Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດເຜີຍແຜ່ນິຕິກຳການຄຸ້ມຄອງແຮງງານ

1 min read

ເມືອງແມດເຜີຍແຜ່ນິຕິກຳການຄຸ້ມຄອງແຮງງານ.

ໃນວັນທີ 8 ມິຖຸນາ 2020 ຜ່ານມານີ້ຢູ່ສະໂມສອນຂອງເມືອງແມດ ແຂວງວຽງຈັນ.ກະຊວງແຮງງານແລະ ສະຫວັດດີການສັງຄົມ ໄດ້ລົງມາເຜີຍແຜ່ບັນດານິຕິກຳກ່ຽວກັບການຄຸ້ມຄອງແຮງງານໃຫ້ແກ່ພະນັກງານຫ້ອງການແຮງງານ ແລະ ສະຫວັດດີການສັງຄົມຂັ້ນເມືອງ ໂດຍພາຍໃຕ້ການເປັນປະທານຂອງທ່ານ ຄຳພັດ ອ່ອນລາສີ ຮອງຫົວໜ້າກົມຄຸ້ມຄອງແຮງງານ ແລະ ສະຫວັດດີການສັງຄົມ ແລະ ເປັນ ກຽດເຂົ້າຮ່ວມຂອງທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ.

ທ່ານບຸນຮຽງ ເນືອງດາລາ ກຳມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງແມດ ມີບັນດາພະນັກງານຫ້ອງການທີກ່ຽວຂ້ອງ ແລະ ພ້ອມດ້ວຍບັນດາເລຂາພັກບ້ານອ້ອມຂ້າງເມືອງເຂົ້າຮ່ວມທັງໝົດ 31 ທ່ານຍິງ 3 ທ່ານ,ເອກະສານທີຜາ່ານຄື: ແຈ້ງການຂອງກະຊວງແຮງງານ ແລະ ສະຫວັດດີການສັງຄົມເລກທີ 1559/ຮສສ ລົງວັນທີ 1 ມິຖຸນາ 2020.ເລື່ອງມາດຕະການດ້ານແຮງງານ ແລະ ນະໂຍບາຍການປະກັນສັງຄົມໃນໄລຍະ ແລະ ຫຼັງການແຜ່ລະບາດພະຍາດໂຄວິດ 19.ຜ່ານດຳລັດຂອງລັດຖະບານເລກທີ 76/ລບ ລົງວັນທີ 28 ກຸມພາ 2018 .

ການແກ້ໄຂຂໍ້ຂັດແຍ່ງທາງດ້ານແຮງງານມີທັງໝົດ 9 ໝວດ ແລະ ມີ 28 ມາດຕາ,ຜ່ານຮ່າງແນະນຳສັນຍາແຮງງານລະຫ່ວາງຜູ້ໃຊ້ແຮງງານ ແລະ ຜູ້ອອກແຮງງານ,ຜ່ານຮ່າງກົດລະບຽບພາຍໃນກ່ຽວກັບການຄຸ້ມຄອງ ແລະ ນຳໃຊ້ແຮງງານ.ພາລະບົດບາດຂອງກົມຄຸ້ມຄອງແຮງງານ,ນິຕິກຳກ່ຽວກັບວຽກງານຄຸ້ມຄອງແຮງງານ,ການໃຫ້ຄຳປຶກສາ,ວິທີໃຫ້ຄຳປຶກສາ,ການແກ້ໄຂຂໍ້ຂັດແຍ່ງທາງດ້ານແຮງງານ,ເນື້ອໃນຂອງກົດລະບຽບພາຍໃນ,ສັນຍາແຮງງານ.

ທ່ານຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງມີຄຳເຫັນໂອ້ລົມຕໍ່ກອງປະຊຸມ ເຊິ່ງທ່ານໃຫ້ຄຳແນະນຳໃຫ້ແກ່ບັນດາບ້ານທີ່ມີເງື່ອນໄຂຈະໄປອອກແຮງງານຈົ່ງໄປໃຫ້ຖືກຕ້ອງສອດຄ່ອງຕາມລະບຽບຫຼັກການຕາມກະຊວງແຮງງານ ແລະ ສະຫວັດດີການສັງຄົມທີ່ໄດ້ກຳນົດໄວ້ໃນເອກະສານຕ່າງໆ,ໄປເຮັດວຽກແມ່ນໃຫ້ມີເອກະສານໃຫ້ຖຶກຕ້ອງຕາມລະບຽບກົດໝາຍທີ່ໄດ້ກຳນົດໄວ້.

ຂ່າວເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031