Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີ ມອບ-ຮັບໜ້າທີ່ ຫົວຫນ້າຫ້ອງການ-ການເງິນ ເມືອງວັງວຽງລະຫວ່າງ ຜູ້ເກົ່າ-ຜູ້ໃໝ່

1 min read

ວັນທີ 12 ມິຖຸນາ 2020 ນີ້, ຢູ່ທີ່ ຫ້ອງປະຊຸມ ຂອງຫ້ອງການ-ການເງິນເມືອງວັງວຽງ ແຂວງວຽງຈັນ, ໄດ້ຈັດພິທີ ມອບ-ຮັບໜ້າທີ່ ຫົວຫນ້າຫ້ອງການ-ການເງິນ ເມືອງວັງວຽງລະຫວ່າງ ຜູ້ເກົ່າ-ຜູ້ໃໝ່.

 

ພາຍໃຕ້ການເຂົ້າຮ່ວມຂອງທ່ານ ດາວເຮືອງ ນັນທະວົງ ຮອງເຈົ້າແຂວງໆວຽງຈັນ, ມີທ່ານ ສຸວຽງທອງ ວົງຈຳປາ ຮອງເລຂາພັກເມືອງ, ມີຮອງເລຂາພັກເມືອງ, ຄະນະປະຈຳ, ກຳມະການພັກເມືອງ, ບັນດາຫົວໜ້າຫ້ອງການ ແລະ ພະນັກງານລັດຖະກອນ ຫ້ອງການກ່ຽວຂ້ອງເຂົ້າຮ່ວມ.

ໃນພິທີ ມອບ-ຮັບໜ້າທີ່ ຫົວຫນ້າຫ້ອງການ-ການເງິນ ເມືອງວັງວຽງລະຫວ່າງ ຜູ້ເກົ່າ-ຜູ້ໃໝ່ໃນຄັ້ງນີ້ ເພື່ອປະຕິບັດຕາມ ຂໍ້ຕົກລົງຍົກຍ້າຍ ແລະ ຂໍ້ຕົກລົງແຕ່ງຕັ້ງຂອງທ່ານເຈົ້າ ເມືອງໆວັງວຽງ, ຕາມການແບ່ງໜ້າທີ່ ແລະ ຄວາມຮັບຜິດຊອບໜ້າທີ່ການເມືອງທີ່ການຈັດຕັ້ງມອບໝາຍໃຫ້ ແນ່ໃສ່ເພື່ອເຮັດໃຫ້ລະບົບການຈັດຕັ້ງຢູ່ບັນດາຫ້ອງການຂອງເມືອງນັບມີຄວາມເຂັ້ມແຂງໜັກແໜ້ນປະຕິບັດໜ້າທີ່ໃຫ້ໄດ້ຮັບຜົນດີຂື້ນເລື້ອຍໆ .

ທ່ານ ກວຽນທອງ ເທບທິດາ ຫົວຫນ້າຫ້ອງການ-ການເງິນເມືອງຜູ້ເກົ່າ ກໍ່ໄດ້ຂຶ້ນຜ່ານບົດສະຫລຸບ ການຈັດຕັ້ງປະຕິບັດເຄື່ອນໄຫວຜ່ານມາ ເຊິ່ງທ່ານກໍ່ໄດ້ຍົກໃຫ້ເຫັນເຖິງຄວາມສໍາເລັດໃນການປະຕິບັດວຽກງານ ແລະ ຂໍ້ຄົງຄ້າງທີ່ຈະຕ້ອງໄດ້ສືບຕໍ່ໃນຕໍ່ໜ້າ.


ໃນພິທີຍັງໄດ້ເຊັ່ນບົດບັນທຶກ ມອບ-ຮັບໜ້າທີ່ ລະຫວ່າງ ທ່ານ ກວຽນທອງ ເທບທິດາ ຫົວຫນ້າຫ້ອງການ-ການເງິນຜູ້ເກົ່າ ແລະ ທ່ານ ສາຍສະໝອນ ຈັນທະວົງ ຫົວໜ້າຫ້ອງການ-ການເງິນ ເມືອງວັງວຽງ ຜູ້ໃໝ່ ໂດຍຊ່ອງໜ້າ ການນຳຂອງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ຕອນທ້າຍ ພິທີ ທ່ານ ດາວເຮືອງ ນັນທະວົງ ຄະນະປະຈຳພັກແຂວງ ຮອງເຈົ້າແຂວງວຽງຈັນ ໄດ້ໃຫ້ກຽດມີຄໍາເຫັນແລະ ໂອ້ລົມຕໍ່ພິທີ ທ່ານໄດ້ເນັ້ນໜັກໃຫ້ພະນັກງານທີ່ໄດ້ຮັບການແຕ່ງຕັ້ງໃນຄັ້ງນີ້ຈົ່ງເອົາໃຈໃສ່ປະຕິບັດວຽກງານຕາມພາລະບົດບາດສິດ ແລະ ໜ້າທີ່ຂອງຕົນ, ມີການພົວພັນປະສານສົມທົບກັບພາກສ່ວນທີ່ກ່ຽວຂ້ອງ ແລະ ເຮັດໃຫ້ວຽກງານການເງິນຢູ່ເມືອງວັງວຽງໃຫ້ມີຜົນສໍາເລັດຂຶ້ນໄປເລື້ອຍໆ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed