Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກົມຄຸ້ມຄອງແຮງງານ ກະຊວງແຮງງານ-ສະຫວັດດີການສັງຄົມລົງເຄື່ອນໄຫວເຜີຍແຜ່ນິຕິກຳຕ່າງໆດ້ານວຽກງານຄຸ້ມຄອງແຮງງານຢູ່ເມືອງໂພນໂຮງແຂວງວຽງຈັນ

1 min read

ກົມຄຸ້ມຄອງແຮງງານ ກະຊວງແຮງງານ-ສະຫວັດດີການສັງຄົມລົງເຄື່ອນໄຫວເຜີຍແຜ່ນິຕິກຳຕ່າງໆດ້ານວຽກງານຄຸ້ມຄອງແຮງງານຢູ່ເມືອງໂພນໂຮງແຂວງວຽງຈັນ .


ກອງປະຊຸມເຜີຍແຜ່ນິຕິກຳດ້ານວຽກງານຄຸ້ມຄອງແຮງງານ ໃຫ້ແກ່ ເມືອງໂພນໂຮງ ແຂວງວຽງຈັນຈັດຂື້ນໃນວັນທີ4 ມິຖຸນາ 2020 ນີ້ຢູ່ທີ່ສະໂມສອນໃຫຍ່ຂອງເມືອງ

ທ່ານ ບຸນປອນ ມຸນຕິວົງ ຮອງ ຫົວໜ້າ ກົມຄຸ້ມຄອງແຮງງານ ກະຊວງແຮງງານສະຫວັດດີການ-ສັງຄົມ,ໃຫ້ກຽດເຂົ້າຮ່ວມມີທ່ານ ບຸນແທນ ແກ້ວປະເສີດ ຮອງເຈົ້າເມືອງໆໂພນໂຮງ,ມີພະແນກການກ່ຽວຂ້ອງຂອງແຂວງ,ຫ້ອງກ່ຽວຂ້ອງຂັ້ນເມືອງ,ຊາວກະສິກອນປູກຝັງ,ລ້ຽງສັດ ແລະ ນາຍບ້ານ 10 ບ້ານ 6 ກຸ່ມບ້ານ ເຂົ້າຮ່ວມ.


ຈຸດປະສົງໃນການເຜີຍແຜ່ນິຕິກຳສຳຄັນຄັ້ງນີ້ກໍ່ເພື່ອເຮັດຂະແໜງການກ່ຽວຂ້ອງຂອງເມືອງ,ກໍ່ຄືຮາກຖານບ້ານ ແລະ ຊາວກະສິກອນໄດ້ຮັບຮູ້ມີຄວາມເຂົ້າໃຈກ່ຽວກັບ ດຳລັດ,ນິຕິກຳ ແລະ ລະບຽບການຕ່າງໆໃນການຄຸ້ມແຮງງານ ແນ່ໃສເພື່ອຊຸກຍູ້ສົ່ງເສີມການຈັດຕັ້ງປະຕິບັດວຽກງານຄຸ້ມຄອງແຮງງານຢູ່ພາຍໃນເມືອງໂພນໂຮງຫັນສູ່ລະບຽບ ກົດໝາຍ ແລະ ມີປະສິດທິພາບດີຂື້ນ .

ໃຫ້ກຽດຂື້ນນຳພາເຜີຍແຜ່ເອກະສານຄັ້ງນີ້ໂດຍທ່ານ ບຸນປອນ ມຸນຕິວົງ ຮອງ ຫົວໜ້າກົມຄຸ້ມຄອງແຮງງານ ເປັນຕົ້ນເຜີຍແຜ່ດຳລັດເລກທີ 22 / ລບ ວ່າດ້ວຍຄວາມປອດໄພ ແລະ ສຸຂະພາບແຮງງານ,ດຳລັດ ເລກທີ 76 / ລບ ວ່າດ້ວຍ ການແກ້ໄຂຂໍ້ຂັດແຍ່ງທາງດ້ານແຮງງານ ,ການສ້າງສັນຍາແຮງງານ ລະຫວ່າງຜູ້ອອກແຮງງານ ແລະຜູ້ໃຊ້ແຮງງານ

ພ້ອມນີ້ກອງປະຊຸມຍັງໄດ້ປຶກສາຫາລືດ້ານວຽກງານຄຸ້ມຄອງແຮງງານເຊັ່ນ ການແກ້ໄຂຂໍ້ຂັດແຍ່ງທາງດ້ານແຮງງານ,ການສ້າງກົດລະບຽບພາຍໃນຫົວໜ່ວຍແຮງງານ ແລະ ບັນຫາອື່ນໆເພື່ອພ້ອມກັນຈັດຕັ້ງປະຕິບັດວຽກງານຄຸ້ມຄອງແຮງງານຢູ່ເມືອງໂພນໂຮງກໍ່ຄືແຂວງວຽງຈັນໃຫ້ໄດ້ຮັບຜົນດີເທື່ອລະກ້າວ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031