Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມໃຫຍ່ຄັ້ງທີ VI ໜ່ວຍພັກສະຫະພັນກຳມະບານແຂວງວຽງຈັນ.

1 min read

ສຳເລັດກອງປະຊຸມໃຫຍ່ຄັ້ງທີ VI
ໜ່ວຍພັກສະຫະພັນກຳມະບານແຂວງວຽງຈັນ.


ໂດຍປະຕິບັດຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X ໝວດທີ 6 ມາດຕາ 30 ວ່າດ້ວຍ: ສະໄໝກອງປະຊຸມໃຫຍ່ຄະນະພັກຮາກຖານ, ໜ່ວຍພັກຮາກຖານ ແລະ ໜ່ວຍພັກທີ່ຂື້ນກັບຄະນະພັກຮາກຖານ.


ກອງປະຊຸມໃຫຍ່ຄັ້ງທີ VI ຂອງໜ່ວຍພັກສະຫະພັນກຳມະບານແຂວງວຽງຈັນ ໄດ້ໄຂຂື້ນ.

ວັນທີ28 ພືດສະພາ 2020 ທີ່ຫ້ອງປະຊຸມອົງການແນວລາວສ້າງຊາດແຂວງວຽງຈັນ ໂດຍການເປັນປະທານຂອງ ສະຫາຍ ຄຳພູທອນ ເທບສຸພົມ ກຳມະການພັກແຂວງ ເລຂາໜ່ວຍພັກ ປະທານສະຫະພັນກຳມະບານແຂວງວຽງຈັນ,


ໃຫ້ກຽດເຂົ້າຮ່ວມຂອງສະຫາຍ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນ, ມີສະຫາຍ ຄຳປອງ ຄຳສີດາ ຮອງຫົວໜ້າຄະນະຈັດຕັ້ງແຂວງວຽງຈັນ, ພ້ອມຄະນະຮັບຜິດຊອບກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ, ມີແຂກຮັບເຊີນ ພ້ອມດ້ວຍສະມາຊິກພັກສົມບູນ ສຳຮອງເຂົ້າຮ່ວມຢ່າງພ້ອມພຽງ.


ວາລະກອງປະຊຸມ ສະຫາຍ ຄຳພູທອນ ເທບສຸພົມ ໄດ້ກ່າວໄຂກອງປະຊຸມຢ່າງເປັນທາງການ ພ້ອມທັງຜ່ານຮ່າງບົດລາຍງານການເມືອງ, ຮ່າງບົດສຳຫລວດການນຳພາລວມ ຂອງໜ່ວຍພັກ ສະຫະພັນກຳມະບານແຂວງວຽງຈັນ


ໂດຍຍົກໃຫ້ເຫັນຜົນງານ ດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນໃນການຊີ້ນຳ – ນຳພາການຈັດຕັ້ງປະຕິບັດໃນໄລຍະ 5 ປີຜ່ານມາ,


ພ້ອມທັງເປັນເອກະພາບຮັບຮອງເອົາທິດທາງ ແຜນການໃນຕໍ່ໜ້າ, ຕະຫລອດໄລຍະທີ່ຜ່ານມາ ຄະນະໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ພະນັກງານ, ສະມາຊິກພັກເປັນບັນຫາສຳຄັນໂດຍຕິດພັນເຂົ້າໃນຂະບວນການນຳພາການ ຈັດຕັ້ງປະຕິບັດ ແລະ ນຳພາເຂົ້າຮ່ວມ


ເຊື່ອມຊຶມແນວງທາງແຜນນະໂຍບາຍຂອງພັກ, ມະຕິ, ຄຳສັ່ງ, ຄຳແນະນຳ ກົດລະບຽບຂອງພັກ, ກົດໝາຍຂອງລັດ, ມີຄຸນທາດການເມືອງທີ່ໜັກແໜ້ນ ພ້ອມກັນກໍ່ສ້າງໜ່ວຍພັກ ໃຫ້ກາຍເປັນໜ່ວຍພັກປອດໃສ ເຂັ້ມແຂງ ໜັກແໜ້ນ.


ຊີ້ນຳບັນດາອົງການຈັດຕັ້ງມະຫາຊົນ ເຄື່ອນໄຫວຕາມພາລະບົດບາດ, ນຳພາຈັດຕັ້ງປະຕິບັດ ແນວທາງນະໂຍບາຍຂອງພັກ, ຂໍ້ກຳນົດ, ກົດໝາຍຂອງລັດ, ວຽກງານປ້ອງກັນຊາດ ປ້ອງກັນຄວາມສະຫງົບໃຫ້ປະກົດຜົນເປັນຈິງ.

ກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ເຊິ່ງມີ 05 ສະຫາຍ ເລືອກເອົາ 03 ສະຫາຍ, ກອງປະຊຸມຄັ້ງປະຖົມມະລຶກເປັນເອກະສັນເລືອກເອົາ ສະຫາຍ ຄຳພູທອນ ເທບສຸພົມ ເປັນເລຂາໜ່ວຍພັກ, ສະຫາຍ ບົວລຳແພງ ວາງປະດິດ ເປັນຮອງເລຂາໜ່ວຍພັກ ແລະ ສະຫາຍ ນາງ ບຸນຄ້ຳ ສີສຸທຳ ເປັນຄະນະ.


ໃນຕອນທ້າຍພິທີໄດ້ຮັບຟັງການໂອ້ລົມຂອງ ສະຫາຍ ທອງສະຫວັນ ວົງສຳພັນ ເຊິ່ງສະຫາຍໄດ້ຍ້ອງຍໍຊົມເຊີຍຕໍ່ການຊີ້ນຳ – ນຳພາ ຂອງຄະນະພັກສະຫະພັນກຳມະບານແຂວງຊຸດທີ V ທີ່ໄດ້ເອົາໃຈໃສ່ຊີ້ນຳ – ນຳພາພະນັກງານ, ສະມາຊິກພັກ ປະຕິບັດໜ້າທີ່ການເມືອງ ແລະ ຍາດໄດ້ຜົນສຳເລັດໃນຫລາຍດ້ານ, ພ້ອມທັງສະແດງຄວາມຮັກແພງ ຄວາມເປັນຫ່ວງເປັນໄຍ ຕໍ່ບັນດາດ້ານອ່ອນ, ຂໍ້ຄົງຄ້າງ ທີ່ຈະຕ້ອງໄດ້ພ້ອມກັນແກ້ໄຂໃນຕໍ່ໜ້າ


ພ້ອມທັງມີຄວາມເຊື່ອໝັ້ນຕໍ່ຄະນະພັກຊຸດໃໝ່ທີ່ຈະຕ້ອງໄດ້ສືບຕໍ່ຊີ້ນຳ – ນຳພາ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ໜ່ວຍພັກສະຫະພັນກຳມະບານແຂວງວຽງຈັນ ຄັ້ງທີ VI ໃຫ້ປະກົດຜົນເປັນຈິງໃນຕໍ່ໜ້າ, ກອງປະຊຸມໄດ້ອັດລົງດ້ວຍຜົນສຳເລັດອັນຈົບງາມ.

ຂ່າວ: ໄຊປັນຍາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed