Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ໜ່ວຍພັກສະພາປະຊາຊົນແຂວງວຽງຈັນ ສຳເລັດກອງປະຊຸມໃຫຍ່ ຄັ້ງທີ V.

1 min read

ໜ່ວຍພັກສະພາປະຊາຊົນແຂວງວຽງຈັນ ສຳເລັດກອງປະຊຸມໃຫຍ່ ຄັ້ງທີ V.


ປະຊຸມໃຫຍ່ຄັ້ງທີ V ຂອງໜ່ວຍພັກສະພາປະຊາຊົນແຂວງວຽງຈັນ ໄດ້ຈັດຂຶ້ນໃນວັນທີ 15 ມິຖຸນາ 2020 ຢູ່ທີ່ຫ້ອງວ່າການສະພາປະຊາຊົນແຂວງ, ໂດຍການເປັນກຽດເຂົ້າຮ່ວມຂອງ ສະຫາຍ ບຸນເພັງ ສາຍນໍລະດີ ຮອງເລຂາພັກແຂວງ, ປະທານສະພາປະຊາຊົນແຂວງວຽງຈັນ, ມີຄະນະຮັບຜິດຊອບກອງປະຊຸມໃຫຍ່ຂັ້ນແຂວງ, ມີເລຂາໜ່ວຍພັກອ້ອມຂ້າງ ແລະ ສະມາຊິກພັກພາຍໃນໜ່ວຍພັກດັ່ງກ່າວເຂົ້າຮ່ວມ.


ໃນກອງປະຊຸມໄດ້ເປັນເອກະພາບກັນຮັບຮອງເອົາບົດລາຍງານການເມືອງທັງ 2 ພາກ ແລະ ບົດສຳຫຼວດການນຳພາລວມຂອງຄະນະໜ່ວຍພັກສະພາປະຊາຊົນແຂວງວຽງຈັນ ທີ່ສະເໜີໂດຍຄະນະໜ່ວຍພັກຊຸດທີ IV, ນັບແຕ່ປີ 2014 ມາເຖິງປະຈຸບັນ ສະມາຊິກສະພາແຫ່ງຊາດຊຸດທີVII, ຊຸດທີ VIII ແລະ ສະພາປະຊາຊົນແຂວງ ຊຸດທີI ໄດ້ຈັດຕັ້ງເຄື່ອນໄຫວຕາມພາລະບົດບາດ ສາມາຍາດໄດ້ຜົນງານຫຼາຍດ້ານ

ເປັນຕົ້ນແມ່ນໄດ້ຮ່ວມກັບອົງການປົກຄອງແຂວງ ກະກຽມ ແລະ ດຳເນີນການເລືອກຕັ້ງສະມາຊິກສະພາແຫ່ງຊາດ ຊຸດທີ VIII ແລະ ສະພາປະຊາຊົນແຂວງຊຸດທີI, ໄດ້ຮ່ວມກັບຄະນະສະມາຊິກສະພາແຫ່ງຊາດທົ່ວປະເທດ ພິຈາລະນາຮັບຮອງເອົາການສ້າງ ແລະ ປັບປຸງກົດໝາຍ ຈຳນວນ 81 ສະບັບ, ໃນນັ້ນສ້າງໃໝ່ 34 ສະບັບ, ປັບປຸງ 47 ສະບັບ, ທາບທາມ 4 ສະບັບ ແລະ ພິຈາລະນາຮັບຮອງເອົານິຕິກຳໃຕ້ກົດໝາຍຂອງອົງການປົກຄອງແຂວງ 2 ສະບັບ, ພິຈາລະນາ ແລະ ຮັບຮອງເອົາວຽກງຂອງລັດຖະບານ, ບຸກຄະລາກອນ ແລະ ການປະຕິບັດດ້ານການຕິດຕາມກວດກາ ຕາມມະຕິກອງປະຊຸມສະໄໝສາມັນແຕ່ລະຄັ້ງ ຂອງສະພາແຫ່ງຊາດ ແລະ ສະພາປະຊາຊົນແຂວງເປັນປົກກະຕິ, ພິຈາລະນາ ແລະ ແກ້ໄຂຄຳຮ້ອງຂໍຄວາມເປັນທຳຂອງປະຊາຊົນ ຜ່ານມາໄດ້ຮັບຄຳຮ້ອງຂໍຄວາມເປັນທຳ 293 ເລື່່່່ອງ.

 

ໃນນັ້ນລາຍງານໃຫ້ສະພາແຫ່ງຊາດ 25 ເລື່່່່ອງ, ໄດ້ພິຈາລະນາສົ່ງໃຫ້ພາກສ່ວນກ່ຽວຂ້ອງ 261 ເລື່່່່ອງ, ໄດ້ລົງຕິດຕາມກວດກາເກັບກຳຂໍ້ມູນຄຳຮ້ອງຂໍຄວາມເປັນທຳທີ່ມີຄວາມຫຍຸ້ງຍາກ 7 ເລື່່່່່່່່່່່່ອງ, ໃຫ້ຄຳປຶກສາທາງດ້ານກົດໝາຍໃຫ້ແກ່ປະຊາຊົນບັນດາເຜົ່າ 1.713 ເທຶ່ອຄົນ.


ໃນກອງປະຊຸມໃຫຍ່ຄັ້ງນີ້ບັນດາຜູ້ແທນສົມບຸນ ໄດ້ພ້ອມກັນໃຊ້ສິດປະຊາທິປະໄຕຂອງຕົນນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ 3 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາ ສະຫາຍ ນາງ ບົວວັນ ທຳມະວົງ ເປັນເລຂາໜ່ວຍພັກ, ສະຫາຍ ນາງ ຮັງລີ່ ແກ້ວວໍໄລສັກ ເປັນຮອງເລຂາ, ສະຫາຍ ຄຳຫຼ້າ ສີສຸວົງ ເປັນຄະນະໜ່ວຍພັກຊຸດໃໝ່ ເພຶ່ອຊີ້ີ້ີ້ີ້ນຳ-ນຳພາ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງນີ້ໃຫ້ເກີດໝາກຜົນຕົວຈິງ.

ພ້ອມທັງເລືອກເອົາຜູແທນສົມບູນ ແລະ ສຳຮອງໄປຮ່ວມກອງປະຊຸມໃຫຍ່ຄັ້ງທີ່ VI ຂອງອົງຄະນະພັກແຂວງວຽງຈັນ ຕື່ມອີກ.

ຂ່າວ:ບຸນມາ ແກ້ວຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031