ, ເລຂາຄະນະພັກຮາກຖານບ້ານ, ເລຂາພັກບ້ານ, ນາຍບ້ານທົ່ວເມືອງ ເຂົ້າຮ່ວມ 158 ສະຫາຍ, ຍິງ 22 ສະຫາຍ. ເຊີ່ງກອງປະຊຸມດັ່ງກ່າວ ໄດ້ດໍາເນີນໄປເປັນເວລາ 1 ວັນ, ເຊີ່ງເເບ່ງອອກເປັນສອງວາລະ ຄື: ວາລະພາຍໃນ ແລະ ວາລະເປີດກວ້າງ.

ສະຫາຍ ບຸນຈັນ ມາລາວົງ ເລຂາພັກເມືອງ ວ່າການເຈົ້າເມືອງໆວັງວຽງ ໄດ້ໃຫ້ກຽດກ່າວເປີດກອງປະຊຸມ ແລະຍັງໄດ້ຜ່ານບົດສະຫລຸບການເຄື່ອນໄຫວ ແຕ່ກອງປະຊຸມໃຫຍ່ອົງຄະນະພັກເມືອງ ຄັ້ງທີ VII ມາເຖິງປະຈຸບັນ ແລະທິດທາງແຜນການຮອດກອງປະຊຸມຄົບຄະນະບໍລິຫານງານພັກເມືອງວັງວຽງ ຄັ້ງທີ 3 ສະໄໝທີVII,

ມະຕິຕົກລົງຂອງຄະນະປະຈຳພັກແຂວງວຽງຈັນ ສະບັບເລກທີ 113/ຄປພຂຈ ລົງວັນທີ 27 ມີນາ 2020 ວ່າດ້ວຍການອະນຸມັດຮັບຮອງເອົາຄະນະບໍລິຫານງານພັກເມືອງວັງວຽງ ສະໄໝທີVII , ມະຕິຕົກລົງຂອງຄະນະປະຈໍາພັກແຂວງວຽງຈັນ ສະບັບເລກທີ 102/ຄປພຂຈ ລົງວັນທີ 27 ມີນາ 2020 ວ່າດ້ວຍການອະນຸມັດຮັບຮອງເອົາການແບ່ງຄວາມຮັບຜິດຊອບພາຍໃນຄະນະບໍລິຫານງານພັກເມືອງວັງວຽງ ສະໄໝທີVII.

ກອງປະຊຸມ ຍັງໄດ້ຮັບຟັງການຜ່ານບັນດາຮ່າງບົດຈຳແນກທ່າແຂງ-ທ່າອ່ອນ ຂອງຄະນະບໍລິຫານງານພັກເມືອງ ສະໄໝທີ VII; ຮ່າງໂຄງການດໍາເນີນງານ ຂອງຄະນະບໍລິຫານງານພັກເມືອງວັງວຽງ ສະໄໝທີ VII ແຕ່ປີ 2020-2024; ຮ່າງຂໍ້ກຳນົດວ່າດ້ວຍ ພາລະບົດບາດ, ສິດ-ຫນ້າທີ່ ແລະ ລະບອບແບບແຜນວິທີເຮັດວຽກ ຂອງຄະນະບໍລິຫານງານພັກເມືອງວັງວຽງ ສະໄໝທີ VII.


ຕອນທ້າຍກອງປະຊຸມ ຍັງໄດ້ຮັບຟັງການໂອ້ລົມຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆວຽງຈັນ, ເຊີ່ງສະຫາຍໄດ້ກ່າວສະແດງຄວາມຍ້ອງຍໍຊົມເຊີຍ ພ້ອມທັງຕີລາ ຄາສູງຕໍ່ຜົນສຳເລັດແຕ່ລະຂົງເຂດວຽກງານ ພາຍໃຕ້ການຊີ້ນຳໆພາຂອງອົງຄະນະພັກເມືອງວັງວຽງ ສະໄໝທີ VII.

ພ້ອມກັນນັ້ນ ສະຫາຍຍັງໄດ້ເໜັ້ນໜັກໃຫ້ສືບຕໍ່ ກຳນົດພາລະບົດບາດ, ສິດ ແລະ ຫນ້າທີ່ ຂອງຄະນະບໍລິຫານງານພັກເມືອງວັງວຽງ ໃຫ້ເປັນອັນລະອຽດຈະແຈ້ງ, ເອົາໃຈໃສ່ປະຕິບັດບັນດາຂໍ້ກຳນົດກົດລະບຽບ ແນວທາງນະໂຍບາຍຂອງພັກ-ລັດ ໂດຍສະເພາະກໍ່ແມ່ນ ກົດລະບຽບຂອງພັກ ສະໄໝທີ X, ມະຕິV ຂອງອົງຄະນະພັກແຂວງວຽງຈັນ, ມະຕິVII ຂອງອົງຄະນະພັກເມືອງ ໄປຈັດຕັ້ງປະຕິບັດຜັນຂະຫຍາຍລົງສູ່ພໍ່ແມ່ປະຊາຊົນໃຫ້ເລິກເຊີ່ງ

ຄຽງຄູ່ກັນນັ້ນກໍ່ຕ້ອງ ສຶກສາອົບຮົມການເມືອງນຳພາແນວຄິດ ຕິດພັນກັບອົງການຈັດຕັ້ງມະຫາຊົນເປັນກົກ ພ້ອມກັນຄົ້ນຄວ້າເນື້ອໃນເອກະສານ ແນວທາງນະໂຍບາຍຂອງພັກຫ-ລັດ ໃຫ້ມັນແທດເໝາະກັບສະພາບຄວາມເປັນຈິງ ຂອງແຕ່ລະທ້ອງຖິ່ງຮາກຖານ ເພື່ອລົງຈັດຕັ້ງເຊື່ອມຊືມໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930