Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກະຊວງ ອຸດສາຫະກຳ ແລະ ການຄ້າ ຈັດຊຸດຝຶກອົບຮົມການຖ່າຍທອດເຕັກນິກ ການຜະລິດສິນຄ້າຫັດຖະກຳ ເພື່ອເປັນເຄື່ອງທີ່ລະນຶກແລະ ການຕະຫຼາດ.

1 min read

ພິທີເປີດຊຸດຝຶກອົບຮົມການຖ່າຍທອດເຕັກນິກ ການຜະລິດສິນຄ້າຫັດຖະກຳ ເພື່ອເປັນເຄື່ອງທີ່ລະນຶກ ແລະ ການຕະຫຼາດໄດ້ມີຂຶ້ນໃນວັນທີ15 ມິຖຸນາ 2020 ນີ້.

ໂດຍການເປັນກຽດເຂົ້າຮ່ວມຂອງ ທ່ານ ສະຫວາດ ຂຸນດາວົງ ຮອງຫົວໜ້າກົມອຸດສາຫະກຳ ແລະ ຫັດຖະກຳ ພ້ອມດ້ວຍຄະນະ, ມີບັນດາທ່ານທີ່ຕາງໜ້າຂະແໜງການກ່ຽວຂ້ອງ, ນັກສຳມະນາກອນເຂົ້າຮ່ວມ.

ທ່ານ ຄຳເພັດ ທອງພາລິດ ຮອງຫົວໜ້າພະແນກ ອຸດສະຫະກຳ ແລະ ການຄ້າແຂວງ ວຽງຈັນ ກ່າວວ່າ :

ການຝຶກອົບຮົມໃນເທື່ອນີ້ກໍເພື່ອເປັນການຍົກລະດັບທາງດ້ານສີມືແຮງງານ ເພື່ອປັບປ່ຽນ ຫຼື ພັດທະນາໄມ້ປ່ອງ ທີ່ມີຢູ່ຕາມທຳມະຊາດ, ຕາມຫົວໄຮ່ປາຍນາ ໃຫ້ກາຍມາເປັນຜະລິດຕະພັນ ຫຼື ສິນຄ້າ ທີ່ມີຄວາມສວຍງາມ ແລະ ປານີດ, ເປັນເອກະລັກຂອງຊາດ, ຂອງປະຊາຊົນບັນດາເຜົ່າ,ຮັກສາມູນເຊື້ອ, ມີສີໄມ້ລາຍມື ແລະ ໜໍ່ແໜງຜະລິດ ເຄື່ອງມືຫັດຖະກຳ ຫຼາຍປະເພດບໍ່ວ່າຈະເປັນຫັດຖະກຳຕ່ຳຫູກ, ຈັກສານ ແລະອື່ນໆ.

ເຊິ່ງເຮັດໃຫ້ປະຊາຊົນມີວຽກເຮັດງານທຳ ແລະ ມີລາຍຮັບໃຫ້ແກ່ຄອບຄົວ, ເປັນການປະກອບສ່ວນເຂົ້າໃນການພັດທະນາ ເສດຖະກິດສັງຄົມເພື່ອໃຫ້ມີທ່າແຮງໃນການດຳເນີນການຜະລິດ ແລະ ທາງດ້ານການຕະຫຼາດ, ໃຫ້ເຄື່ອນໄຫວຖືກຕ້ອງ ແລະ ສອດຄ່ອງກັບລະບຽບກົດໝາຍ, ໄດ້ນໍາສົ່ງຊ່າງຫັດຖະກຳ ຈັດຝຶກອົບຮົມ ການສະກັດສີຈາກພືດທຳມະຊາດເຂົ້າໃນການຍ້ອມຝ້າຍ ແລະ ໄໝ ຢູ່ກຸ່ມຕ່ຳຫູກບ້ານທ່າໂພໄຊ, ເມືອງວຽງຄໍາ, ໄດ້ຊຸກຍູ້ໂຮງງານຫັດຖະກຳ ແລະ ຫົວໜ່ວຍຫັດຖະກຳແບບຄອບຄົວ ຢູ່ 4 ເມືອງທົ່ງພຽງ ໃຫ້ມີການຜະລິດເປັນກຸ່ມ ເພື່ອໃຫ້ມີທ່າແຮງໃນການດຳເນີນການຜະລິດ ແລະ ທາງດ້ານການຕະຫຼາດ

ແລະ ທັງເປັນການຖອດຖອນ ແລະ ແລກປ່ຽນ ບົດຮຽນເຊິ່ງກັນ ແລະ ກັນ, ເລີ່ມແຕ່ຂອດການກະກຽມຫຼື ຮັກສາຄຸນນະພາບຂອງວັດຖຸດິບວິທີການຈັກຕອກ, ເຫຼົາຕອກ, ເອົາໜາບາງເທົ່າໃດ, ວິທີການຖັກ, ການສານ,ການອົບຄວັນ, ການລົງສີ ແລະ ອື່ນໆ, ເພື່ອນຳເອົາຜະລິດຕະພັນຂອງຕົນເຂົ້າຮ່ວມງານຕະຫຼາດນັດ, ງານວາງສະແດງສິນຄ້າ ແລະ ອື່ນໆ ຢູ່ພາຍໃນແຂວງ ແລະ ຕ່າງແຂວງນອກນັ້ນ ຍັງມີບາງສິນຄ້າຫັດຖະກຳຍັງໄດ້ໄປວາງສະແດງ ແລະ ສົ່ງໄປຂາຍຢູ່ຕ່າງປະເທດ.

ອີກຢ່າງຫນື່ງເພື່ອເປັນການຍົກລະດັບມູນຄ່າວັດຖຸດິບ ທີ່ມູນຄ່າຕໍ່າໃຫ້ກາຍເປັນສິນຄ້າ, ກາຍເປັນຜະລິດຕະພັນ ເພື່ອຊົມໃຊ້, ເປັນທີ່ລະນຶກຕ່າງໆ, ເປັນສິນຄ້າສົ່ງອອກ, ມີຄຸນນະພາບ, ມີຄວາມປານີດສວຍງາມ ເປັນທີ່ຍອມຮັບຂອງຕະຫຼາດ ແລະ ສາມາດແຂ່ງຂັນກັບຕະຫຼາດສາກົນເທື່ອລະກ້າວ.

ເຊິ່ງຊຸດຝຶກອົບຮົມເທື່ອນີ້ຈະໃຊ້ເວລາທັງໝົດ 10 ວັນເຕັມ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031