Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບອ່າງລ້າງມືໃຫ້ກັບໂຮງຮຽນເປົ້າໝາຍຂອງອົງການ ກູດເນເບີລາວ ປະຈຳເມືອງໝື່ນ.

1 min read

ພິທີມອບ – ຮັບລະບົບນ້ຳໃຊ້ ແລະ ອ່າງລ້າງມືໃຫ້ກັບໂຮງຮຽນເປົ້າໝາຍຂອງອົງການ ກູດເນເບີລາວ ປະຈຳເມືອງໝື່ນ.
ວັນທີ່ 22 ພຶດສະພາ 2020 ນີ້ເມືອງໝື່ນໄດ້ຈັດພິທີມອບ – ຮັບ ລະບົບນ້ໍາໃຊ້ ແລະ ອ່າງລ້າງມື ຂື້ນຢູ່ທີ່ໂຮງຮຽນ ປະຖົມສົມບູນບ້ານໂພນງາມ ເມືອງໝື່ນ ແຂວງວຽງຈັນ

ໂດຍເປັນປະທານຂອງ ທ່ານ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກລັດ ເມືອງໝື່ນ ມີ ທ່ານ ອາຈານ ສາຍຝົນ ສໍສັກສິດ ກຳມະການພັກເມືອງ ຫົວໜ້າຫ້ອງການ ສືກສາທິການ ແລະ ກິລາ ເມືອງໝື່ນ ,ມີທ່ານ ສຸກສະຫວັນ ຕ່າງໜ້າອົງການກູດເນເບີ ປະຈຳເມືອງໝື່ນ, ມີບັນດາ ຜູ້ອຳນວຍການໂຮງຮຽນ 6 ແຫ່ງໃນເມືອງໝື່ນ ພ້ອມດ້ວຍບັນດາຄູອາຈານ ແລະ ແຂກທີ່ຖືກເຊີນ ເຂົ້າຮ່ວມຢ່າງພ້ອມພຽງ.


ໃນພິທີ ທ່ານ ສຸກສະຫວັນ ຜູ້ຕ່າງໜ້າໃຫ້ ອົງການກູດເນເບີ ປະຈຳເມືອງໝື່ນກໍ່ໃດ້ຂື້ນລາຍງານສະພາບລວມຂອງການກໍ່ສ້າງ ແລະ ສ້ອມແປງ ລະບົບນ້ຳໃຊ້ ແລະ ອ່າງລ້າງມື ໂດຍມີ ງົບປະມານໃນການ ກໍ່ສ້າງ ແລະ ສ້ອມແປງໃນຄັ້ງນີ້ ລວມມູນຄ່າ: 53,407,000 ກີບ ເຊີ່ງໃນນັ້ນມີ 2 ໂຮງຮຽນທີ່ໄດ້ຮັບໂຄງການກໍ່ສ້າງລະບົບນ້ຳໃຊ້ ຄື ໂຮງຮຽນ ປະຖົມສົມບູນບ້ານນາບົວ ແລະ ໂຮງຮຽນ ປະຖົມສົມບູນບ້ານໂພນງາມ ລວມມູນຄ່າທັງໝົດ: 41,000,000 ກີບ ແລະ ມີ 4 ໂຮງຮຽນທີ່ໄດ້ຮັບໂຄງການກໍ່ສ້າງ ອ່າງລ້າງມືຄື: ໂຮງຮຽນ ປະຖົມສົມບູນບ້ານໂນນຕ້ອງ, ໂຮງຮຽນປະຖົມສົມບູນບ້ານນ້ຳຮອນ, ໂຮງຮຽນປະຖົມສົມບູນບ້ານໂນນໄຮ ແລະ ໂຮງຮຽນປະຖົມສົມບູນບ້ານໂພນສີວິໄລ ລວມເປັນມູນຄ່າທັງໝົດ: 12,407,000 ກີບ ຫຼັງຈາກນັ້ນ

ທ່ານສຸກສະຫວັນ ຜູ້ຕາງໜ້າໃຫ້ແກ່ອົງການກູດເນເບີ ປະຈຳເມືອງໝື່ນໄດ້ຂື້ນກ່າວມອບຢ່າງເປັນທາງການໃຫ້ແກ່ ເມືອງໝື່ນກ່າວຮັບໂດຍ ທ່ານ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກລັດ ໂດຍ ຊ່ອງໜ້າຄູອາຈານພ້ອມດ້ວຍແຂກທີ່ຖືກເຊີນພາກສ່ວນທີ່ກ່ຽວຂ້ອງເປັນສັກຂີພີຍານ ຫຼັງຈາກນັ້ນ ທ່ານ ອາຈານ ສາຍຝົນ ສໍສັກສິດ ກຳມະການພັກເມືອງ ຫົວໜ້າຫ້ອງການ ສືກສາທິການ ແລະ ກິລາ ເມືອງໝື່ນ ກໍ່ໄດ້ຂື້ນ ແນະນຳການນຳໃຊ້ ແລະ ປົກປັກຮັກສາ ໃຫ້ແກ່ ບັນດາໂຮງຮຽນທີ່ໄດ້ຮັບໂຄງການໃນຄັ້ງນີ້ ພ້ອມກັນເອົາໃຈໃສ່ບົວລະບັດຮັກສາບໍ່ໃຫ້ແປ່ແພ ແລະ ພ້ອມກັນນຳໃຊ້ໃຫ້ເກີດຜົນປະໂຫຍດສູງສຸດ.


ທ້າຍພິທີ ທ່ານ ພອນເທີດ ສຸຫວັດດີ ຮອງເລຂາພັກເມືອງ ປະທານກວດກາພັກລັດ ໃນນາມປະທານພິທີໄດ້ໃຫ້ກຽດຂື້ນໂອ້ລົມ, ໃຫ້ຄຳຄິດຄຳເຫັນ, ແນະນຳວິທີປົກປັກຮັກສາ – ຄຸ້ມຄອງ ໃຫ້ແກ້ ບັນດາໂຮງຮຽນ ແລະ ກ່າວຂອບໃຈມາຍັງ ອົງການກູດເນເບີ ປະຈຳເມືອງມື່ນ ທີ່ໄດ້ໃຫ້ການຊ່ວຍເຫຼືອເມືອງໝື່ນມາໂດຍຕະຫຼອດພ້ອມທັງຫວັງຢ່າງຍິ່ງວ່າໃນໂອກາດຕໍ່ໄປ ເມືອງໝື່ນຂອງພວກເຮົາ ຈະໄດ້ຮັບການຊ່ວຍເຫຼືອດີໆແບບນີ້ຈາກທ່ານຕື່ມອືກ.


ຂ່າວ: ຄຳເພັດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031