Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະໂຄສະນາ-ອົບຮົມແຂວງວຽງຈັນ ສະເຫີຼມສະຫຼອງວັນເດັກນ້ອຍສາກົນ

1 min read

ຄະນະໂຄສະນາ-ອົບຮົມແຂວງວຽງຈັນ ສະເຫີຼມສະຫຼອງວັນເດັກນ້ອຍສາກົນ.


ພິທີດັ່ງກ່າວໄດ້ຈັດຂຶ້ນໃນວັນທີ 2 ມິຖຸນາ 2020 ຜ່ານມາໂດຍກາຍເປັນປະທານຂອງ ທ່ານ ຈັນທະວົງ ບົວລະພັນ ຮອງຫົວໜ້າຄະນະໂຄສະນາ-ອົບຮົມແຂວງວຽງຈັນ , ມີບັນດາພະນັກງານພ້ອມດ້ວຍນ້ອງນ້ອຍລູກຫຼານເຂົ້າຮ່ວມ.


ທ່ານ ຈັນທະວົງ ບົວລະພັນ ຮອງຫົວໜ້າຄະນະໂຄສະນາ-ອົບຮົມແຂວງວຽງຈັນ ໄດ້ຜ່ານສານຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ເນື່ອງໃນໂອກາດວັນເດັກນ້ອຍສາກົນ ວັນທີ 01 ມິຖຸນາ ໄດ້ໝູນວຽນມາບັນຈົບຄົບຮອບອີກວາລະໜຶ່ງ, ໄດ້ອວຍພອນ, ຝາກຄວາມຮັກແພງ
ແລະ ຄວາມຢ້ຽມຢາມຖາມຂ່າວອັນອົບອຸ່ນ ມາຍັງພວກລູກໆຫຼານໆ ທີ່ເປັນອານຸຊົນ ແລະ ເຍົາວະຊົນ
ໃນທົ່ວປະເທດ ແລະ ຂໍອວຍພອນ ບັນດາລູກຫຼານ ຈົ່ງມີສຸຂະພາບເຂັ້ມແຂງ, ມີຄວາມເບີກບານ
ມ່ວນຊື່ນ ໃນການສະຫຼອງວັນເດັກນ້ອຍສາກົນ ໃນໂອກາດນີ້ດ້ວຍ.


ການສະເຫຼີມສະຫຼອງວັນເດັກນ້ອຍສາກົນ ໃນທຸກໆປີ ແມ່ນປຽບດັ່ງບຸນໃຫຍ່ຂອງເດັກນ້ອຍ
ໃນທົ່ວໂລກ ກໍ່ຄືເດັກນ້ອຍລາວ ແຕ່ການສະເຫຼີມສະຫຼອງປີນີ້ ແມ່ນມີຄວາມແຕກຕ່າງຈາກທຸກໆປີ
ຜ່ານມາ ຈະບໍ່ໄດ້ມີການສະເຫຼີມສະຫຼອງໃຫຍ່ ແລະ ເຕົ້າໂຮມເດັກ ເປັນຈໍານວນຫຼາຍ ເພື່ອດຳເນີນກິດຈະກໍາຕ່າງໆ

ທີ່ຕິດພັນກັບການປູກຕົ້ນໄມ້ແຫ່ງຊາດ ເນື່ອງຈາກພວກເຮົາທັງຫຼາຍ ຍັງຢູ່ໃນໄລຍະແຫ່ງການປ້ອງກັນ, ຄວບຄຸມ ການແຜ່ລະບາດ ຂອງພະຍາດອັກເສບປອດສາຍພັນໃໝ່ (COVID19) ທີ່ກໍາລັງເປັນໄພຄຸກຄາມ ຕໍ່ຊີວິດ ກໍຄືຕໍ່ສຸຂະພາບຂອງຊາວໂລກ ຢ່າງກວ້າງຂວາງ, ລວມທັງ ຕໍ່
ລາວເຮົາອີກດ້ວຍ.


ນັບແຕ່ຕົ້ນປີ 2020 ມານີ້ ປະເທດເຮົາ ໄດ້ຮັບຜົນກະທົບຈາກການແຜ່ລະບາດຂອງພະຍາດ
ໂຄວິດ-19 ອັນໄດ້ສ້າງຜົນກະທົບອັນໃຫຍ່ຫຼວງ ຕໍ່ຊີວິດການເປັນຢູ່ຂອງພໍ່ແມ່ປະຊາຊົນ, ລວມທັງ ຕໍ່
ສຸຂະພາບ ແລະ ການຮຽນຂອງນັກຮຽນລາວເຮົາ ໃນລະບົບຂອງການຮຽນ-ການສອນ ໃນທົ່ວປະເທດ, ຕໍ່ສະພາບການດັ່ງກ່າວ, ລັດຖະບານ ໄດ້ເອົາໃຈໃສ່ປະຕິບັດມາດຕະການປ້ອງກັນ, ຄວບຄຸມສະກັດກັ້ນ ແລະ ແກ້ໄຂການແຜ່ລະບາດຂອງພະຍາດ COVID-19 ຢ່າງເຄັ່ງຄັດ, ທີ່ແນໃສ່ປ້ອງກັນ
ສຸຂະພາບ ແລະ ຊີວິດຂອງປະຊາຊົນ ເວົ້າລວມ, ໂດຍສະເພາະ ປົກປ້ອງເດັກນ້ອຍລາວບັນດາເຜົ່າ
ທີ່ເປັນອະນາຄົດຂອງປະເທດຊາດ.

ໃນພິທີຍັງໄດ້ມີການມອບຂອງຂວັນໃຫ້ນ້ອງນ້ອຍລູກຫຼານທີ່ເຂົ້າຮ່ວມໃນພິທີຄັ້ງນີ້ຕື່ມອີກ.

( ຂ່າວ : ບຸນມາ ແກ້ວບຸດດາ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031