Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໜ່ວຍພັກ ສານປະຊາຊົນ ແຂວງ ວຽງຈັນ ສຳເລັດກອງປະຊຸມໃຫຍ່ ຄັ້ງທີ IVຂອງຕົນ.

1 min read

ກອງປະຊຸມໃຫຍ່ ຄັ້ງທີ lV ຂອງໜ່ວຍພັກດັ່ງກ່າວ ໄດ້ໄຂຂຶ້ນ ແລະ ສຳເລັດ ໃນວັນທີ 9ມີຖຸນາ 2020 ຜ່ານມາ

ຢູ່ທີ່ຫ້ອງປະຊຸມ ສານປະຊາຊົນ ແຂວງ ວຽງຈັນ, ໂດຍການເປັນປະທານຂອງ ສະຫາຍ ອຸດົມ ພົມມະລິນ ເລຂາຫນ່ວຍພັກສານປະຊາຊົນ ແຂວງ ວຽງຈັນ, ເປັນກຽດເຂົ້າຮ່ວມຂອງ ສະຫາຍ ບຸນເພັງ ສາຍນໍລະດີ ຮອງ ເລຂາພັກແຂວງ, ມີເລຂາໜ່ວຍພັກອ້ອມຂ້າງ,

ຄະນະຊີ້ນຳກອງປະຊຸມໃຫຍ່ສາມຂັ້ນຂອງແຂວງ ພ້ອມດ້ວຍສະມາຊິກພັກພາຍໃນໜ່ວຍພັກດັ່ງກ່າວເຂົ້າຮ່ວມ.

 


ສະຫາຍ ອຸດົມ ພົມມະລິນ ເລຂາຫນ່ວຍພັກສານປະຊາຊົນ ແຂວງ ວຽງຈັນ ໄດ້ກ່າວໃນຮ່າງບົດລາຍງານການເມືອງຕໍ່ກອງປະຊຸມໃຫຍ່ ພ້ອມກັນ ຄົ້ນຄວ້າປະກອບຄຳຄິດຄຳເຫັນຢ່າງເລີກເຊິ່ງ ແລະ ໄດ້ຮັບຮອງເອົາບົດລາຍງານການເມືອງຂອງຄະນະໜ່ວຍພັກຊຸດທີ IIl ຕໍ່ກອງປະຊຸມໃຫຍ່ຄັ້ງທີ IV,

ໄດ້ສະຫຼຸບຕີລາຄາຜົນ ຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ III ໃນຕະຫຼອດໄລຍະ 5 ປີ ຜ່ານມາໄດ້ສະແດງ ໃຫ້ເຫັນຜົນງານທີ່ພົ້ນເດັ່ນ ໃນແຕ່ລະດ້ານທີ່ຍາດມາໄດ້, ດ້ານອ່ອນ, ຂໍ້ຄົງຄ້າງ.

ພ້ອມກັນນັ້ນ ກອງປະຊຸມຍັງໄດ້ກຳນົດບັນດາທິດທາງໜ້າທີ່ຕົ້ນຕໍ ແຕ່ນີ້ຫາກອງປະຊຸມໃຫຍ່ ຄັ້ງທີ V ຂອງໜວ່ຍພັກ, ຄະນະໜວ່ຍພັກ, ສະມາຊິກພັກ ຂອງສານປະຊາຊົນແຂວງວຽງຈັນ ໄດ້ເອົາໃຈໃສ່ຄົ້ນຄ້ວາເຊື່ອມຊືມບັນດາແນວທາງ, ນະໂຍບາຍ, ມະຕິ, ຄຳສັ່ງຂອງພັກ, ລະບຽບກົດໝາຍຂອງລັດຢ່າງເລີກເຊິ່ງ.

ແລະ ຫັນເອົາແນວທາງນະໂຍບາຍ, ມະຕິ, ຄໍາສັ່ງຂອງພັກ, ລະບຽບກົດໝາຍຂອງລັດ ເປັນແຜນການ, ໂຄງການ ແລະ ແຜນງານໃນຂົງເຂດວຽກງານຂອງຕົນ ເພື່ອຈັດຕັ້ງປະຕິບັດໃຫ້ເກີດໝາກຜົນ,ເອົາໃຈໃສ່ປັບປຸງ ແລະ ກໍ່ສ້າງໜວ່ຍພັກ ໃຫ້ມີຄວາມໜັກແໜ້ນເຂັ້ມແຂງທາງດ້ານການເມືອງ-ແນວຄິດ,ເຮັດໃຫ້ສະມາຊິກພັກ ມີຄວາມອຸ່ນອຽນ, ທຸ່ນທ່ຽງເຊື່ອຫມັ້ນຕໍ່ການນຳພາອັນຖືກຕ້ອງຂອງພັກ.

 


ກອງປະຊຸມຄັ້ງນີ້ ຍັງໄດ້ມີການປ່ອນບັດເລືອກເອົາຄະນະໜ່ວຍພັກຊຸດໃໝ່ ເພື່ອຊີ້ນຳ-ນຳພາຈັດຕັ້ງປະຕິ ບັດມະຕິກອງປະຊຸມໃຫຍ່ ຄັ້ງທີ IV ຂອງໜ່ວຍພັກດັ່ງກ່າວ ເຊິ່ງມາຜູ້ສະໝັກ 5 ສະຫາຍ, ເລືອກເອົາ 3 ສະຫາຍ, ສະມາຊິກພັກສົມບູນແຕ່ລະສະຫາຍ,

ໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່.

ໃນກອງປະຊຸມຄັ້ງປະຖົມມະລຶກ ໄດ້ເປັນເອກະພາບເລືອກເອົາ ສະຫາຍ ອຸດົມ ພົມມະລິນ ເປັນເລຂາໜ່ວຍພັກ, ສະຫາຍ ຈິດຕະວົງ ສີສົງຄາມ ເປັນຮອງເລຂາໜ່ວຍພັກ, ທັງເປັນຜູ້ກວດກາໜ່ວຍພັກ, ສະຫາຍ ທອງໃບ ສຸທຳມະວົງ ເປັນຄະນະ.

ກອງປະຊຸມຍັງໄດ້ຄັດເລືອກເອົາ ສະຫາຍ ອຸດົມ ພົມມະລິນ ເປັນຜູ້ແທນສົມບູນ ແລະ ເລືອກເອົາ ສະຫາຍ ຈິດຕະວົງ ສີສົງຄາມ ເປັນຜູ້ແທນສຳຮອງ ເພື່ອເຂົ້າຮ່ວມກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີVI ທີ່ຈະໄຂຂື້ນໃນຕໍ່ໜ້າ.

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930