Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກ ສາທາລະນະສຸກແຂວງ ວຽງຈັນ ຈັດພິທີສະເຫຼີມສະຫຼອງວັນເດັກນ້ອຍສາກົນ ແລະ ປູກຕົ້ນໄມ້ແຫ່ງຊາດ.

1 min read

ພິທີສະເຫຼີມສະຫຼອງວັນວັນນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ 2020 ໄດ້ຈັດຂື້ນ ຢູ່ທີ່ສູນບຳບັດຢາເສບຕິດເມືອງໂພນໂຮງ ແຂວງວຽງຈັນ ພາຍໃຕ້ການເປັນປະທານຂອງທ່ານ ດຣ ອິນປອນ ມະນີແສງ ຫົວໜ້າພະແນກສາທາລະນະສຸກແຂວງ, ມີແຂກຖືກເຊີນ ພ້ອມດ້ວຍນ້ອງນ້ອຍເຍົາວະຊົນເຂົ້າຮ່ວມ.


ທ່ານ ດຣ ອິນປອນ ມະນີແສງ ຫົວໜ້າພະແນກສາທາລະນະສຸກແຂວງ ວຽງຈັນ ໄດ້ຜ່ານສານຂອງພະນະທ່ານ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດວັນເດັກສາກົນ 1 ມິຖຸນາ 2020,

ບາງຕອນທ່ານກ່າວວ່າ ໃນໂອກາດວັນເດັກສາກົນ 01 ມິຖຸນາ ປີນີ້,ຂໍໃຫ້ເດັກລາວບັນດາເຜົ່າ ຈົ່ງມີສຸຂະພາບແຂງແຮງເອົາໃຈໃສ່ສະກັດກັ້ນ, ກັນການລະບາດ, ຄວບຄຸມ ພະຍາດ COVID-19 ແລະ ຮ່ວມກັນການສະເຫລີມສະຫລອງວັນເດັກສາກົນປີນີ້ ຈົ່ງປະສົບຜົນສຳເລັດຢ່າງຈົບງາມ.


ວັນເດັກສາກົນ 01 ມິຖຸນາປີນີ້, ແມ່ນເປັນການທົບທວນຄືນຜົນສໍາເລັດການຈັດຕັ້ງປະຕິບັດການສົ່ງເສີມສິດທິເດັກ, ການປົກປ້ອງເດັກ, ການຕ້ານສະກັດກັ້ນແລະແກ້ໄຂການໃຊ້ຄວາມຮຸນແຮງຕໍ່ເດັກທີ່ສາມາດຍາດໄດ້ໃນຊຸມປີທີ່ຜ່ານມາ


ໂດຍສະເພາະ ການເຂົ້າຮ່ວມຂອງ ສປປ ລາວໃນໂອກາດວັນ ຄົບຮອບ 30 ປີ ຂອງສົນທິສັນຍາ ວ່າດ້ວຍສິດທິເດັກ(20 ພະຈິກ 1989-20 ພະຈິກ 2019) ໃນເວທີສຳຄັນຕ່າງໆ ເປັນຕົ້ນ ນຳພາຕົວແທນເດັກລາວ ເຂົ້າຮ່ວມເວທີສະພາສິດທິມະນຸດ, ອົງການສະຫະປະຊາຊາດ, ທີ່ນະຄອນເຈນນິວາ, ປະເທດສະວິດເຊີແລນ; ເວທີຄະນະກຳມະການສິດທິເດັກທີ່ນິວຢອກ, ປະເທດສະຫະລັດອາເມລິກາ; ເວທີພາກພື້ນອາຊີ-ປາເຊີຟິກ ແລະ ເວທີພາກພື້ນອາຊຽນ;

ສຳລັບຢູ່ ສປປ ລາວ ພວກເຮົາ ແມ່ນໄດ້ຈັດກອງປະຊຸມລະດັບສູງ ເພື່ອສະຫຼຸບຕີລາຄາຄືນໝາກຜົນການຈັດຕັ້ງປະຕິບັດສົນທິສັນຍາສິດທິເດັກ ຕະຫຼອດໄລຍະ 30 ປີຜ່ານມາ ແລະ ກຳນົດທິດທາງການພັດທະນາເດັກລາວບັນດາເຜົ່າ ຮອດປີ2030 ແລະ ການບັນລຸເປົ້າຫມາຍການພັດທະນາແບບຍືນຍົງ.


ກິດຈະກຳໃນຄັ້ງນີ້, ໄດ້ມີກິດຈະກຳກວດສຸຂະພາບແຂ້ວໃຫ້ແກ່ເດັກນ້ອຍ ແລະ ປູກເບ້ຍໄມ້ປະດັບ – ເບ້ຍໄມ້ອຸດສະຫະກຳ 400 ກວ່າຕົ້ນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031