Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມຈັດງານພິທີສະເຫຼີມສະຫຼອງວັນເດັກສາກົນ, ວັນປູກຕົ້ນໄມ້ແຫ່ງຊາດ, ວັນສິ່ງແວດລ້ອມໂລກ ແລະ ວັນສົ່ງເສີມສຸຂະພາບ

1 min read

ເມືອງຊະນະຄາມຈັດງານພິທີສະເຫຼີມສະຫຼອງວັນເດັກສາກົນ, ວັນປູກຕົ້ນໄມ້ແຫ່ງຊາດ, ວັນສິ່ງແວດລ້ອມໂລກ ແລະ ວັນສົ່ງເສີມສຸຂະພາບ.

ວັນທີ 5 ມິຖຸນາ 2020 ເມືອງຊະນະຄາມ ແຂວງວຽງຈັນ, ໄດ້ຈັດພິທີສະເຫຼີມສະຫຼອງ 4 ວັນປະຫວັດສາດຂຶ້ນ ຢູ່ທີ່ເດີ່ນໂຮງຮຽນປະຖົມສົມບູນຄົກເຂົ້າດໍ,

ໂດຍພາຍໃຕ້ການເປັນປະທານຮ່ວມຂອງທ່ານ ແກ້ວ ພິມມະວົງ ຮອງເລຂາພັກເມືອງ ແລະ ທ່ານ ບຸນຊ່ວງ ວັນສີ ຄະນະປະຈໍາພັກເມືອງ ຮອງເຈົ້າເມືອງ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານລັດຖະກອນ, ກໍາລັງ ປກຊ-ປກສ, ບັນດາອົງການປົກຄອງບ້ານ, ນັກທຸລະກິດ, ບັນດານ້ອງນ້ອຍນັກຮຽນ ແລະ ບັນດາປະຊາຊົນໃນເຂດກຸ່ມບ້ານຄົກເຂົ້າດໍ ເຂົ້າຮ່ວມໃນພິທີດັ່ງກ່າວຢ່າງແໜ້ນໜ້າ ແລະ ເປັນຂະບວນຢ່າງຟົດຟື້້ນ.


ອີງຕາມກົດໝາຍວ່າດ້ວຍການປົກປ້ອງສິດ ແລະ ຜົນປະໂຫຍດຂອງເດັກ, ສະບັບເລກທີ 05/ສພຊ, ລົງວັນທີ 27ທັນວາ 2006, ກົດໝາຍປ່າໄມ້( ສະບັບປັບປຸງ) ສະບັບເລກທີ 64/ສພຊ, ລົງວັນທີ 13 ມິຖຸນາ 2019 ແລະ ກົດໝາຍສິ່ງແວດລ້ອມ( ສະບັບປັບປຸງ) ສະບັບເລກທີ 29/ສພຊ, ລົງວັນທີ 18 ທັນວາ 2012.
ທ່ານ ຄໍາມີ ທອງປານສີ ວ່າການຫົວໜ້າຫ້ອງການກະສິກໍາ ແລະ ປ່າໄມ້ເມືອງ ທັງເປັນຄະນະກໍາມະການ ແລະ ຫ້ອງການເຈົ້າພາບຈັດງານ, ໄດ້ຂຶ້ນຜ່ານປະຫວັດຄວາມເປັນມາຂອງ 4 ວັນສໍາຄັນດັ່ງກ່າວ, ພ້ອມທັງລາຍງານສະພາບການຈັດຕັ້ງປະຕິບັດວຽກງານແຕ່ລະດ້ານ ຕະຫຼອດໄລຍະ 1 ປີຜ່ານມາ, ເຊິ່ງຈຸດປະສົງໃນການຈັດງານໃນຄັ້ງນີ້ ກໍ່ເພື່ອເປັນຈັດຕັ້ງຜັນຂະຫຍາຍຂະບວນການສະເຫຼີມສະຫຼອງ 4 ວັນດັ່ງກ່າວ ໃຫ້ເປັນຂະບວນກວ້າງຂວາງ,

ພ້ອມທັງເປັນການປູກຈິດສໍານຶກໃຫ້ມວນຊົນໃນທົ່ວສັງຄົມໄດ້ມີຮັບຮູ້ຢ່າງເລິກເຊິ່ງ, ເຫັນໄດ້ຄວາມໝາຍຄວາມສໍາຄັນ ແລະ ເປັນເຈົ້າການໃນການປະ ກອບສ່ວນຢ່າງຕັ້ງໜ້າເຂົ້າໃນວຽກງານດັ່ງກ່າວ.


ໃນພິທີໃນຄັ້ງນີ້ ຍັງໄດ້ມີບັນດາກິດຈະກໍາຕ່າງໆທີ່ສໍາຄັນ ເປັນຕົ້ນ: ຂະບວນຍ່າງເພື່ອສຸຂະພາບ, ການກວດສຸຂະພາບຂອງແມ່ ແລະ ເດັກ, ການສະແດງສິລະປະວັນນະຄະດີບົດຟ້ອນຂອງບັນດານ້ອງນ້ອຍນັກຮຽນ ແຕ່ລະໂຮງຮຽນພາຍໃນກຸ່ມບ້ານ, ກິດຈະກໍາຕອບຄໍາຖາມເພື່ອຊິງລາງວັນ, ກິດຈະກໍາປູກຕົ້ນໄມ້ການປູກຕົ້ນໄມ້,

ພ້ອມດຽວກັນກໍ່ມີການມອບຂອງຂວັນໃຫ້ນັກຮຽນເກັ່ງ, ຄູສອນດີ-ສອນເກັ່ງ, ເດັກສຸຂະພາບດີ, ເດັກນ້ອຍຄໍາຮູ້ ແລະ ມອບໃບຍ້ອງຍໍ ໃຫ້ແກ່ໃຫ້ແກ່ບັນດາຜູ່ທີ່ມີຜົນງານປະກອບສ່ວນຊຸກຍູ້ງານດັ່ງກ່າວ ໃຫ້ໄດ້ຮັບການຈັດຕັ້ງເຄື່ອນໄຫວ ຕາມແຜນການທີ່ວາງໄວ້.


ໃນຕອນທ້າຍພິທີ ໄດ້ມີການມອບ-ຮັບ ໜ້າທີ່ໃນການເປັນເຈົ້າພາບຈັດງານ 4 ວັນສໍາຄັນດັ່ງກ່າວ.

ຂ່າວ:ຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930