Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການກະສິກຳ ແລະ ປ່າໄມ້ເມືອງກາສີ ຈັດກິດຈະກຳປູກຕົ້ນໄມ້

1 min read

ໃນວັນທີ 4 ມິຖຸນາ 2020ນີ້, ຫ້ອງການກະສິກຳ ແລະປ່າໄມ້ເມືອງກາສີ ໄດ້ຈັດກິດຈະກຳປູກຕົ້ນໄມ້ຂື້ນຢ່າງເປັນທາງການ.

ໂຮງຮຽມມສ ບ້ານຈຽງ, ໂດຍການເປັນກຽດເຂົ້າຮ່ວມຂອງ ທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີຄຳສາຍ ສຸມຸນທອງ ຮອງຫົວໜ້າພະແນກກະສິກຳ ແລະປ່າໄມ້ ແຂວງວຽງຈັນ,

ມີທ່ານ ທອງພັນ ມາລີຄໍາ ຫົວໜ້າຫ້ອງການກະສິກຳ ແລະປ່າໄມ້ ເມືອງກາສີ, ມີບັນດາການນຳຂອງເມືອງ ພ້ອມດ້ວຍພະນັກງານ-ລັດຖະ ກອນ, ທະຫານ-ຕຳຫລວດ ພາຍໃນເມືອງ ຕະຫລອດຮອດ ຄູອາຈານ ແລະນ້ອງນັກຮຽນ ມສ ບ້ານຈຽງເຂົ້າຮ່ວມ.

ທ່ານ ທອງພັນ ມາລີຄໍາ ຫົວໜ້າຫ້ອງການ ກະສິກຳ ແລະປ່າໄມ້ເມືອງ ໄດ້ກ່າວບາງຕອນຕໍ່ພິ ທີວ່າ: ປ່າໄມ້ ແລະຊັບພະຍາກອນປ່າໄມ້ ແມ່ນຕິດພັນກັບຊີວິດການເປັນຢູ່ ຂອງປະຊາຊົນລ່ວບັນດາ ເຜົ່າມາແຕ່ດຶກດຳບັນ

ມັນມີຄວາມສຳຄັນຕໍ່ກັບການພັດທະນາເສດຖະກິດ-ສັງຄົມ ສະນັ້ນພັກ-ລັດຖະບານຍາມໃດກໍ່ໄດ້ເອົາໃຈໃສ່ ເຂົ້າໃນການປົກປັກຮັກສາ ແລະສ້າງສາພັດທະນາປ່າໄມ້ດ້ວຍດີຕະ ຫຼອດມາ ເຊີ່ງມັນສະແດງອອກໃນການກຳນົດແຜນຍຸດທະສາດ ຂອງວຽກງານປ່າໄມ້ຮອດປີ 2020 ຈະ ຕ້ອງໃຫ້ປ່າໄມ້ມີຄວາມອຸດົມສົມບູນແນ່ໃສ່ເຮັດໃຫ້ເນື້ອທີ່ຄວາມປັກຫຸ້ມຂອງປ່າໄມ້ກວມເອົາ 62% ຂອງ ເນື້ອທີ່ທົ່ວປະເທດ,

ໃນນັ້ນຕ້ອງເລ່ງໃສ່ຄຸ້ມຄອງປົກປັກຮັກສາປ່າໄມ້ ແລະ ພັດທະນາປ່າໄມ້ໄປຕາມລະບົບ 03 ປະເພດປ່າ ເປັນຕົ້ນ ປ່າສະຫງວນ, ປ່າປ້ອງກັນ ແລະ ປ່າຜະລິດ.

ໃນໄລຍະຜ່ານມາຫ້ອງການກະສິ ກຳ ແລະປ່າໄມ້ເມືອງກາສີ ແມ່ນໄດ້ເອົາໃຈໃສ່ປຸກລະດົມ ໃຫ້ພໍ່ແມ່ປະຊາຊົນບັນດາເຜົ່າ ຕະຫຼອດເຖີງພະນັກງານ, ທະຫານ, ຕຳຫຼວດ ໃຫ້ຮັບຮູ້ເຂົ້າໃຈເຖີງຄວາມສຳຄັນຕໍ່ກັບວຽກງານການປູກໄມ້ເປັນຂອງປວງຊົນລາວທັງຊາດ, ເຊີ່ງໃນຊຸມປີຜ່ານມາທົ່ວເມືອງສາມາດປູກໄມ້ໄດ້ທັງໝົດ 75,32 ເຮັກຕາ, ໃນນັ້ນປູກໄມ້ອຸດສາຫະກຳ 28,32 ເຮັກຕາ ແລະ ປູກໄມ້ໃຫ້ໝາກໄດ້ 47 ເຮັກຕາ ແລະ ໃນສົກປີ 2020ນີ້

ຕາມແຜນແມ່ນຈະລະດົມຊຸກຍູ່ພໍ່ແມ່ປະຊາຊົນປູກໄມ້ໃຫ້ເປັນປ່າ ແລະ ປູກໄມ້ໃຫ້ໝາກໃຫ້ໄດ້ 30,55 ເຮັກຕາ; ສຳຫລັບຕົ້ນໄມ້ທີ່ນຳມາປູກໃນຄັ້ງນີ້ປະກອບມີໄມ້ແຕ້ຂ່າ ຈຳນວນ 250 ເບ້ຍ; ໄມ້ດູ່ ຈຳນວນ 250 ເບ້ຍ ແລະ ໄມ້ໃຫ້ໝາກອີກ ຈໍານວນ 200 ເບ້ຍ ລວມເປັນເງີນທັງໝົດ 7.000.000 ກີບ,

ພ້ອມນີ້ຍັງໄດ້ມອບໃບຊົມເຊີຍ ແລະ ໃບຍ້ອງຍໍໃຫ້ແກ່ ບັນດານັກທຸລະກິດ, ຜູ້ປະກອບການ ທີ່ປະກອບສ່ວນທືນຮອນໃນການປູກຕົ້ນໄມ້ໃນຄັ້ງນີ້ອີກດ້ວຍ.

ໃນໂອກາດດັ່ງກ່າວ ທ່ານ ເຈົ້າເມືອງໆກາສີ ໄດ້ກ່າວ ສະແດງຄວາມຍ້ອງຍໍຊົມເຊີຍຕໍ່ຄະນະພັກ, ຄະນະນຳຂອງເມືອງ ເວົ້າລວມ ເວົ້າສະເພາະກໍ່ແມ່ນຄະນະຫ້ອງການ ກໍ່ຄືພະນັກງານກະສິກຳ ແລະປ່າໄມ້ເມືອງ ທີ່ໄດ້ເອົາໃຈໃສ່ຫ້າງຫາກະກຽມ ຈັດກິດຈະກຳປູກເບ້ຍໄມ້ໃນຄັ້ງນີ້ ໃຫ້ມີຜົນສຳເລັດຕາມລະກັບຄາດໝາຍທີ່ວາງໃວ້.

ທ່ານຍັງໄດ້ຮຽກຮ້ອງໃຫ້ຄູ-ອາຈານ ຕະຫຼອດຮອດນ້ອງນັກຮຽນ ພາຍໃນໂຮງຮຽນ ມສ ບ້ານຈຽງ ຈົ່ງພ້ອມກັນເອົາໃຈໃສ່ບົວລະບັດ ປົກປັກຮັກສາເບ້ຍໄມ້ທີ່ນຳມາປູກໃນຄັ້ງນີ້ ໃຫ້ມີການຈະເລີບເຕີບໂຕ ແລະໄດ້ຮັບຜົນປະໂຫຍດສູງສຸດ; ພະນັກງານກະສິກຳ ແລະປ່າໄມ້ເມືອງ ກໍຕ້ອງໄດ້ເອົາໃຈໃສ່ລົງຕິດຕາມແນະນຳຊຸກຍູ້ສົ່ງເສີມ ພ້ອມທັງເກັບກຳຂໍ້ມູນການປູກໄມ້ ຂອງນັກທຸລະກິດ, ປະຊາຊົນ, ບັນດາກົມກອງ-ຫ້ອງການຕ່າງໆ

 

ຢູ່ພາຍໃນເມືອງ ເພື່ອໃຫ້ໄດ້ລະດັບຄາດໝາຍ ແລະ ແຜນການທີ່ວາງໃວ້. ຫຼັງຈາກ ນັ້ນການນຳ ເມືອງກໍໄດ້ນຳພາ ອ້າຍນ້ອງພະນັກ, ທະຫານ, ຕຳຫຼວດ, ຄູ-ອາຈານ ພ້ອມດ້ວຍນ້ອງນັກຮຽນ ປູກເບ້ຍ ໄມ້ອ້ອມຕາມຂອບເຂດເດີ່ນໂຮງຮຽນ ມສ ບ້ານຈຽງ.
ຂ່າວ: ອຳພອນ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031