Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຊົມເຊີຍຜົນສຳເລັດ ກອງປະຊຸມໃຫຍ່ ຜູ້ແທນອົງຄະນະພັກ ເມືອງຫີນເຫີບ ຄັ້ງທີ IV.

1 min read

ກອງປະຊຸມໃຫຍ່ ຜູ້ແທນອົງຄະນະພັກ ເມືອງ ຫີນເຫີບ ແຂວງວຽງຈັນ, ໄດ້ໄຂຂຶ້ນຢ່າງເປັນທາງການ ໃນວັນທີ 3-4 ມີຖຸນາ 2020 ນີ້ ຢູ່ທີ່ສະໂມສອນຂອງເມືອງ ໂດຍການເປັນປະທານຂອງ ສະຫາຍ ຄຳຫລ້າ ບຸນຍາສິງ ວ່າການເລຂາພັກເມືອງ ເຈົ້າເມືອງຫີນເຫີບ ແລະ ໃຫ້ກຽດເຂົ້າຮ່ວມຂອງສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງເຈົ້າແຂວງວຽງຈັນ, ມີບັນດາຄະນະຊີ້້້ນຳກອງປະຊຸມໃຫຍ່ສາມຂັ້ນຂອງແຂວງ, ອາດີດການນຳ,ພະນັກງານອາວຸໂສ-ບຳນານ ຂອງເມືອງ, ເຈົ້າເມືອງອ້ອມຂ້າງ, ມີຜູ້ແທນສົມບູນເຂົ້າຮ່ວມທັງໝົດ 118ສະຫາຍ, ຍິງ11ສະ ຫາຍ ເຊິ່ງເປັນຕົວແທນໃຫ້ແກ່ສະມາຊິກພັກທົ່ວເມືອງ 1.266 ສະຫາຍ ຍີງ 268 ສະຫາຍ ເຂົ້າຮ່ວມ.

ສະຫາຍ ຄຳຫລ້າ ບຸນຍາສີງ ວ່າການເລຂາພັກເມືອງ, ເຈົ້າເມືອງຫີນເຫີບໄດ້ຂື້ນກ່າວໄຂກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບຄັ້ງທີIVຢ່າງເປັນທາງການເຊິ່່ງສະຫາຍ ໄດ້ກ່າວວ່າ :

ກອງປະຊຸມຄັ້ງນີ້ບັນດາຜູ້ແທນສົມບູນ ໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນ ໃສ່ຮ່າງບົດລາຍງານການເມືອງ, ແຜນພັດທະນາເສດຖະກິດ-ສັງຄົມ, ບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງຊຸດເກົ່າ, ໄດ້ຕີລາຄາດ້ານດີ, ດ້ານອອ່ນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບັດ ມະຕິກອງປະຊຸມໃຫ່ຍ ຄັ້ງທີ llI ໃນ 5 ປີ ຜ່ານມາ,

ພ້ອມນີ້ກອງປະຊຸມໃຫ່ຍໄດ້ເປັນເອກະສັນກັນ ຮັບຮອງເອົາທິດທາງແຜນການ 5 ປີ ນັບແຕ່ 2020 ຮອດປີ 2024 ຢຶດໝັ້ນ ແລະ ປະຕິບັດແນວທາງປ່ຽນແປງໃໝ່ຂອງພັກ ຮັບປະກັນໃຫ້ເມືອງ ຫີນເຫີບ ມີສະຖຽນນະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ, ການພັດທະນາເສດຖະກິດ-ສັງຄົມ ກັບວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ.

ສ້າງເງື່ອນໄຂພັດທະນາຕາມແລວເສດຖະກິດຂອງແຂວງ ແນໃສ່ເຮັດໂຄງປະກອບເສດຖະກິດຂອງເມືອງ ໃຫ້ມີການຫັນປ່ຽນໄປຕາມທິດຢ່າງຕໍ່ເນື່ອງ, ໝັ້ນທ່ຽງ, ເປັນຮູບປະທໍາ ແລະ ສົມສ່ວນ ເພື່ອສູ້ຊົນເຮັດໃຫ້ຈັງຫວະການຂະຫຍາຍຕົວຂອງລາຍຮັບພາຍໃນເມືອງ ຮອດປີ 2024 ຢູ່ໃນອັນດັບ 7% ຕໍ່ປີ, ລວມຍອດຜະລິດຕະພັນພາຍໃນບັນລຸ 629,91 ຕື້ກີບ, ສະເລ່ຍລາຍຮັບຫົວຄົນໃຫ້ບັນລຸຜູ້ໜື່ງໄດ້ຮັບ17,53 ລ້ານກວ່າກີບ ຕໍ່ຄົນຕໍ່ປີ ເທົ່າກັບ1.993ໂດລາສະຫະລັດ, ຜະລິດເຂົ້າເປືອກສະເລ່ຍຫົວຄົນໃຫ້ບັນລຸ 397 ກິໂລຕໍ່ຄົນຕໍ່ປີ, ພ້ອມນີ້ ຍັງໄດ້ຮັບຟັງການປະກອບຄຳຄິດຄຳເຫັນຈາກບັນດາຫ້ອງການ ແລະ ຄອບຄົວຕົວແບບຢູ່ພາຍໃນເມືອງ.

ໃນກອງປະຊຸມຍັງໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກ ເອົາຄະນະບໍລິຫານງານພັກເມືອງຊຸດໃໝ່ ເຊິ່ງມີຜູ້ຮັບສະໝັກເລືອກຕັ້ງ 23 ສະຫາຍ, ຍິງ 4 ສະຫາຍ.

ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາຄະນະບໍລິຫານງານພັກເມືອງຈຳນວນ 19 ສະຫາຍ, ຍິງ 3 ສະຫາຍ, ເລືອກເອົາຄະນະປະຈຳ 5 ສະຫາຍ, ເລືອກເອົາ ສະຫາຍ ວອນ ວໍລະສານ ເປັນເລຂາພັກເມືອງ, ສະຫາຍ ຄຳຫລ້າ ບຸນຍາສິງ ແລະ ສະຫາຍ ກົງຈັນ ພັນທະມິດ ເປັນຮອງເລຂາພັກເມືອງ, ເລືອກເອົາ ສະຫາຍ ຄຳຫລ້າ ບຸນຍາສິງ ເປັນປະທານກວດກາ ພັກເມືອງ, ສະຫາຍ ສົມພັນ ອິນທະວົງ ແລະ ສະຫາຍ ສໍລະພົງ ລາດຊະວົງ ເປັນຮອງປະທານກວດກາ, ເລືອກເອົາຜູ້ແທນສົມບູນ ແລະ ສຳຮອງ 12 ສະຫາຍ,ຍິງ 2 ສະຫາຍ ໄປຮ່ວມກອງປະຊຸມໃຫຍ່ອົງຄະນະພັກແຂວງວຽງຈັນຄັ້ງທີ VI ຕື່ມອີກ,

ໂອກາດດຽວກັນນີ້ ສະຫາຍ ຄຳພັນ ສິດທິດຳພາ ກຳມະການສູນກາງພັກເລຂາພັກແຂວງເຈົ້າແຂວງຯວຽງຈັນ ໄດ້ຮຽກຮ້ອງມາຍັງຄະນະບໍລິຫານງານພັກຊຸດໃໝ່, ສະມາຊິກພັກທຸກສະຫາຍຈົ່ງເຊີດຊູຄວາມສາມັກຄີເປັນຈິດໜື່ງໃຈດຽວ, ຄະນະພັກອຳນາດການປົກຄອງທຸກຂັ້ນຈະຕ້ອງໄດ້ເພີ່ມທະວີຄວາມສາມັກຄີກັບພໍ່ແມ່ປະຊາຊົນບັນດາເຜົ່າ, ເພີ່ມທະວີການສຶກສາອົບຮົມການເມືອງແນວຄິດໃຫ້ມີຄວາມເລິ່ງເຊິ່ງເຖິງຖອງຕິດພັນກັບທຸກວຽກງານ,

ເຮັດໃຫ້ແບບແຜນການນຳພາມີບາດກ້າວໃຫມ່ໄປຕາມທິດສັງຄົມນິຍົມຢ່າງຈະແຈ້ງ, ສຶບຕໍ່ຕ້ານ ແລະ ສະກັດກັ້ນທຸກປະກົດການຫຍໍ້ທໍ້ທີ່ຈະເກີດຂື້ນໃນສັງຄົມ, ປຸກລະດົມ ແລະ ສົ່ງເສີມພໍ່ແມ່ປະຊາຊົນໃຫ້ເອົາໃຈໃສ່ຜະລິດກາຍເປັນສິນຄ້າ ແລະ ພ້ອມກັນ ຈັດຕັ້ງປະຕິບັດມະຕິກອງປະຊຸມໃຫຍ່ ໃນຄັ້ງນີ້ໃຫ້ເກີດໝາກຜົນຕົວຈິງ.

ຂ່າວ : ຄຳຂຽນ ພົມມີໄຊ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031