Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໂພນໂຮງ ແຂວງວຽງຈັນ ປະກາດການຈັດຕັ້ງ ແລະ ມອບ-ຮັບໜ້າທີ່ ວຽກງານບັນດາຫ້ອງການ ລະຫວ່າງ ຜູ້ເກົ່າ-ຜູ້ໃໝ່.

1 min read

ເມືອງໂພນໂຮງ ແຂວງວຽງຈັນ ປະກາດການຈັດຕັ້ງ ແລະ ມອບ-ຮັບໜ້າທີ່ ວຽກງານບັນດາຫ້ອງການ ລະຫວ່າງ ຜູ້ເກົ່າ-ຜູ້ໃໝ່.


ພິທີປະກາດຊັບຊ້ອນພະນັກງານຂັ້ນການນຳ ແລະ ພະນັກງານຄຸ້ມຄອງນຳພາພາຍໃນເມືອງໂພນໂຮງແຂວງວຽງຈັດຂື້ນຢ່າງເປັນທາງການໃນວັນທີ 9 ມິຖຸນາ 2020 ນີ້ຢູ້ທີ່ສະໂມສອນໃຫຍ່ຂອງເມືອງ ພາຍໄຕ້ການເປັນປະທານຂອງທ່ານ ສົມປະສົງ ສຸວົງຄຳຈັນ ກຳມະການພັກແຂວງ,ເລຂາພັກເມືອງ ເຈົ້າເມືອງໆໂພນໂຮງ ,ມີຄະນະປັບປຸງການຈັດຕັ້ງ,ມີບັນດາຫົວໜ້າຫ້ອງການ ແລະ ພະນັກງານລັດຖະກອນ ຫ້ອງການກ່ຽວຂ້ອງພາຍໃນເມືອງຮ່ວມ.


ໃນການປະກາດຊັບຊ້ອນພະນັກງານການນຳ ແລະ ພະນັກງານຄຸ້ມຄອງນຳພາແຕ່ລະຫ້ອງການຄັ້ງນີ້ກໍ່ເພື່ອປະຕິບັດຕາມຕາມຂໍ້ຕົກລົງຂອງທ່ານເຈົ້າແຂວງໆວຽງຈັນ ແລະ ປະຕິບັດຕາມຂໍ້ຕົກລົງຂອງທ່ານເຈົ້າເມືອງໆໂພນໂຮງ ຕາມການແບ່ງໜ້າທີ່ ແລະ ຄວາມຮັບຜິດຊອບໜ້າທີ່ການເມືອງທີ່ການຈັດຕັ້ງມອບໝາຍໃຫ້ແນ່ໃສ່ເພື່ອເຮັດໃຫ້ລະບົບການຈັດຕັ້ງຢູ່ບັນດາຫ້ອງການຂອງເມືອງນັບມີຄວາມເຂັ້ມແຂງໜັກແໜ້ນປະຕິບັດໜ້າທີ່ໃຫ້ໄດ້ຮັບຜົນດີຂື້ນເລື້ອຍໆ

ທີ່ປະຊຸມໄດ້ຮັບຟັງການຜ່ານຂໍ້ຕົກຂອງທ່ານເຈົ້າແຂວງ ແລະ ທ່ານ ເຈົ້າເມືອງໂພນໂຮງ ໂດຍທ່ານ ອິນແປງ ສຸທຳມະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງ ເປັນຕົ້ນຂໍ້ຕົກລົງຂອງທ່ານເຈົ້າແຂວງໆວຽງຈັນ ສະບັບເລກທີ 520/ຈຂ.ວຈ ຕົກລົງແຕ່ງຕັ້ງ ທ່ານ ບຸນມີ ອິນທະວົງ ຄະນະປະຈຳພັກເມືອງ ເປັນຮອງເຈົ້າເມືອງໆໂພນໂຮງ,

ຜ່ານຂໍ້ຕົກລົງທ່ານເຈົ້າເມືອງໆໂພນໂຮງ ຕົກລົງແຕ່ງຕັ້ງ ທ່ານ ອຸດອນ ກິ່ງຈັນທະວົງ ຮອງເລຂາພັກເມືອງ ເປັນປະທານກວດກາພັກ-ລັດ ເມືອງ,ແຕ່ງຕັ້ງ ທ່ານ ສຸກັນ ສີຫາປັນຍາ ຄະນະປະຈຳພັກເມືອງ ເປັນປະທານແນວລາວສ້າງຊາດເມືອງ,ແຕ່ງຕັ້ງ ທ່ານ ຈຳປາທອງ ແກ້ວວິຈິດ ກຳມະການພັກເມືອງ ເປັນຫົວໜ້າຫ້ອງການອຸດສາຫະກຳ-ການຄ້າ ເມືອງ,ແຕ່ງຕັ້ງທ່ານ ລິນທອງ ສົມສະນິດ ກຳມະການພັກເມືອງ ເປັນຫົວໜ້າ ຫ້ອງການຖະແຫຼ່ງຂ່າວ ວັດທະນະທຳ -ທ່ອງທ່ຽວເມືອງ,ແຕ່ງຕັ້ງ ທ່ານ ຄຳສິງ ສີຫາລາດ ກຳມະການພັກເມືອງ ເປັນຫົວໜ້າຫ້ອງການພາຍໃນເມືອງ,

ແຕ່ງຕັ້ງ ທ່ານ ດຣ ກຽງຄຳ ໄພມະໄລພອນ ກຳມະການພັກເມືອງ ເປັນຫົວໜ້າ ຫ້ອງການສາທາລະນະສຸກ ເມືອງ, ແຕ່ງຕັ້ງ ທ່ານ ສາຄອນ ແກ້ວສຸວັນ ເປັນຫົວໜ້າຫ້ອງການແຮງງານ-ສະຫວັດດີການສັງຄົມເມືອງ, ແຕ່ງຕັ້ງ ທ່ານ ຫົງທອງ ວົງສຸກ ເປັນຫົວໜ້າ ແລະ ທ່ານ ພອນໄຊ ສຸວັນດີ ເປັນຮອງຫົວໜ້າຫ້ອງການກະສິກຳ-ປ່າໄມ້ເມືອງ

ທີ່ປະຊຸມໄດ້ຮັບຟັງການຜ່ານບົດບັນທຶກມອບ-ຮັັບໜ້າທີ່ແຕ່ລະຫ້ອງການ ຊຶ່ງແຕ່ລະຫ້ອງກໍ່ໄດ້ຍົກໃຫ້ເຫັນຜົນງານການຈັດຕັ້ງປະຕິບັດໄລຍະຜ່ານມາ ແມ່ນສາມາດປະຕິບັດໄດ້ດີສົມຄວນ ຍົກໃຫ້ຂໍ້ຄົງຄ້າງທີ່ຈະຕ້ອງສືບຕໍ່ປະຕິບັດໃຫ້ສຳເລັດ

ຕອນທ້າຍພິທີຍັງ ເຊັ່ນບົດບັນທຶກ ມອບ-ຮັບໜ້າທີ່ ລະຫວ່າງຜູ້ເກົ່າ-ຜູ້ໃໝ່ ໂດຍຊ່ອງໜ້າ ການນຳຂອງເມືອງ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031