Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ

1 min read

ອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X ມາດຕາ 02 ວ່າດ້ວຍ: ການພິຈາລະນາສະມາຊິກພັກສຳຮອງຂຶ້ນເປັນສະມາຊິກພັກສົມບູນ.


ໃນວັນທີ 24 ພຶດສະພາ 2020 ຢູ່ຫ້ອງປະຊຸມຂອງອົງການກຳມະບານແຂວງ ໄດ້ມີພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ, ເຂົ້າຮ່ວມພິທີໃນຄັ້ງນີ້ມີສະຫາຍ ຄຳພູທອນ ເທບສຸພົມ ກຳມະການພັກແຂວງ ເລຂາໜ່ວຍພັກ ປະທານຄະນະບໍລິຫານງານ ສະຫະພັນກຳມະບານແຂວງວຽງຈັນ, ສະຫາຍ ສອນໄຊ ຫຼວງອາໄພ ຮອງຫົວໜ້າຄະນະຈັດຕັ້ງແຂວງ, ມີແຂກຖືກເຊີນ, ສະມາຊິກພັກພາຍໃນໜ່ວຍ ສະຫະພັນກຳມະບານແຂວງ ເຂົ້າຮ່ວມຢ່າງພ້ອມພຽງ.


ໃນພິທີໄດ້ຜ່ານມະຕິຕົກລົງຂອງຄະນະປະຈຳພັກແຂວງວຽງຈັນ ເລກທີ 120 / ຄປພຂຈ ລົງວັນທີ 27 ມີນາ 2020ວ່າດ້ວຍ: ການອະນຸມັດເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 01 ສະຫາຍ, ຄືສະຫາຍ ເຊັ່ງ ສີວັນນະລົມ ສັງກັດຢູ່ໜ່ວຍພັກສະຫະພັນກຳມະບານແຂວງວຽງຈັນ ເຊິ່ງໄດ້ຜ່ານການຝຶກຝົນຫຼ່ໍຫຼອມ, ກໍ່ສ້າງ ແລະ ທົດສອບໃນຂະບວນການວຽກງານຕົວຈິງ, ມີຜົນງານດີເດັ່ນ, ໄດ້ຮັບຄວາມໄວ້ວາງໃຈຈາກການຈັດຕັ້ງແລະ ມະຫາຊົນໃນສະໄໝສຳຮອງເປັນເວລາ 12 ເດືອນຈຶ່ງໄດ້ເລື່ອນຂຶ້ນເປັນສະມາຊິກພັກສົມບູນ.


ຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກ ສະຫາຍ ຄຳພູທອນ ເທບສຸພົມ ເລຂາໜ່ວຍພັກເຊິ່ງສະຫາຍໄດ້ກ່າວຍ້ອງຍໍຊົມເຊີຍຕໍ່ສະຫາຍສະມາຊິກພັກສຳຮອງທີ່ໄດ້ສ້າງຜົນງານດ້ານຕ່າງໆ.

ຝຶກຝົນຫຼ່ໍຫຼອມຕົນເອງຈົນໄດ້ເລື່ອນຂຶ້ນເປັນສະມາຊິກພັກສົມບູນ ແລະ ຍັງໄດ້ຮຽກຮ້ອງໃຫ້ສະມາຊິກພັກໃໝ່ ແລະ ສະມາຊິກພັກແຕ່ລະສະຫາຍພາຍໃນໜ່ວຍພັກສະຫະພັນກຳມະບານແຂວງວຽງຈັນ ຈົ່ງພ້ອມກັນ ເປັນເຈົ້າການປະຕິບັດແນວທາງ, ນະໂຍບາຍ, ມະຕິ, ຄຳສັ່ງ, ກົດລະບຽບພັກ, ລັດຖະທຳມະນູນ ແລະ ກົດໝາຍຂອງລັດ, ປະກອບສ່ວນເຂົ້າໃນການກໍ່່ສ້າງ,ບູລະນະແນວທາງ, ແຜນນະໂຍບາຍ, ຕັ້ງໜ້າຝຶກຝົນຫຼ່ໍຫຼອມຕົນເອງໃນທຸກດ້ານ ແລະ ເຮັດສຳເລັດໜ້າທີ່ທີ່ພັກມອບໝາຍໃຫ້.

ຂ່າວ: ວຽງຄຳ ເພັດດາວົງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031