Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງໝື່ນອອກແຮງງານລວມສ້າງຂະບວນການຕ້ອນຮັບກອງປະຊຸມຄົບຄະນະບໍລິຫານງານພັກເມືອງໝື່ນ ຄັ້ງທີ 3 ສະໄໝທີ III.

1 min read

ເມືອງໝື່ນອອກແຮງງານລວມສ້າງຂະບວນການຕ້ອນຮັບກອງປະຊຸມຄົບຄະນະບໍລິຫານງານພັກເມືອງໝື່ນ ຄັ້ງທີ 3 ສະໄໝທີ III.


ເພື່ອເຮັດໃຫ້ສະພາບແວດລ້ອມທົ່ວເມືອງໝື່ນ ມີຄວາມສະອາດງາມຕາ ປາສະຈາກມົນລະຜິດ ແລະ ສິ່ງເປິ້ເປື່້ອນ ,ສ້າງຄວາມສາມັກຄີຂອງພໍ່ແມ່ປະຊາຊົນພາຍໃນເມືອງ ກໍ່ຄືແຕ່ລະບ້ານທົ່ວເມືອງ ແລະ ເປັນການອາໄມ ຕັດວົງຈອນການແຜ່ພັນຂອງຍຸງລາຍທີ່ເປັນສາເຫດຂອງໄຂ່ຍຸງລາຍ ແລະ ໄຂເລືອດອອກ ບໍ່ໃຫ້ມີການແຜ່ລະບາດ.


ວັນທີ 5 ມີຖຸນາ 2020 ທົ່ວເມືອງໝື່ນ ຈຳນວນ 22 ບ້ານ ໄດ້ພ້ອມພຽງກັນອອກແຮງງານລວມ ສ້າງຂະບວນການ ຕ້ອນຮັບບັນດາວັນ ທີ່ມີຄວາມໝາຍຄວາມສຳຄັນ ຂອງພັກ-ລັດ ແລະ ເພື່ອເປັນການສ້າງຂະບວນການອອກແຮງງານລວມ ຕ້ອນຮັບກອງປະຊຸມຄົບຄະນະບໍລິຫານງານພັກເມືອງໝື່ນ ຄັ້ງທີ 3 ສະໄໝທີ III ໃຫ້ເປັນຂະບວນຟົດຟື້ນ ແລະ ກວ້າງຂວາງ

ດັ່ງນັ້ນ ອານຸກຳມະການຂະບວນການ ຂອງເມືອງ ໄດ້ສົມທົບກັບຄະນະພັກ,ຫົວໜ້າກຸ່ມບ້ານ,ເລຂາພັກບ້ານ-ນາຍບ້ານທົ່ວເມືອງ ເພື່ອນຳພາພໍ່ແມ່ປະຊາອອກແຮງງານລວມຕາມຂອບເຂດຄວາມຮັບຜິດຊອບຂອງຕົນໃຫ້ມີຄວາມສະອາດງາມຕາ.


ການອອກແຮງງານເທື່ອນີ້ພໍ່ແມ່ປະຊາຊົນແຕ່ລະກຸ່ມບ້ານ ຕ່າງກໍ່ໄດ້ພ້ອມກັນຖ່າງປ່າແຄມທາງຫຼວງ 4501 ,ທາງປ່າຕາມທາງຊອຍເຂົ້າບ້ານໃຜລາວ,ອານາໄມ ເກັບມ້ຽນຂີ້ເຫຍື່ອ ສິ່ງເສດເຫຼືອຕ່າງໆ ໃສ່ເປົາແລ້ວນຳໃສ່ລົດຂົ່ນສົ່ງຂີ້ເຫຍື່ອໄປຖິ້ມ ຢູ່ຈຸດຂຸມຖິ້ມຂີ້ເຫຍື່ອຂອງແຕ່ລະກຸ່ມບ້ານ

ພາຍຫຼັງສຳເລັດການອານາໄມຕາມເຂດສາທາລະນະແລ້ວ ທາງອານຸກຳມະການຂະບວນການ ແລະ ນາຍບ້ານ ຍັງໄດ້ແນະນຳໃຫ້ພໍ່ແມ່ປະຊາຊົນ ຈົ່ງພ້ອມກັນກັບຄືນໄປອານາໄມໃນຂອບເຂດເຮືອນຊານຂອງໃຜລາວ ໃຫ້ມີຄວາມສະອາດ

ພ້ອມກັນອານາໄມສິ່ງເສດເຫຼືອ,ອານາໄມສິ່ງແວດລ້ອມພາຍໃນເຮອນໃຫ້ປອດໂປ່ງ ,ທຳລາຍແຫຼ່ງເພາະພັນຂອງຍຸງລາຍ ທີ່ເປັນພາຫານະນຳເຊື້ອພະຍາດມາສູ່ຄົນເຮົາ ເເລະ ພ້ອມກັນເອົາໃສ່ສືບຕໍ່ປະຕິບັດຕາມຫຼັກການ 5 ປໍຢ່າງເຂັ້ມງວມຕື່ມອີກ.

ຂ່າວ ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031