Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແກ້ວອຸດົມໄດ້ຮັບຟັງການເຜີຍແຜ່ວຽກງານສຸຂະສຶກສາກຽ່ວກັບພະຍາດວັນນະໂລກ

1 min read

ເມືອງແກ້ວອຸດົມໄດ້ຮັບຟັງການເຜີຍແຜ່ວຽກງານສຸຂະສຶກສາ ກຽ່ວກັບພະຍາດວັນນະໂລກ.


ໃນວັນທີ 17 ມິຖຸນາ 2020 ຜ່ານມານີ້ ຢູ່ທີ່ສະໂມສອນເມືອງແກ້ວອຸດົມແຂວງວຽງຈັນໄດ້ຈັດກອງປະຊຸມຮັບຟັງການເຜີຍແຜ່ຄວາມຮູ້,ຄວາມເຂົ້າໃຈກຽ່ວກັບພະຍາດວັນນະໂລກ.ໂດຍການເປັນປະທານຂອງທ່ານ ດຣ ປາລະມີ ສຸມູນທອງ ກຳມະການພັກເມືອງ ຫົວໝ້າຫ້ອງການສາທາລະນະສຸກເມືອງແກ້ວອູດົມ,ເປັນກຽດເຂົ້າຮ່ວມຂອງທ່ານ ດຣ ສີສົມນຶກ ປະເສີດ ຮອງຫົວໝ້າຂະແໝງບໍລິຫານສູນຄອບຄຸມວັນນະໂລກ,ມີຫົວໝ້າ,ຮອງຫົວໝ້າຫ້ອງການ,ຫົວຫ້ອງການ ປກສ,ປກຊ, ເລຂາພັກນາຍບ້ານພ້ອມດ້ວຍນ້ອງນັກນຽນເຂົ້າຮ່ວມ.


ໃນພິທີ ທ່ານ ດຣ ປາລະມີ ສຸມູນທອງ ຫົວໝ້າຫ້ອງການສາທາລະນາສຸກເມືອງແກ້ວອຸດົມໃຫ້ກຽດຂຶ້ນເປີດກອງປະຊຸມ ແລະ ມີຄຳເຫັນກຽ່ວກັບພະຍາດວັນນະໂລກ,ພ້ອມນີ້ທ່ານ ດຣ ສີສົມນຶກ ປະເສີດ,ຮອງຫົວໝ້າ ຫ້ອງການບໍລິຫານ ສູນຄອບຄຸມວັນນະໂລກ ຂື້ນເຜີຍແຜ່ໃຫ້ຄວາມຮູ້, ຄວາມເຂົ້າໃຈໃນການຕິດຕໍ່ຂອງພະຍາດ, ການປ້ອງກັນ ແລະ ການປີ່ນປົວ ໃຫ້ຖືກຕາມວິທີຂອງພະຍາດວັນນະໂລກ, ພະຍາດນີ້ສາມາດຕິດແປດໄດ້ທຸກໆເພດໄວ ແລະ ທຸກອາໄວຍະວະຂອງຮ່າງກາຍເຊັ່ນ: ພະຍາດປອດ,ປອດແຫ້ງ, ພະຍາດວັນນະໂລກ,ໂລກຕິດຕໍ່ຈາກຄົນສູ່ຄົນ ໂດຍຜ່ານລະບົບຫາຍໃຈຕໍ່ກັນ.

ອາການສົງໃສໃນພະຍາດນີ້ມີ 8 ກໍລະນີຄື: ໄອຊຳເຮື້ອ,ໄອມີຂີ້ກະເທີ່, ໄອອອກເລືອດ,ນໍ້າໝັກຫຼຸດ, ຫາຍໃຈຟືດ, ອິດເມື່ອຍ, ເຈັບໝ້າອົກ, ໄຂ້ ແລະ ເຫື່ອອອກຍາມກາງຄືນຖ້າມີອາການແບບນີ້ຄວນໄປພົບແພດໝໍ,ໃນນັ້ນຫຼັກການປີ່ນປົວຄືກີນຢາຕາມກຳນົດແພດສັ່ງເປັນປະຈຳ,ບໍ່ກິນເຫຼົ່າ, ບໍສູບຢາ ແລະ ເສບຢາເສບຕິດ ແລະ ອື່ນໆ,ການປ້ອງກັນຜູ້ທີ່ເປັນວັນນະໂລກຕ້ອງປີ້ນປົວໃຫ້ດີ,ໄອຈາມຕ້ອງໄຊ້ຜ້າອົດປາກ,ຢູ່ບ່ອນອາກາດປອດໂປ່ງດີ ແລະ ສັກຢາວັກຊິນໃຫ້ເດັກເກີດໃໝ່ທຸກຄົນ.


ກອງປະຊຸມຍັງໄດ້ໃຫ້ຜູ້ເຂົ້າຮ່ວມມີການສົນທະນາຖາມ-ຕອບ ເພື່ອເຮັດໃຫ້ຄວາມຮັບຮູ້ ແລະ ເຂົ້າໃຈຕໍ່ພະຍາດດັ່ງກ່າວ ແລະ ສາມາດເຮັດໃຫ້ຜູ້ເຂົ້າຮ່ວມຮັບຟັງສາມາດນຳເອົາຄວາມຮູ້,ຄວາມເຂົ້າໃຈຂອງພະຍາດວັນນະໂລກນີ້ນຳໄປຈັດຕັ້ງຜັນຂະຫຍາຍຢູ່ໃນທ້ອງຖີ່ນຂອງຕົນໃຫ້ທົ່ວເຖີງຮາກຖານບ້ານ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930